Chapter 5

“MANANG Selma, ang ate po? May dala akong oranges, paborito niya,” sabi ni Elysse sa punong mayordoma ng pamamahay ng mag-asawang Guillermo.

Tanghali na nang mga oras na iyon at naisipan niyang bisitahin at kumustahin ang nakatatandang kapatid na si Elizabeth. Matagal na ang huling beses na nakasama at naka-bonding ang kapatid mula nang magpakasal ito kay Carson Guillermo— the most handsome, powerful and eligible bachelor of their batch during their college days na ngayon ay isa nang doktor sa isa mga pinakamalaking hospital dito sa Pilipinas. Katunayan nga niyan ay high school pa lamang siya nang makilala mula sa malayo ang lalaki.

Noong isang araw ay biglang nagpakita ang kanyang kapatid ngunit mabilis lamang.

“Hindi pa rin po nakakauwi, Maʼam, eh.”

Buhat sa sinabi nitoʼy nahinto siya sa paglalagay ng mga prutas sa loob ng refrigerator. “Bakit, saan siya nagpunta?”

“H-hindi ko po alam. Basta maaga po siyang umalis kaninang umaga.”

Mabilis siyang dumukot sa bulsa upang ilabas ang p