The Stolen Romance: 11

Hello doc," bati ni Morissa sa doktora. Nakangiti naman sila nitong sinalubong.

"You're here with, Ms. Thelma too," nakangiting salubong nito sa kanila.

Napatango lang si Thelma at ngumiti kahit hindi niya masyadong naiintindihan ang sinabi nito.

"Ikaw na Morissa mauna and please wait here sa labas madali lang naman ito," wika ng doktora at iginigiya siya sa upuan na malapit sa pinto kaya marahang tumango si Thelma at naupo.

Nakangiting hinahaplos ni Thelma ang kanyang tyan dahil sa sobrang kasiyahan na nararamdaman niya simula pa noong mga nakaraang araw kung saan naging maganda na ang pakikitungo sa kanya ni Morissa.

"Panaginip ko lang 'to dati anak. Hindi ko inaasahan na simula ng dumating ka babaguhin mo ang masamang karanasan ko dito," saad ni Thelma na may malawak na ngiting nakapagkit sa kanyang mukha.

Habang nag hihintay ay sumagi sa isip ni Thelma ang pangyayaring natuklasan niya dulot ng pagsisinungaling ni Morissa tungkol sa pagbunbutis nito.

'Ano ba ang totoong motibo ni M