KABANATA 18

Taon 1803...

Hindi mapakali ang nadudurog na puso ni Misan nang malamang pansamantalang lilisan si Prinsipe Zaitan upang mag-ensayo kung paano kontrolin ang kaniyang pambihirang kakayahan. Kailangang-kailangan niya ang pagsasanay na iyon dahil mga nagdaang buwan na sinusubukan niyang gamitin ay hindi nakokontrol ng Prinsipe at madalas siyang mawalan ng malay sapagkat nauubusan siya ng enerhiya. Sa mga nagdaang mga taon ay unti-unting nadiskubre ang mga pambihirang kakayahan ng Prinsipe.

May kakayahan ang Prinsipe na gamitan ng mahika ang mga armas upang magkaroon ito ng lason na siyang agarang papaslang sa kung sino mang matatamaan. Ang pangalawang kakayahan ni Prinsipe Zaitan ay ang kakayahan na hindi makita ng kung sino man at maaari itong magtagal kung kailan niya gustuhin. At ang pinaka nakakahangang kakayahan ng Prinsipe ay ang kapangyarihan na kayang kontrolin ang galaw ng mga bagay sa paligid.

Sa mga nagdaang mga taon ay nahulog ang loob ni Misan sa mga ipinapakita sa kaniya ng