Kabanata 8

Madaling araw pa lang nang naalimpungatan ako pero hindi ko magawang matulog ulit dahil panay ang pagtulo ng aking mga luha.

May nangyari sa amin ni Spade. Hindi ko na mababawi pa iyon. Masyado akong nagpadala sa emosyon kaya ngayon ay hindi na ko alam kung anong gagawin ko. Ni hindi pa nga kami kasal pero gan'on na kaagad ang nangyari.

I want to slap myself hard para magising ako sa katotohanan pero kahit pa ano'ng parusa ang gawin ko sa sarili ko, hindi ko na maaalis ang katotohanang naibigay ko na iyon sa kaniya.

Alam kong naamin ko sa kaniya na maaaring mahal ko siya kaya ako pumayag na may mangyari sa amin pero ngayong tapos na, hindi ko maiiwasang makaramdam ng hiya dahil sa mga nasabi at nagawa ko kagabi.

Dahil sa panghihina ko ay nawalan na rin ako ng lakas para tanggalin ang nakapulupot niyang braso sa bewang ko.

Hanggang sa lumiwanag sa labas ay hindi ko nagawang gumalaw dahil sa lalim ng iniisip ko dagdag pa ang sakit ng katawan. Kung hindi pa gumalaw si Spade ay hindi