Chapter 25

Nag-aalala si Anastacia dahil ilang beses ininda ng kanyang Young Master ang likuran nitong may marka. Kasalukuyan ‘tong nakaupo sa paanan ng kama habang nakaluhod naman siya sa kama para tingnan ang likuran nito.

“Ano pang nararamdaman mo?” tanong niya.

“Mainit, masakit, parang nananakit ‘yong buo kong katawan pero nagpopokus ang pinakamasakit sa marka.”

“Kung sabihin na natin ‘to sa doctor, baka may alam sila para—”

“Hindi! Sinabi ko sa ‘yo na tayo lang ang dapat makaalam nito!”

Napabuntong-hininga si Anastacia. Kasunod nang madalas na pananakit ng likuran nito ay ang pagbabago ng ugali nito. Nagiging magagalitin ‘to, pero sa tingin niya dahil lang din sa sakit na pinagdaraanan nito. Sobra siyang nag-aalala pero wala siyang mahingian ng tulong tungkol doon. Hindi niya rin magawang magsimulang magtanong dahil baka makakutob ang mga nasa paligid niya na mayroong marka si King.

  “Ngayon ka dadalaw sa palasyo, anong sasabihin ko pa