Chapter 9: See him

Naiilang si Hyness sa bawat sulyap na napapansin niya mula sa kanyang amo. Parang pakiramdam niya ay kinakabisado nito ang kanyang buong pagkatao at nakikita ang kabuuan ng kanyang katawan. Ilang araw na rin kasi ang lumipas simula noong araw na mangyari ang insidente na ayon.

Tumikhim siya at bahagyang sinulyapan si James na ngayon ay may supil na ngiti sa labi.

“Ms. Savedra.” Tawag sa kanya ni James.

Tumayo naman siya agad. “Yes po, Sir!” Tugon niya at nakipagsukatan siya ng tingin dito.

“Gumagala ka ba?” Nakataas ang kanyang kilay sa itinanong nito.

“Hindi po, Sir.” Tugon niya.

“Gumigimik? Kahit saan o sa bar?” Napakagat naman siya sa labi dahil sa sunod na tanong ni James sa kanya.

Hindi siya agad nakaimik bagkus ay yumuko siya at sinabing. “Mawalang galang na po Sir James, pero hindi po kasali dito ang personal na bagay na nangyayari sa aking buhay.” Sagot ko bago muling tumunghay.

Nakahinga naman siya ng malalim ng makita ang pagtango ni James at muling humarap sa desk nit