Kabanata 9: Sacrifice

"MAMA!" malakas na sigaw ng batang babae nang makitang kapapasok pa lamang ng kahoy na bahay si Tahira.

Tumigil sa Tahira sa kalagitnaan upang punasan ang pawis na namuo niyon sa kanyang noo mula sa ilang kilometro niyang pagtakbo makapunta lamang sa sinabi sa kanyang bahay ni Ipe kanina kung saan dinala ang anak.

Nag-alangan ding yumakap ang anak sa ginawa niyang pagpunas noon sa kanyang pawisan na mukha.

"Abby, my baby girl!" nakangiting tawag niya sa kanyang anak. Siya na sa pagkakataong iyon ang lumapit at buhatin ang bata nang bigla na lamang iyon na umiyak. "Hush, bakit ka umiiyak? Nandito na si mama 'di ba?"

"S—Si Tito Ipe po, madami siya dugo kanina," wika niyon na patuloy pa rin sa pag-iyak.

Niyakap niya ang bata at tinapik-tapik ang likod niyon upang patahanin. Sakto namang kasama ng kanyang anak ang panganay ni Ipe na si Tonton. Katulad ng kanyang anak ay bumuhos na rin ang luha sa mga mata niyon.

"Si Kuya Ipe?" agad niyang tanong sa batang lalaki.

Ibinaba niya ang anak n