MY UNEXPECTED LOVE

Part 1

“Besh! Gising!” yugyog ni Angel sa kaibigang natutulog sa sofa.

Agad namang iminulat ni Ezra, ang kaniyang mga mata, sabay kisap-kisap nito. “Bakit ba Besh? May kailangan ka ba?” tanong niya, na halatang nabitin sa tulog.

“May offer ako sa'yo,” masiglang sagot ni Angel.

Pagkarinig ay agad namang nagising ang diwa ni Ezra. “Huh! Pera ba?”

“Hay, naku. Alam mo girl, ang bilis talaga ng radar mo kapag pera na ang usapan.”

“Aba, siyempre! Alam mo namang pera is life tayo ngayon.”

“Sabagay,” sang-ayon ni Angel, sabay upo sa tabi niya.

“Wait lang mag-aayos lang ako,” saad niya at inayos ang sarili. “Anong raket ba iyan? Malaki ba kitaan?”

“Well…kung papasa ka. Malaki talaga ang kikitain mo. May pabahay, pakotse, at malaki ang ibabayad sayo, may bunos pa.”

“Talaga!?” napatayo naman si Ezra sa sobrang tuwa. “Ano ba ang trabaho?”

“Asawa. You have to act, na maging asawa ni tito Daryll,” paliwanag naman ni Angel.

“Wait, what!? Asawa ng Tito mo?” gulat na tanong ni Ezra.

“Yes.”

“Teka… sampong taon ang tanda nun sa akin eh,” mariing reklamo niya.

“Kaya nga kailangan mo lang um-acting. Kailangan kasi niyang maghanap nang mapapangasawa dahil iyon ang utos ni Grandma. At saka ano bang masama roon? Nasa tamang edad ka na naman, kaya okay lang iyon. You're Twenty-five already, tapos s’ya Thirty-five. Wala namang problima dun. Ika nga, Age doesn't matter.”

“Haist, iyan ka na naman sa pa ika-ika mong iyan. Baka pa-ika-ika ako niyan pagkatapos.”

Hindi naman maiwasang matawa ni Angel sa sinabi niya. “Hindi ka naman yata gagalawin ni Tito eh, basta need niyo lang talaga magpakasal at ipakita ang marriage certificate kay Grandma. And then okay na. Magsasama lang yata kayo hanggang sa magunaw ang mundo.”

“Huh! Magsasama kami forever?”

“Hindi ko alam, baka until mag-decide si Tito na ipa-annul ang kasal niyo,” kibit ang balikat na wika ni Angel.

“Wait lang pag-iisipan ko muna.”

“Hayst, ‘wag na. Wala na tayong oras para mag-isip! Kailangan na nating puntahan si Tito baka makahanap na s’ya ng mapapangasawa, sayang!” pangungumbinse pa ng kaibigan.

“Sige na nga…”

“Yes! Bilisan mo at baka ma-late pa tayo,” masayang ani Angel, habang nagmamadaling s’yang pumasok sa silid.

SAMANTALA, tahimik namang binabasa ni Daryll ang mga résumé ng mga babaeng na-recruite ng assistant. Sa isang ekslusibong bar na pagmamay-ari ng isa sa mga kaibigan niya.

“Sigurado ka bang wala tayong sabit d’yan, El?” tanong niya sa assistant, habang hindi inaalis ang tingin sa mga babaeng nasa kanilang harapan.

“Yes, Boss. Malinis ang lahat. At makakaasa kang hindi nila sisirain ang plano n’yo. Na-briefing ko rin naman sila sa mga dapat nilang gagawin.”

“Good. Kung ganun wala tayong problima riyan.” Agad naman siyang tumayo at lumipat sa harap ng mg babaeng nakahelira, animo'y kinikilatis ang mga kandidata. Nang biglang bumukas ang pinto ng silid.

“Hubby!” masiglang bungad nang pumasok na si Ezra.

“Naku, Hubby. Ako na lang ang piliin mo maganda, cute at maaasahan mong hindi ko susuwayin ang ating magiging kasunduan.”

Napalingon na lamang si Daryll at napabuntonghininga dahil sa pagka-hyper ni Ezra. “Angel, anong kabulastugan na naman ito?”

“Naku, Uncle pasensya na po. Medyo nakainom lang po si Ezra. Besh, bumalik na lang pala tayo sa Condo,” awat ni Angel sa lasing ng kaibigan. “Hayst, sana kasi hindi na lang kita pinainom. Hindi mo naman pala kaya.”

“Nandito na tayo Besh, kaya wala nang atrasan ‘to,” protesta ni Ezra, sabay lapit kay Daryll, saka ipinulupot ang kamay sa sa braso nito“Naku, kakapalan ko na talaga ang mukha ko para sa pabahay, kotse at para sa walang katapusang pagkain!”

“Ano ba tingin mo sa akin, charity?” irretableng ani Daryll, saka pilit na inaalis ang braso ng babae.

“No. Ikaw ang iibigin ko ngayon, bukas at magpakailanman,” nakangiting wika ni Ezra, na tila artista sa teleserye.

Nagtangis naman ang bagang ni Daryll at masakit na tinitigan ang pamangkin. “Alam niyo ba nag pinasok niyo?”

“Yes hubby,” mabilis naman na sagot ni Ezra, habang si Angel naman ay tahimik at parang tutang nabahag ang buntot.

“Okay, but first, umatras ka muna.”

“Okay po,” mabilis namang bumitiw si Ezra at agad na dumistansya.

“Great. So, alam mo naman siguro ang dahilan kung bakit a narito ‘di ba? Siguro naman sinabi na sayo ng makulit kong pamangkin ang lahat. Hindi ba Angel?” ani Daryll, diniinan pa ang mga salitang binitawan.

“Yes po, para sa bahay, kotse at pagkain at siyempre ‘yong datung.”

“Besh, zipper mo muna iyang bunganga mo!” awat sa kaniya ni Angel.

“Ano ka ba, relax ka lang okay, Ikaw naman ang may pakana ng lahat. Tapos ngayon aawatin mo ako.”

“Alam mo Besh, nagsisi tuloy ako na ito ang in-offer ko sayong sideline,” pabulong ngunit hindi nawawala ang ngiti ni Angel, habang nakatitig sa tiyuhin.

“So, ano na? Magbubulungan lang ba kayo riyan?” untag sa kanila ni Daryll.

“Siyempre wala pong atrasan ‘to,” determenadong wika ni Ezra.

“Good, El. palabasin mo na sila.”

“Okay po Boss,” tugon naman ng assistant ni Daryll, at agad na inakay ang mga babae palabas ng silid.

“Total, alam mo na ang lahat. Kausapin mo muna si Mommy,” pagkasabi ay agad na pinindot ni Daryll ang tawag ng ina na kanina pa nagba-vibrate sa bulsa niya.

“Hello po,” bungad ni Ezra sa babaeng nasa kabilang linya.

“Hi, aba! Dar. S'ya ba ang mapapangasawa mo? Parang nakita ko na ‘ata siya, somewhere.”

“Naku, kaibigan po ako ni Angel at isa sa mga scholar na pinaparal niyo po,” nakangiting aniya.

“Ah, kaya naman pala pamilyar ka sa akin eh,” masayang anang ginang.

Ngumisi naman si Ezra at agad na tiningnan ang natahimik at napaismid na si Daryll. “Hubby…” pabulong niyang ani, “bakit bigla ka ‘ata natahimik yan.”

Ngunit imbis na sumagot ay ibinaling nito ang atensyon sa ina. “Sige na Mom, ipinakita ko na sa inyo ang magiging manugang niyo kaya ba-bye na.”

“Hey w–”

Hindi na nagawang tapusin ng ina ang sasabihin dahil agad na n’yang ibinaba ang tawag.

“Grabe naman po kayo, nagsasalita pa iyong tao eh,” usal pa ni Ezra.

“She's fine, wala naman s’yang angal dun as long as dadalhin kita sa harapan niya next week.’’

“Aws okay.” Kibit ang balikat na ani Ezra.

“Well, klaro naman na ang lahat sa pagitan natin. Here, take this as, paunang bayad. Just spend it, at may papasok diyan weekly as your allowance,” sabi ni Daryll, habang inaabot ang isang black card na nasa six digit ang laman.

Malapad naman ang ngiting inabot ng dalawang kamay ni Ezra ang card. “Salamat po.”

“Besh, may panggastos na tayo,” mahina at nakangising aniya sa kaibigan.

Napabuntonghininga naman si Daryll. At saka inayos ang suot na suit. “Mauna na muna ako at may kikitain pa akong kliyente.”

“Sige Tito hubby, ba-bye.”

“Can you please stop calling me that, naririndi ako, I'm not that old, para tawagin mong tito,” saad ni Daryll nang lingunin sila nito. “Angel, can you please teach your friend, sa tamang itatawag sa akin.”

Agad namang tumango si Angel. “I will, po Tito.”

“Okay, good.”

Pagkaalis ng tiyuhin ay agad namang nagkatinginan sina Ezra at Angel na wari’y nila ang kanilang gagawin

“Woah…Alam na this!” hiyaw pa ni Angel, saka tumawa. “Let's go…!”