SYD
“Uy… kinikilig yan!” Pang-aasar ni Kelly, na siyang nakapagpabalik sa akin sa kasalukuyan. Kinunutan ko siya ng noo. “Kinikilig? Pinagsasabi mo?” maang-maangan kong tugon, kahit na alam ko naman talaga ang tinutukoy niya. “Sus! Denial Queen! Aminin mo… naguwapuhan ka rin sa kaniya, ano?” saad niya ulit. “Kanino ba kasi?” pagmamatigas ko. “Hay... kanino pa ba? Eh, ‘di roon sa stranger guy na first kiss mo!” walang prenong sagot niya sa akin. Pinamulahanan tuloy ako ng mukha. “Uy! Nagba-blush siya! Ibig sabihin, ‘di mo pa rin nalilimutan iyong Mystery Groom na iyon, ano?” Pinagtutulungan na nila ako ngayong asarin. Tinulak-tulak pa nga ni L.a ang gilid ng isang braso ko dahil sa hindi maitagong pagkakilig nito. Teka? Ano ba kasi ang nakakalilig doon? “Infairness, mga sissy, ha! Ka-look-a-like kaya ni Gong Yoo iyong stranger guy na iyon! Grabe! Ang guwapo! Oppa!” Kinikilig din na anas ni Maggi. Napaismid ako. “Gong Yoo, raw? Baka CongGo kamo!” pamimilosopo ko. Muling nagsalita si Maggi. “Pero, mga sissy, balita ko outsider iyong guy na iyon sa univers–“ “Sinong guy?” Sabay-sabay kaming napalingon sa taong nagsalita sa may likuran ko. Napaletrang O bigla ang bibig ko pagkakita sa nakangiting papalapit sa amin. Namilog din ang aking chinitang mga mata dahil hindi ko naman kasi siya inaasahang makikita rito. Itinaas-baba ko ang tingin kay Miguel. Shit! Nakapambahay lang siya! Ibig sabihin… nandito lang pala siya sa kanila? Ang buong akala ko ay umalis siya. Teka, narinig kaya niya? “Sino ba ‘yang pinag-uusapan ninyo, girls? At kanina pa kayo parang kinikilig diyan?” may pagtatakang tanong ni Migs. “Ni hindi ninyo na nga namalayan ang paglapit ko,” dugtong pa niya. Nagkatinginan kaming apat. Nagtanong siya. So, ibig sabihin, wala siyang narinig? Nilakihan ko sila ng mata isa-isa, lalong-lalo na ang pasaway na si Kelly. Pero mukhang hindi naman nito nakuha ang nais kong iparating sa kanila. Tangkang magsasalita na sana ang madaldal na ito nang maunahan siya ni Miguel. “Nevermind. Anyway, drinks? Mag-freshen up muna kayo. Mukhang mainit-init kasi ‘yang topic ninyo, eh.” At saka ko lang napansin ang mga dala niya. Inilapag niya ang puting tray na pinaglalagyan ng tatlong Mango Juice. Napangko naman ang tingin ko sa naiibang inumin na nakalagay rin dito. Wow! Magnolia Chocolait! Bigla tuloy akong nanakam. Favorite drink ko ito, eh! Teka… para sa akin kaya ito? Umayos ako sa pagkakaupo nang maramdaman ko ang pagkapit ng isang kamay ni Miguel sa bakal na sandalan ng inuupuan ko. “Wait!” ani Kelly na nakataas pa ang isang kilay. “Bakit may pang-kid’s drink dito? Nagkamali ka yata ng lagay, Kuya Migs, eh. Pero, puwede na rin. Hmm… is it okay, kung akin na lang ito?” maarteng saad ng bruha. Tangkang kukuhain na sana ni Kelly ang Chocolait nang biglang mabilis na dinampot ito ni Miguel. Napatingin tuloy kaming apat sa kaniya. “Oops… ah– ah!” aniya sabay iling. “Sorry, baby girl, pero para kay Syd kasi ito,” nakangiti niyang sagot kay Kelly. “Oh, I see,” tanging nasabi na lang ni Kelly. Nagpalipat-lipat pa ang makahulugang tingin nito sa aming dalawa ni Miguel. Si Migs pa mismo ang nagtusok ng straw, sabay lapag ng brown tetra pack sa tapat ko. Napayuko ako at lihim na napangiti. Naaalala pa rin pala niya? Ito ang legit. To the highest level ang kilig ko ngayon— sobra!* MAG-A-ALAS cinco na ng hapon nang magpaalam sina L.a at Kelly. Hindi na raw sila magtatagal sapagkat may pasok pa sila kinabukasan. Halos dalawang taon na rin silang nagtuturo sa magkaibang eskuwelahan na kanilang pinagtatrabahuhan. Si Maggi naman ay ngayon pa lang nag-uumpisa sa kaniyang teaching career. Nabuntis kasi siya noon, kaya pansamantala muna siyang huminto dati sa pag-aaral. Pero atleast, nagpatuloy. Samantalang ako, heto, tambay at wala pa ring nararating sa buhay. Hindi ko maiwasan na makaramdam nang kaunting inggit sa kanila. Hindi ko naman sinasabing pinagsisisihan ko ang ginawa kong paghinto noon sa pag-aaral. Choice ko naman kasi iyon, eh. Mas kailangan nila mama at papa ang tulong ko noong mga panahon na iyon, kaya isinantabi ko muna pansamantala ang pansarili kong pangarap.Nag-alok din naman dati si Tita Allyson na pag-aralin ako habang nasa poder nila ako ng asawa niya. Pero tinanggihan ko iyon. Sapat na para sa akin ang ginagawa nilang pagtulong sa papa ko. Isa pa, kilala ko si tita. Okay naman siya kaso may pagkasumbatera. Lalo na kapag hindi ka umayon sa mga gusto niya o ‘di naman kaya, kapag sumasalungat ka sa kagustuhan niya. Gusto, laging oo ka lang ng oo sa kaniya. Tama na iyong kapatid niya na lang ang tulungan niya. Ayoko rin kasi na iasa sa iba ang tungkol sa pag-aaral ko. Tutal, bata pa naman ako. Hindi pa huli sa akin ang lahat. Saka ko na lang ulit ipagpapatuloy ang pag-aaral sa kolehiyo, kapag nakaipon na ako ng pera.* NAPAGPASIYAHAN ko na manatili na muna kina Maggi. Hindi pa rin kasi ako mapakali hanggang ngayon. Gustong-gusto ko nang makausap si Miguel. Gusto ko siyang komprontahin tungkol sa nangyari noong huli naming pagkikita— ang tungkol sa tangka niyang paghalik sa akin. Nais ko nang mabigyan ng kasagutan ang mga bagay na ilang araw na ring nagpapagulo sa isipan ko. Sinabihan ako ni Maggi na puntahan ko na lang daw ang kuya niya sa may veranda nila sa second floor. Hindi na ako nagdalawang-isip, kaya mabilis na akong nagtungo roon. Nadatnan ko si Migs na mag-isang nakaupo roon habang abala sa kaniyang ginagawa. Huminto ako sa paghakbang nang nahuluminigan ko ang musika mula sa tinitipa niyang gitara. Lalo akong napahanga sa kaniya nang marinig ko ang maganda niyang boses. Ang lamig sa pandinig. Iyong tipong tumatagos sa puso ang bawat letra ng kanta na binibitiwan niya. Nakaisip na naman ako ng kapilyahan. Binuksan ko ang cellphone ko at palihim siyang kinuhaan ng video. Tamang-tama dahil pa-side view ang puwesto niya. Kinuhaan ko rin siya ng ilang mga stolen shots. Aba! Minsan lang mangyari ito, kaya hinding-hindi ko ito puwedeng palampasin! Hindi man ako pamilyar sa kanta pero feeling ko, isa na ito sa mga magiging favorite ko, simula ngayon.I miss you like crazyEven more than words can sayI miss you like crazyEvery minute of everydayGirl, Im so downWhen your love’s not aroundI miss you… miss you… I miss you… Hindi ko na namalayan na sobrang nai-enjoy ko na pala ang ginagawa kong ito kay Miguel. Napapitlag ako. Hindi ko inaasahan ang biglang pagbaling ng tingin niya sa lugar na kinatatayuan ko. Kuhang-kuha sa video ang ganda ng pagkakangiti niya habang nakatingin sa akin. Para bang… expected niya na, na kanina ko pa siya pinagmamasdan.I missed you like crazy Tila nanayo ang balahibo ko. Pakiwari ko'y, humaplos sa puso ko ang huling mga letra na iyon. Mahina kong ipiniling ang ulo. Asyumera ka na naman, Cindy! Saway ko sa sarili. Ini-stop ko na ang pagkuha ng video. Isinenyas ni Miguel ang isa niyang kamay tanda ng pag-ayon niya sa paglapit ko. Mahigpit muna akong napalunok bago ko sinunod ang nais niya. Sinusundan niya ako ng tingin habang humahakbang, palapit sa kaniya. “Upo ka rito, sa tabi ko,” alok niya. Ininguso niya ang isang single bean bag na upuan, na nasa kanang bahagi niya at doon niya ako pinauupo. Tumango ako at sinunod nga ang sinabi niya. “Gusto mo raw ako makausap?” agad na tanong ni Miguel sa akin. Ang mga daliri niya ay patuloy pa rin ang pagtipa sa gitara. Tumango ako. “Ah… eh… oo, sana.” Nakanguso siyang tumingin sa akin. “Hmm… tungkol saan naman?” muling tanong niya. Kahit na nilulukuban nang sobrang hiya ay naglakas-loob pa rin akong ituloy ang pagtatanong sa kaniya. “I-iyong tungkol sa nangyari noong nakaraan, Kuya Migs. A-ano ba ang ib–“ “That’s nothing, Syd,” putol niya sa pagsasalita ko. Biglang nalaglag ang balikat ko. Naguguluhan man ay nagawa ko pa rin siyang tingnan sa kaniyang mga mata.“N-nothing?” Hindi makapaniwalang tanong ko. Muntik niya na akong mahalikan! Tapos... sasabihin niyang, that's nothing!? “Per–” “Shhh…” aniya, sabay dunggol ng hintuturong daliri sa aking nguso. Grabe, ha! Nagulat ako sa ginawa niyang iyon! Hindi pa siya nasiyahan at malakas niya pang pinanggigilang pisilin ang kaliwang pisngi ko. “Aray!” singhal ko. Asar-talo kong hinawi ang kamay niyang nakakurot pa rin sa mukha ko. “Ano ba! Kuya Migs, masakit!” Feeling ko, nangapal itong pisngi ko, pagkabitiw niya sa pagkakapisil dito. Pero imbes na tumigil ay ang nananahimik ko namang buhok ang pinag-initan. Ginulo-gulo pa niya lalo ito. Hindi mawala ang mga ngiti niyang umabot na yata hanggang tainga, na halatang enjoy na enjoy sa ginagawa niyang kalokohan. Naaasar man, pero aaminin ko na nagugustuhan ko ang ginagawa n'yang panghaharot sa akin. Natahimik si Kuya Miguel. Natigilan din ako dahil sa nakakailang niyang pagtitig. Hindi ako sigurado, pero pakiramdam ko, may ibang ibig ipahiwatig ang malamlam niyang mga mata dahil sa klase ng tingin na ipinupukol niya. Humugot muna siya ng isang malalim na buntong-hininga, bago niya sinambit ang mga kataga na magpapaalala sa akin, kung hanggang saan lang ako dapat na lumugar sa buhay niya. "Forget it. I just missed you, my long lost favorite girl friend, that's why."* MIYERKULES, mag-aalas quatro na ng hapon. Kauuwi ko lang, galing sa in-applyan naming production company ni Noreen. Magandang balita ang ipansasalubong ko sa amin. Nakapasa kasi kami sa ginawa naming mga exams doon. Feeling ko nga, bumalik ako sa pag-aaral dahil sa dami ng ipina-take sa amin na tests kanina. Hihintayin na lang namin ni Noreen na tawagan kami ng HR, para sa schedule naman ng pagpapa-medical namin. Kaninang umaga, nakasabay ko maggayak si mama dahil may sarili rin siyang lakad. Nagpadala kasi ng mensahe sa kaniya kahapon ang sekretarya ng AG Foundation. Iniimbitahan nito ang lahat ng mga beneficiary ng foundation sa ika-labing apat na taon nitong anibersaryo na gaganapin ngayong araw. Excited nga si mama, sapagkat taun-taon, mayroon daw silang ipinamimigay na malalaking papremyo sa pa-raffle games nila. Isinama ni mama ang kapatid kong sumunod sa akin, na si Jasper. Limang taon ang agwat ko sa kaniya. First Year College na siya ngayon, sa kursong Bachelor of Mechanical Engineering at ang AGF din ang nagpapaaral sa kaniya. Nandito na ako sa tapat ng bahay namin nang madatnan ko si papa na abalang inaayos ang mga pananim niyang iba’t ibang uri ng Cacti. Sadyang malaki ang naitulong sa kaniya ng pag-aalaga ng mga halaman. Ito na ang nagsilbing therapy ni papa, simula noong maka-recover siya sa pagkaka-stroke. Totoo nga ang mga sinasabi ng ilan, na ang pagtatanim ay nakatutulong sa pagkakaroon ng payapang kaisipan, nakakabawas ng anxiety at stress ng isang tao. Nahagip din ng mga mata ko ang nagkalat na mga tools sa lapag. Pinipilit pa rin palang ayusin ni sangko iyong lumang pampasadang tricycle ni papa. Noon pang nakaraang araw sinusubukang kumpunihin ni Sangko Rommel ‘yong lumang pampasadang motorsiklo ni papa. Ito ang pinakahuling naipundar ni papa, simula nong nagpasya na siyang huminto sa pagtatrabaho sa abroad. Naisipan kasi ni Sangko na ito na lang muna sana ang gagawin niyang side line habang wala pa siyang nahahanap na bagong trabaho. Pero dahil na rin siguro sa may kalumaan na at matagal ring nakatengga, kaya hirap na siyang ma-repair ang ilang mga parte nito. Mahal pa naman ang kakailanganing mga piyesa para sa pagre-recondition ng motor. “Papa, nandito na po ako!” Napalingon si papa sa gawi ko. Hawak niya ang isang may kahabaan nang Myrtillocactus. Marahil, inihiwalay niya ito mula sa iba pang mga kasama nito at ililipat niya sa nakabungkal nang lupa. “Oh, anak, mabuti at maaga kang nakauwi. Kumusta ang nilakad mo? Teka, nakapananghalian ka ba kanina, ha?” tanong sa akin ni papa. “Sandali lang at ipaghahanda kita ng merienda.” Tangkang bibitiwan na sana ni papa ang hawak niyang Cactus pero pinigilan ko siya. “Huwag na po, pa. Dumaan po kami ni Noreen kanina sa Talipapa. Nag-merienda na po kami ng Kwek-kwek at Kikiam, pati na rin po ng palamig, kaya okay na okay pa po ako. Ahm… nakauwi na rin po ba sina mama at Jasper?” “Hindi pa, anak. Miyerkules ngayon, alam mo na… Baclaran Day, kaya baka nagsimba pa sila. At saka, alam mo naman na sobrang trapik talaga sa Maynila kapag ganitong araw, hindi ba? Kaya baka medyo gabihin na rin sila makauwi.” “Sus! Araw-araw naman pong trapik sa Maynila, hindi lang tuwing Miyerkules.” Natatawang sagot ko kay papa. Pati siya ay nakitawa na rin. “Tulungan ko na po kayo riyan?” alok ko sa kaniya. Tumango si papa. Ipinatong ko muna sa kawayang upuan na naririto ang bitbit kong backpack at bumalik din agad sa kinapupuwestuhan ng mga Cacti. Pinagbubunot ko ang mga ligaw na damo sa paligid ng mga iyon. Inayos ko rin ang arrangement ng ilang maliliit na paso, na pinagtataniman ng mga Bishop’s Cap at Star Cactus. Hindi ko naman maiwasang mapangiti, pagkakita ko sa mga bagong bukadkad na bulaklak ng The Queen of The Night— isa ito sa mga paborito kong uri ng cactus na inaalagaan ni papa. “Nga pala, hija. Dumaan dito kanina si Miguel at hinahanap ka." Agad akong napalingon sa gawi ni papa. “Talaga po? Ano raw po ang kailangan niya?” may pagtatakang tanong ko. “Sinabi po ba ni Kuya Migs, kung bakit niya ako hinahanap?” “Sinabi ko, maaga kang umalis dahil mag-a-apply ka ng trabaho. Wala naman siyang nabanggit kung bakit ka niya hinahanap. Pero may iniwan siyang supot. Para sa iyo raw ‘yon. Tingnan mo na lang doon sa loob, nakapatong sa lamesa,” sagot ni papa. Mabilis akong tumayo, sabay pagpag ng kamay. Tinanggal ko ang suot kong gardening gloves nang masiguro na wala ng mga nakakapit na lupa rito at agad na nagpaalam kay papa. Excited akong pumasok sa loob ng bahay. Nakita ko kaagad ang supot na sinasabi ni papa. Napailing ako, sabay kamot sa ulo. Brown paper bag naman pala iyong tinutukoy ni papa na supot. Ang buong akala ko, supot na may lamang pansit! Nilapitan ko na iyon at agad na sinipat ang laman. Kagat-labi akong napangiti nang makita ko ang mga laman nito. Hindi ako makapaniwala! Hindi mawala ang pagkakangiti ko at tila ba’y nagkikislapan ang aking mga mata, habang isa-isang inilalabas sa supot ang isang jar ng Chupachups, isang pack ng Juicy Fruit Gum, isang balot ng Boy Bawang at pati na rin ang isang litrong Magnolia Chocolait na ipinabibigay ni Kuya Miguel sa akin.SYDHindi matunaw ang pagkakangiti ko habang nagtitipa ng mensaheng pabalik kay Kuya Miguel.Salamat nga pala sa regalo mo, Kuya Migs. Na-touch ako nang slight– with matching shy emoji pa.Nauna na siyang mag-text sa akin at kinakumusta ang naging kinalabasan ng pag-apply ko kanina. Tinanong din niya kung nagustuhan ko raw ba ang mga ipinaabot niya kay papa.Sobrang na-appreciate ko talaga ang mga iyon, dahil hanggang ngayon, hindi pa rin pala niya nakakalimutan ang mga simpleng kutkutin na makakapagpasaya sa akin.Tulad ng ipinangako niya sa huli naming pag-uusap, babawi raw siya sa mga panahong naging malayo kami sa isa’t isa– at mukhang inuumpisahan niya na itong gawin ngayon.Ayokong mag-assume, sapagkat malinaw na rin naman sa akin na hanggang kaibigan lang talaga ang pagtingin niya sa akin. Kuntento na ako sa kung ano mang estado ang mayroon kami ngayon. Ang mahalaga, alam ko, sa sarili ko, na masaya ako sa tuwing kasama ko siya. At nararamdaman ko na siguradong ganoon din naman
SYD“Hija, sandali!” sigaw na nakapagpatigil sa sana’y pagtawid ko. Nilingon ko ang pinanggalingan ng boses. “Bakit n’yo pa ho ako hinabol, sir? May kailangan pa po ba kayo?” nagtatakang tanong ko sa security guard ng AGC.“Oo, hija,” saad niya habang hinihingal na huminto sa harapan ko. “Pinapunta ni Miss Mary ‘yong isang staff na taga-HR. Hinahanap ka. Mabuti na lang at naabutan pa kita rito. Halika na at nang makapasok ka na sa loob,” balita ni manong guard sa akin.Napangiti ako. Siyempre, hindi na ako nagdalawang isip pa na sumunod kay kuya guard. Muli akong nakakita nang katiting na pag-asa. Ano’ng malay ko, baka sakaling maawa sa akin ‘yong may-ari at i-hire pa rin ako kahit hindi naman talaga ako qualified sa posisyon.Pinatuloy na ako sa loob ng guard matapos kong makapirma sa logbook. Tulad ng ibinilin niya sa akin, dumiretso na ako sa may information desks kung saan naghihintay ‘yong pinapunta ni Miss Mary para sunduin ako.Mabilis na nahagilap ng mga mata ko ang tinutukoy
SYD BAKIT parang biglang bumilis ang pagtibok ng puso ko? Teka, ngayon lang ba ako nakakita ng guwapo? Correction— kun’di nuknukan nang kaguguwapo!Kalma ka lang, Cinderella Santos! Inhale… exhale…Nang mapansin ng isang lalaki na nakamasid ako sa kanila ay mabilis kong inilipat ang tingin sa numero kung nasaang floor na kami. Biglang nag-init tuloy ang magkabilang pisngi ko. Baka isipin nito na kanina ko pa sila tinititigan.Palangiti itong lalaki na nakapansin sa akin, samantalang ‘yong isang kasama niya naman ay mukhang ipinaglihi sa sama ng loob. Mas guwapo sana, kaso ang asim ng dating! Ni wala ngang reaksyong mababanaag sa awra nito, o baka poker face lang talaga siya? Kung sabagay, masusungit naman ang karamihan sa mga guwapo at mayayaman, kaya bakit pa ba ako magtataka?Nang makarating sa 6th floor ay nauna nang lumabas ‘yong mukhang masungit. Naglakad ito na para bang siya ang may-ari ng building. Nakasunod lang sa likuran niya ‘yong lalaking palangiti. Suminghap ako nang mal
SYD“I know, sir,” mahinang sagot ko.“Don’t mind her records, cuzz. It’s not necessary after all,” mabilis na kontra sa kaniya ni Sir Resty.Ibinaling ni Sir Resty ang tingin sa akin. “Instead of answering those non-sense common interview questions, why don’t you introduce yourself to us, Miss Santos? Para naman mas makilala ka pa namin nitong pinsan ko. And please, ‘yong wala sana rito sa resumé mo.”“Resty, shut up!” saway sa kaniya ni Mr. Antonio. Magkasalubong na rin ang dalawang kilay nito na para bang hindi nagustuhan ang itinuran ng kaniyang pinsan.“But why? What’s wrong with that?” sagot naman ni Sir Resty na nakaarko pa ang mga kilay. “I just want her to feel comfortable with us. Look at her, Yuan. Halatang naiilang siya sa atin.”Lalo tuloy humigpit ang pagkakapisil ng isang kamay ko sa gilid ng suot kong blazer. Ewan ko ba. Hindi ko maintindihan. Bakit ba pakiramdam ko, ginigisa ako ngayon dito sa mismong kinatatayuan ko? Lalo na kapag nagtatama ang paningin namin ni Mr. A
SYDHindi nagustuhan ni Kuya Miguel ang ginawang kapangahasan ng magiging amo ko. Ikinulong niya ako sa isang bisig niya at agad na inilayo mula rito.“You don’t need to do that. You’re too close to her,” mariin ngunit may halong pagtitimping sita ni Kuya Miguel kay Sir Yuan. Nakita ko ang ginawang pagngisi ni Sir Yuan. Lumipat ang tingin nito sa kamay ni Kuya Migs na nakahawak pa rin sa kaliwang balikat ko. Napansin ko ang pag-igting ng kaniyang panga. Suminghap siya nang malalim, bago muling binalingan si Kuya Miguel.Blangko pa rin ang makikita sa ekspresyon ng mga mata ni Sir Yuan. Pero bakit gano’n ang nababasa kong reaksyon niya? Nagagalit ba siya? Kung oo, sa anong dahilan?Nakaramdam ako nang tensyon sa pagitan ng dalawang nagtatangkarang lalaki na nasa magkabilang gilid ko. Parehas silang nagpapakiramdaman.Maihahalintulad sila sa isang bomba. Iyong tipong isang maling galaw mo lang— tapos ka!Ayokong mapahamak si Kuya Miguel. Higit lalo na ang masaktan siya ng dahil sa akin.
SYDPAGKATAPOS namin mag-shopping ni Kuya Miguel ay bumiyahe na agad kami pa-Tagaytay. Mayroon daw kasi siyang kakausapin na bagong customer ro’n na pagsu-supply-an niya ng yelo. Bago niya puntahan ang ka-meeting niya ay sa isang native kainan muna kami dumiretso, para makapananghalian.Halos hindi ko na mabuhat ang sariling tiyan dahil sa sobrang kabusugan. Paano naman kasi, nag-uumapaw sa iba’t ibang klaseng sahog ang isini-serve nilang Bulalo rito. Sulit na sulit at abot-kaya pa ang presyo. Isang order lang pero parang pangtatluhang tao na ang katumbas na puwedeng kumain nito. Hindi ko na napigilang mapadighay, na siyang sabay na ikinatawa naming dalawa. “Solve?” tanong ni Kuya Miguel, bago itinuloy ang pag-inom sa Iced Tea na hawak.“Hay… sobra,” nakangiting sagot ko habang hinihimas pa ang tiyan. Perfect match talaga ang mainit na sabaw ng Bulalo para sa napakalamig na klima ng Tagaytay. “Grabe! Ang lakas mo kumain. Saan mo ba inilagay ang lahat ng iyon, ha? Eh, pagkaliit-liit
SYD NAGPAHINGA lang ako ng isang oras at bumangon na rin ako mula sa aking pagkakahiga. Hindi ako agad tumayo. Pa-indian sit lang muna akong umupo sa ibabaw ng aking kama. Itinukod ko ang isang siko sa gilid ng tuhod at pumangalumbaba. Sa totoo lang, hindi pa rin humuhupa ang pagkainis ko kay Kuya Lemy. Oo nga’t ipinagpahinga ko ang pagod kong katawan ngunit paikot-ikot naman na naglalaro sa isip ko ang mga salitang binitiwan niya kanina. Napansin ko na ang biglang pagbabago ni Kuya Lemy kay Migs, simula no’ng gabi na nahuli niya kami na magkasama.Bakit ba kasi s’ya tutol na magkalapit kaming dalawa ni Miguel? May mali ba ro’n? Kung tutuusin, hindi na rin naman bago sa kaniya ang totoong nararamdaman ko para kay Migs. Aware sila ro’n ng pamilya namin noon pa. Kaya hindi ko pa rin ma-gets kung bakit kailangan niyang mag-react nang gano’n?Hindi ba dapat matuwa pa nga siya kung sakali mang maging kaming dalawa? Dahil unang-una, kilala na naming lahat si Miguel. Malapit siya sa aming
SYDTAPOS ko nang banlawan ang lahat ng nilabhan ko. Iniisa-isa ko na ito ngayong inilalagay sa loob ng dryer nang biglang nagsalita si mama sa may likuran ko. “Tapos ka na maglaba, anak?” tanong n’ya na bahagya pang nakapagpagulat sa akin. “O-opo, ma,” nagkanda-utal na sagot ko. Hindi ko naman kasi akalain na nasa likuran ko na pala si mama. Ang totoo kasi niyan, ukupado pa rin talaga ang isip ko nang mga naging tagpo namin kanina ni Kuya Migs. “Nga pala, ma. Ano po’ng pinag-uusapan ninyo ni papa? Napansin ko po kasing mukhang biernes santo ang mukha niya, eh. May problema po ba?” tanong ko, habang hinihintay na matapos sa pag-ikot ang dryer. “Ma?” muling tawag ko kay mama nang hindi niya ako agad nasagot. Mukhang nagdadalawang isip pa siyang sabihin sa akin ang dahilan kung bakit. “Oo, anak. May problema.” Muling bumalatay ang lungkot sa mukha n’ya. Nakaramdam na tuloy ako nang pag-aalala. “Pero hindi naman sa pamilya natin, hija. Kun’di sa asawa ng Tita Allyson mo.” Natigilan