KABANATA 21

Taon 1804

Tila nakikisama ang panahon sa nararamdaman ni Misan. Hindi mawala-wala ang malaking ngiti ng dalaga sapagkat kaninang madaling araw ay sinadya siya ni Rycon sa kanilang tahanan upang yayaing maligo sa batis na may iba't-ibang klase ng bulaklak. Masayang-masaya si Misan dahil bukod sa nangyari ay inalok siya ni Rycon na magpakasal. Hindi pa niya nasasabi sa mga magulang sapagkat naghihintay pa siya ng tamang tiyempo.

"Maari ba kitang makausap, Misan?" agad na nawala ang mga ngiti ni Misan nang marinig ang boses ni Prinsipe Zaitan mula sa kaniyang likuranan. Pumikit siya at bumuntong-hininga bago siya humarap ng tuluyan.

"Magandang umaga, Kamahalan." Yumukod si Misan bilang pagbibigay-galang.

"Maaari ba kitang makausap, kahit saglit lamang?" muling tanong ni Prinsipe Zaitan.

Tumango si Misan at maya-maya lamang ay nabitawan niya ang hawak na basahan dahil bigla silang naglaho ng gamitin ni Prinsipe Zaitan ang teleportasyon. Nasa Patay na lupain sila na dati ay sakop ng mga it