Chapter 26

“

“Hindi ko naman siya tinatakot!” Natawa ng alanganin si Gavin. “Isa pa, dinala ko nga siya sa ‘yo. Hindi niya kasama ‘yong Royal Blood na Bezarius.”

Hahawakan uli ni Gavin si Anastacia sa balikat pero tinabig na ‘yon ni Kairus at masamang tiningnan ang pinsan.

“Alam mong hindi siya puwedeng basta hawakan.” Matalim ang tingin na ipinukol ni Kairus kay Gavin.

“But we are Pureblood! We can touch the untouchable as long as it’s not a pureblood’s property.”

Tiningnan ni Kairus si Anastacia. Medyo naroon pa rin ang takot sa mata ng dalaga pero nagawa na nitong tingnan siya. Sinubukan niya ‘tong ngitian.

Maya-maya bumunghalit ng tawa si Gavin. “Kairus, para ka namang ngumiwi niyan!”

Pero nangiti si Anastacia, alam niya kasing sinusubukan nitong pagaanin ang nararamdaman niya. Iyong takot niya rito ay unti-unti ng bumababa.

“Nasaan ang Royal Blood?”

“Hindi maganda ang pakiramdam niya,” sagot ni Anastacia.

“Bak