Heavens

Sobrang daming naglalarong lights, amoy alak, maingay sa dami ng mga taong naroon na nagsasayawan at nagkakasayahan. Isama mo pa ang malakas na tunog ng tugtogin. Yan ang Heavens, isang sikat na bar sa Makati.

"Dinala kita dito best para makalimutan mo ang hayop na si Rex! Two bottles of hard liquor please," sabi niya sa bartender. Sinalinan niya agad ang dalawang maliliit na baso pagkakuha ng alak, "Roxanne Sanchez, forget him! You are beautiful! Move on! Tagay!" sabay taas ng kanyang baso.

" Salamat best! You're the best! Cheers!" sunod sunod na tungga ang ginawa ni Roxanne sa isang bote ng alak na inorder niya. Halos ginawa na niya itong tubig para lang matanggal ang sakit na nararamdaman."

Tumayo si Joy. Kinuha ang mga kamay ni Roxanne at hinila papunta sa gitna ng mga taong nagsasayawan

"Sige, isayaw natin best! You are free! Move on! Hooh!" sabay sigaw ni Joy sa katabi

" Yes! I'm free! I am beautiful! Hoooh! This is heaven!" Sigaw niya. Hataw na hataw din siya sa pag-indak kasabay ng malakas na sterio ng bar. Dala na din ng tama ng alak na naiinom, umindak siya ng umindak. Nakalimutan niya kahit sandali ang lahat ng sakit ng kalooban na nararamdaman niya.

Buong gabi silang nag-inom, nagsayaw, at nagsaya. Wala siyang sinayang na panahon. Iniinom na lang niya ang lahat! Tiniis niya ang pait na lasa ng alak tutal mas mapait pa sa alak ang nangyari sa kanya.

"Laseng na laseng ka na Roxanne Sanchez. Laseng na din ako!" nahihilong sabi ni Joy.

"Best tama na nga! Umuwi na tayo!" sabay kuha ng baso ng alak kay Roxanne at iniabot sa bartender. Nag-abot na din siya ng bayad para sa lahat ng alak na nainom.

"Dito muna tayo best! This is heaven! Huwag muna tayong umuwi, please!" laseng na tugon ni Roxanne sa kaibigan.

"Tara na! Laseng ka na!"

"Anong laseng! Kaya ko pa!" sabay suka sa katabi.

"Nakakadiri ka naman best! Ba't mo naman ako sinukahan? Wala namang ganyanan best!"

" Akala ko ikaw si Rex! Masarap isuka! bwuahh! " sunod sunod na suka ni Roxanne.

" Tara na nga!" Humarap siya sa mga kabataang nagkukumpulan sa di kalayuan. "Pasensya na kayo sa kaibigan ko mga repapips! Itong kaibigan ko ay broken hearted! Sa ganda ba naman nitong best friend ko, lalaki pa ang nakipag break! Walangjo! Lintik!

Padaan kami!" Pasuray suray ang dalawa habang palabas ng bar. May lumapit naman na lalaki na hindi nila kilala.

"Hi beautiful ladies! I'm Jonas. I will send you home if you don't mind!"

Tumingala si Roxanne at tinignan kung sino ang nagsasalita

" Anong send send? Send send din mo ang mukha mo! Anong tingin mo sa amin, laseng na hindi kayang umuwi? We can go home without you man! All of you, you are like my ex! Idiot! Nakakadiri! Hindi mapagkakatiwalaan! I hate you! All of you! Isinusumpa ko! Cross my heart! Hinding hindi na ako makikipagrelasyon sa inyong mga hayop na lalaki! Ever! Do you hear me? Ever!" Ang galit na sagot ni Roxanne sa lalaki.

" Pasensya ka na Mr. Gentleman sa kaibigan ko ha! Laseng na kasi ito. Broken hearted pa! Paano brineak pa ng demonyong lalaking iyon! Ipinagpalit pa sa mukhang p****k na babae! Angkapal ng mukha! Akala mo'y napakagwapo! Mukha namang kuneho sa laki ng ngipin sa harapan!" Sabay tawa ng malakas. " Laseng na din ako pero kaya ko pa namang magdrive.

Salamat na lang! Bye pogi!" sabi naman ni Joy sa kausap.

" Let's go my friend!" sabi na lang niya kay Roxanne na hindi na kayang maglakad mag-isa.

Hilong-hilong si Roxanne. Pasuray-suray

silang pumunta sa parking lot upang sumakay sa kanilang sasakyan. Binuksan ni Joy ang pintuan ng sasakyan at pinaupo sa shotgun seat ang kaibigan.

"Ako na ang magdadrive!" sabi ni Roxanne.

"I will send you to heaven!" sabay tawa ng malakas

"Hay naku best! Ako na ang magdadrive noh! Gusto ko pang mabuhay! Stay cool ka lang dyan okay?" sabay lagay ng seatbelt sa katawan ng kaibigan.

Umikot na si Joy papuntang driver's seat. She started the car and driving it slowly.