Chapter 58

"Tito Paz," seryosong tawag ni Ryker sa Tito nila. Ito ang namamahala sa executive professional bodyguard na itinayo rin ng kanilang pamilya. Pero may isa pa silang business na dalawa na lingid sa kanilang Lolo Jones. Pati ang magulang niya ay hindi nila ito alam. Proposal ito noon ng kaniyang uncle sa kaniya noong 24 pa siya na tanggihan na sana niya. Subalit iginiit nito kaya tinignan niyang mabuti ang proposal at sa huli ay pumayag siya.

Ito ang magiging sandigan niya kung nagdesisyon na siyang humiwalay sa kanilang pamilya. At ang itinayo nilang ito ay legal dahil ang company nila ay lihim na nagtatrabaho sa government. Sila ay top secret agency ng mga spies. Nagtapos kasi na sundalo si Tito Paz kaya tiwala siya rito. At matagal na ngang nag-o-operate ang shadow secrets at marami na ring silang nahawakan na kaso.

Ibinigay nito ang folder sa kaniya na hawak nito. Binuklat niya iyon at nakita niya ang litrato ni Jerome. Halata ang pagiging foreigner nito dahil sa asul na mata nito.