Chapter 30

Hindi mapakali si Carnation, palakad-lakad siya sa living area ng flat ni Wregan. Madaling araw na pero hindi pa rin nakakarating ng bahay ang fiance niya. Posible kayang sa bahay ito ng magulang nito natulog? 

Hindi niya ma-contact ang number nito kahit anong gawin niya. Sobrang nag-aalala na siya kay Wregan. Ang sabi ni Wren p'wedeng hindi umuwi si Wregan ngayon dahil sa nangyari kanina. Marahil nakulong na iyon sa mansion ng mga magulang at ayaw paalisin ng mommy nito. Pero kahit na sinabi sa kanya ni Wren, hindi pa rin siya mapalagay, hindi siya makatulog kahit anong gawin niya.

Pinili niyang maupo sa single seater couch. Binuksan niya ang TV para aliwin ang sarili sa panunuod habang naghihintay, pero hindi naman niya maintindihan ang pinanood kaya pinatay na lang niya ang TV at tumayo. Nagtungo siya sa kusina at naghanap ng makakain sa ref, bigla kasi siyang nakaramdam ng gutom.

Walang ibang nakita si Carnation kundi tira-tirang pizza na paboritong-pab