Chapter three

Hindi makapaniwala si Abigail, kahapon lang ay kinasal siya pero hindi sa kanyang nakatakda na groom.

Kundi sa isang estrangherong lalaki.

At ngayon kasama niya itong kumakain ng agahan, walang gana si Abigail pero kailangan niyang humarap sa lalaki.

Nakakahiya dito kung hindi siya agad bababa.

"Ayos ka lang ba? Hindi mo ba gusto ang pagkain?" Magkasunod na tanong ni Oliver kaya napatingin siya dito.

"Ha? Okay lang masarap naman ang pagkain." Agad na sagot niya dito.

"Akala ko ay hindi, magpapaluto ako ng ibang putahe kung gusto mo." Sabi nito na ikinagulat niya.

"Nakatulog ka ba ng mahimbing kagabi o hindi." Tanong nito kaya napatingin dito si Abigail.

"Hindi, ito ang totoo pero okay na ako." Tapat na sabi ni Abigail dito.

Si Oliver ay pinagmasdan ang asawa nito at nagpatuloy sa pagkain.

Habang kumakain ang mag-asawa ng tahimik, ang matandang mayordoma at kasama nitong isang babae sa kusina ay nakasilip sa hapagkainan.

"Paanong nagkaroon ng asawa si Mr. Rosenthal? Napakabilis ng pangyayari at inuwi niya ito agad dito!" Galit na sabi ng babae kaya napatingin dito ang mayordoma.

Sa ugali at kilos ng dalawang tao na ito ay pareho silang desperado.

Matagal nang nagtatrabaho sa pamilyang Rosenthal ang matandang babae na si Bing.

Ngunit ang natira na lang dito sa lumang mansyon ay ang bunso sa tatlong magkakapatid na Rosenthal.

Nasa Austria na ang dalawa pa nitong kapatid, at hindi ito makapaniwala na nag-asawa na si Oliver Rosenthal.

-

Kalat na sa internet ang hindi natuloy na kasal ng bunsong anak ng mga Navarro kay James Castro.

Ngunit ikinasal si Abigail sa isang di kilalang lalaki, at kalaunan ay nakilala nila bilang napakayaman na negosyante at may dugo rin itong banyaga.

Hinagis ni Hazel ang telepono nito nang malaman na natuloy pa rin ang kasal ng dati nitong kaibigan.

"James! Tignan mo ang ginawa nila. Ipinakasal pa rin nila si Abigail sa ibang lalaki. Kakaiba talaga ang pamilya nila!" Sigaw ng babae sa lalaking abala sa pagtatrabaho mula sa laptop nito.

"So? Ang mahalaga hindi natuloy ang kasal namin diba? Ano ang ikinapuputok ng butsi mo?" Tnong ng lalaki na balewala ang balita tungkol sa kasal ng dati nitong nobya.

Dahil sa inis ay nag-martsa paalis ang babae at napatigil sa ginagawa nito ang lalaki.

Kumuha ito ng sigarilyo at nagsindi, saka kinuha ang telepono at tinignan ang social media.

Si Abigail Navarro ay kasintahan niya ng halos isang dekada, dahil sa pamilya nila.

Ipinagkasundo siya ng mga magulang niya sa babae, at kahapon ay ang araw sana ng kasal nila.

Pero hindi siya pumunta, kasama niya buong magdamag si Hazel, ang matalik na kaibigan ni Abigail.

Kung tutuusin ay gusto rin naman niya ito, dangan nga lang ay ni minsan hindi man lang niya ito nagawang halikan o kapag nagpapakita siya ng motibo dito ay tumatangi ito.

Kaya naibaling niya ang pagtingin sa kaibigan nito.

Ang babae ay maganda kung mag-aayos, subalit hindi. Manang ito manamit at kung kumilos ay tila isang babaeng mayumi.

Pero napamura siya dahil sa napangasawa nito sa napakabilis na pangyayari.

Si Oliver Rosenthal, isang bilyonaryong bachelor at isa sa mga key investor ng kanilang kumpanya.

Mukha talagang pera ang mga Navarro. Dahil agad nila siyang napalitan ng bagong groom sa kasal ng anak nito.

At dahil dito ay tila pinagsisihan niya ang lahat, pero ayaw niya itong sabihin kahit kanino. Lalo na kay Hazel.

-

Si Oliver ay nakaupo sa lanai katabi lang si Abigail.

Nakatanaw ito sa labas ay nililipad ng mabining hangin ang nakaluhay nitong buhok.

Nagpa-background check siya sa babae. Hindi pala ito totoong anak ng mga Navarro.

Inampon ito ng pamilya, at nalaman niya na ilang taon rin ito sa bahay-ampunan at iniwan ng totoo nitong mga magulang.

Isa itong impleyado ng pag-aaring bakery ng pamilya nito at isa ring patry chef.

Ibig sabihin masarap itong gumawa ng tinapay at mga cakes.

"Nakausap mo pa ba ang ex-fiance mo?" Tanong niya sa babae na natigilan at napayuko bigla.

Biglang nagbago ang buska ng mukha nito, malungkot at puno ng sakit.

"I am sorry, i should not ask you that." Bigla niyang bawi.

Si Abigail ay napatingin sa lalaki na nakatingin pala sa kanya.

"Ayos lang, wala naman kaming dapat na pag-usapan pa. Masakit lang na pinahiya niya kami sa harap ng maraming tao, at hindi ako makapaniwal na ang bestfriend ko pa ang naging kalaguyo niya." Puno ng pait na tura ni Abigail.

Si Oliver ay napailing na lang at napatawa ng mahina, iniisip niya na dapat lang at tama na hindi nito pinakasalan ang lalaking iyon.

"Bweno, may passport ka ba? I will book a ticket for our honeymoon." Sabi niya dito na bahagyang nagulat sa sinabi niya.

Ang puso ni Abigail ay bumilis at napatingin siya sa asawa niya.

Hindi siya makapaniwala sa sinabi nito, honeymoon?

"May passport ako. Pero nasa bahay iyon at magpapaalam nga pala ako na kung pwede ay umuwi ako para kunin ang ilan sa mga gamit ko." Sabi ni Abigail dito kaya napatingin sa kanya si Oliver.

"Okay, pasasamahan kita kay Tristan bukas. At magkita tayo sa condo ko." Sabi ni Oliver sa kanya kaya agad siyang napatango dito.

Ang lugar pala na kinalalagyan nila ay Cavite, at malapit ito sa resort na kung saan ginanap ang kasal nila.

Nasa Manila ang bahay nila at ilang oras rin ang byahe mula doon.

At nakapagsabi na rin siya sa kanila na uuwi siya bukax upang kunin ang ilan sa mga gamit niya.

"By the way, don't take your old clothes. We will go to the mall to buy you a new clothes tomorrow." Sabi ni Oliver kay Abigail kaya napatingin siya dito.

"Pero okay naman ang mga damit ko." Sabi niya sa mahinang boses.

"No, we will buy a new one for you. Take your other things but don't take all your clothes." May pinalidad na sabi nito sa kanya.

Wala nang nagawa si Abigail kundi ang muling tumango dito.

So kinabukasan ay maaga silang umalis sa mansyon at bumyahe paluwas ng Manila.

Nang makarating sila sa subdivision nila ay napatingin si Abigail kay Oliver na abala sa kung ano ang binabasa sa cellphone nito.

"Bababa na ako, baka matagalan nga lang ako." Sabi niya dito.

"Okay, heres my phone. Call me when you done. Ipapasundo kita kay Tristan." Sabi sa kanya nito kaya tumango lang siya at saka na lumabas ng kotse.

Napatanaw na lang si Abigail sa papalayong kotse ng asawa niya at saka na nag-doorbell sa gate.

Ilang sandali lang ay bumukas na ang gate nila at tumambad sa kanya si Manang Rosa.

Ang kanilang mayordoma sa mahabang panahon.

Umiiyak siya nitong niyakap kaya napaiyak na rin siya.

"Hindi ako makapaniwala na naikasal ka sa ibang lalaki hija, hindi ko alam ang lungkot at sakit na dinaranas mo." Umiiyak na sabi ng matandang babae sa kanya.

Nagtanong siya kung na saan ang kanyang abuela pero umuwi na pala ito ng Pangasinan.

Ang magulang naman niya ayaagang umalis, samantala ang kanyang dalawang kapatid ay nagsipasok na sa trabaho.

Umakyat siya sa kwarto niya at agad na nakita ang mga litrato nila ni James.

Sa galit niya ay agad niya iyong pinagtatapon sa basurahan.

Napaupo na lang siya sa sahig at muling umiyak.