Chpater 27

Pagbalik nila Anastacia at Calix ay kaagad lumapit sa kanila si Calixto.

“Puntahan mo na ang Young Master bago pa siya magising. Mukhang mahaba ang tulog din niya ngayon.”

Nakahinga nang maluwag si Anastacia nang malaman na hindi pa nagigising si King.

Hindi niya ‘to gustong paglihiman kaya sasabihin niya pa rin dito ang mga nangyari.

Nilingon niya si Calix, “Salamat.” Nginitian niya ‘to.

“Wala ‘yon, ipaliwanag mo sa kanya nang maayos.”

Tumango naman si Anastacia.

Pumunta muna siya sa kanilang quarter para maligo at makapagpalit ng kasuotan. Halos isang oras din siya bago nakabalik sa mansion. Pagdating naman niya sa mansion ay kaagad din siyang umakyat sa ikalawang palapag para puntahan si King.

Nakasalubong niya ang isang lalaking hindi pamilyar ang hitsura sa kanya. Alam niya na marami silang Butler pero parang hindi niya talaga kilala ang bagong lalaki. Marahil bago ito.