Habang kumakain ng agahan sina Kelly at Ryker ay hindi umiimik ang una. Pinapakiramdaman niya ang huli dahil feeling niya ay may gusto itong sabihin sa kaniya. Maya't maya rin itong napapasulyap sa gawi niya at hindi niya kayang ignorahin iyon. Kapag ganitong tahimik lang silang dalawa ay parang ordinaryong couple lang sila. Iyong normal lahat pero 'pag bumuka na ang bibig nito ay mababasag ang imahinasyon niya at babalik ang pagkamuhi niya rito."Pagkatapos mong kumain ay maghanda ka. Pupunta tayo sa Hera," narinig niyang wika nito.Agarang nag-angat siya ng mukha at maang na tinignan ito. Kung 'di siya nagkakamali ay ang Hera na tinutukoy nito ay ang malaking mall na pag-aari ng pamilya nito. Hindi niya alam kung ano na namang trick ang hinahabi nito pero wala siyang tiwala rito."Simula sa araw na 'to ay ikaw na ang magbabantay sa bookstore. Anong gusto mong pangalan ng maliit mong business?" tanong nito.Bahagyang sumikdo ang puso niya sa narinig. Makakahugot na rin siya ng ibang
Hindi namalayan ni Kelly ang oras dahil naeengganyo siyang magbasa. Kung hindi pa siya nilapitan ni Miranda at kinalabit ay wala siyang planong tumigil sa pagbasa. Dahil sa pagbabasa niya ay pansamantalang nakalimutan niya ang tungkol kay Ryker. Pero ngayong malapit na ang uwian ay nabahala at bumalik na naman ang lungkot sa puso niya. Babalik muli siya sa lugar kung saan wala siyang kalayaang gawin ang gusto niya."Nakalimutan ko ang oras," nahihiyang bigkas niya at tumayo. Isinara rin niya ang binabasang libro at binitbit iyon.Nang tumingin siya sa likod ni Miranda ay agad nabura ang ngiti niya pagkakita kay Ryker. Nakasandal ito sa shelves at pinagmamasdan siya. May munting ngiting nakapaskil sa mata nito at kung 'di siya nagkakamali ay baka kanina pa ito nandito. Si Miranda lang ang lumapit sa kaniya para mawala ang atensyon niya sa binabasa.Umayos na ng tayo si Ryker at naglakad palapit sa kaniya. Sinuklay nito ang bahagyang nagulo na buhok niya gamit ang daliri nito. "Umuwi na
Simula nang deretsahin niya ang binata kagabi ay hindi niya ito nakita nang gumising siya ngayong umaga. Ayon kay Gemma ay maagang umalis ang master nito nang hindi man lang nag-aagahan. Wala rin itong ibinilin kahit na ano tungkol sa kaniya. Hindi lang sigurado ang dalaga kung may sinabi ito kay Casper.Hindi niya alam kung matutuwa nga ba siya dahil ito at parang may kunting pagbabago na sa binata. Pero sana man lang ay may sinabi ito. Kung puwede ba siyang lumabas at pumunta muli sa bookstore. Kapag naroon siya ay makakalimutan na naman niya ang sitwasyon niya.Pagkatapos niyang kumain ng agahan ay hinanap niya si Casper. Sa may ilalim ng banyan tree niya nakita ang lalaki at nasa may paanan nito ang asong si Yango. Kumakawag ang buntot ng aso habang nakatingala sa lalaki."Kuya Casper," tawag niya sa lalaki na agad lumingon sa kaniya. "Pupunta ako sa bookstore ngayon.""Nagbilin si Master na dalhin daw kita sa main house dahil pinapatawag ka ni Lolo Jones," turan nito.Bahagyang n
Wala rin naman ginawa rito sa main house si Kelly maghapon kundi ang makinig sa kuwento ng matanda tungkol sa pamilya nito. Ang dalawang magkapatid lang na sina Ryker at Rhian ang apo ng matanda dahil ang nakababatang kapatid ng ama nito na si Tito Paz ay hindi raw nag-asawa at takot daw ito sa responsibilidad ng isang ama.Napapaawang ang kanyang bibig sa tuwing maririnig ang panunuya sa boses ng matanda. Kinukutya niya ang kanyang nakababatang anak dahil sa pagiging duwag at labis na takot na harapin ang isang problema.Sinabi pa nito na kulang pa raw ang IQ ni Tito Paz para mag-solve ng simpleng math problem. Paano raw hindi sasabihin ito ng matanda kung ang pag-aasawa ay kinatatakutan nito. Hindi niya alam kung ano ang magiging reaksyon ng ihambing pa nito ang tungkol sa marriage at sa simpleng math problem.Naiintindihan agad niya kung bakit hindi nakadalo ang bunsong anak nito sa dinner noong nakaraan. Sa mga narinig niya sa bibig nito ay pati rin siya, mas pipiliin niyang humab
Nakatalikod si Kelly sa may pintuan habang nakaupo sa kama. Panay ang pagpatak ng kaniyang luha pero nang marinig ang pagbukas ng pinto ay mabilis na pinunasan niya ang mukha at nahiga sa kama. Pigil ang sariling suminghot siya dahil ayaw niyang ipakita rito na umiiyak siya.Naramdaman niyang nakatingin ito sa likod niya pero hindi siya tuminag bagkos ay hinila niya ang kumot hanggang sa may leeg niya. Tanging ang ulo na lamang niya ang nakikita.Humugot siya ng napakalalim na hininga at mariing kinipkip sa kamay ang kumot. Mainit man ang panahon ay pakiramdam niya nilalamig pa rin siya dahil sa halo-halong emosyon na kaniyang nararamdaman ngayon. Ang mga narinig niya sa bibig ng ama ng binata at ang katotohanan na baka hindi siya mahal ni Ryker. Ang tingin lamang nila sa pagsulpot niya sa buhay ng binata ay isang babaeng madaling abusuhin ng lalaki. Isang mahina at sunud-sunuran."May surpresa ako sa'yo bukas," narinig niyang turan nito bago ang paglundo ng kabilang side ng kama.Nak
Dahil walang pasabi si Kelly na uuwi siya, nang itulak niya pabukas ang pinto ng bahay ay sabay na napalingon ang magulang niya na nasa living room. Gulat na napamata sila sa kaniya sa biglaang pagsulpot niya. Parang ulan na namalisbis ang kaniyang luha at patakbong inihagis ang sarili sa pagitan nila.Humihikbing mahigpit na yumakap siya sa kanila. Nagtataka man sila sa kaniyang reaksyon ay gumanti naman sila ng yakap at hinaplos ang likod niya. Lahat ng sakit at takot na ininda niya at dinanas sa kamay ni Ryker ay parang bombang sumabog sa buong pagkatao niya. Isinubsob niya ang ulo sa leeg ng mama niya habang pigil ang pag-atungal niya."Naku, itong batang 'to. Ilang buwan ka lang na nagtrabaho malayo sa amin ay ito at umaatungal ka na. Miss na miss ka rin namin, anak," masuyong bigkas ng mama niya. Very affectionate na hinagod nito ang kaniyang likod.Natawa ang kaniyang ama at matunog na hinalikan ang sentido niya. "Matanda ka na, hija, ngunit hindi mo makaya ang mabuhay nang mal
Hindi na sinundan ni Ryker sina Kelly at nagmaneho na pabalik sa hostel kung saan siya nag-book ng room. Habang nakamasid kasi siya sa malayang ngiti ng dalaga ay naramdaman muli niya ang kirot sa kaniyang ulo. Ilang ulit nang nangyari 'to sa tuwing sinusubukan niyang saktan ang dalaga. Ngunit ngayon lang may mga imaheng biglang sumulpot sa balintataw niya at mas matindi pa ang pagkirot ng ulo niya.Bagaman blurred man ang mga senaryong 'yun ay parang nakita na niya ito dati. Na parang nangyari na pero hindi lamang niya matandaan. Ang mukha rin na nakikita niya ay pamilyar pero 'di niya matukoy kung sino. Tanging ang isang boses lang na naririnig niya ang matandaan niya.Hindi niya maintindihan kung bakit nagkakaroon ng senaryo sa utak niya na ganito. Gusto niyang magtanong sa magulang at Lolo niya subalit naisip niya na 'pag nag-usisa siya ay baka hindi rin nila sasagutin. Ang masahol pa baka ay i-deny nila na may ganitong pangyayari sa kanilang pamilya kung meron man.Pagkapasok niy
Bahagyang natawa si Kelly nang muntik na madulas si Arthur sa pampang. Nagkayayaan silang dalawa na pumasyal sa ilog kung saan sila lumalangoy noon pang mga bata sila. Isa rin ito sa magandang spot ng lugar nila na puwedeng dayuhin ng mga turista. May parte ang ilog na malalim na pinupuntahan nilang mga adults.Kumapit agad sa isang bato si Arthur at nakasimangot na nilinga siya. Nag-peace sign siya rito pero bumungisngis pa rin siya.Pero nag-freeze ang ngiti niya nang feeling niya ay may matang nakamasid sa kaniya. Na parang kanina pa ito nakatingin sa kaniya na may halong pagka-miss. Mabilis na luminga siya at tinignan ang paligid nila pero wala siyang nakitang ibang tao.Ikinuling niya ang ulo. Baka paranoid lang siya o kaya ay guni-guni lamang niya ito."May problema ba?" takang usisa ni Arthur. Nakangiting umiling siya."Wala naman. Akala ko ay may ibang tao akong narinig na papunta rito," pagsisinungaling niya.Mukhang naniwala naman ito at inilahad ang kamay sa kaniya para ala