Kabanata 30

Mula noong araw na iyon hindi na pinapansin ng kambal sina Ivo at Gianna. Masakit man kay Gianna ang nangyari subalit may tiwala siya kay Ivo, alam niyang babawi ito sa kanila.

Pilit niyang kinakausap ang dalawa niyang anak subalit hindi naman siya nila pinapansin.

“Mga anak, pansinin n’yo naman si Mommy, oh. Sana maintindihan niyo kung bakit nagawa ko ito, para rin naman sa kinabukasan niyo ito at isa pa nagsisisi naman si Daddy niyo eh, nagawa niya lang iyon dahil galit siya,” saad niya sa kambal. Nasa loob siya ng kwarto nila at pilit na kinakausap ang kaniyang anak.

“Kayo po, Mom? Hindi ba kayo naaawa sa sarili niyo? Sinaktan ka ni Dad at hindi namin alam ang rason kung bakit. Galit kami, Mom. Galit kami kay Dad at nagtatampo kami sa iyo,” saad ni Gavin. Napakagat siya ng labi nang marinig ang sinabi ni Gavin sa kaniya. Sobrang matured na mag-isip ng anak niyang lalaki.

“Anak, sabi ng Dad mo, babawi siya sa inyo. Let’s give him one more chance,” wika niya habang hinahalikan an