3

"Anak, Amy. Hindi muna tayo makakalabas dito. Hahanap lang ako ng tiyempo para makalabas tayo. Kalat na kalat na kasi ang balita na pagdi-divorce niyo ni Lexus. Hindi ko nga alam kung saan ba nanggaling iyon, nakakagulat lang dahil alam ng publiko ang tungkol sa inyong dalawa,"

Hindi pinansin ni Amethyst ang sinabi ng ina. Pangatlong araw na silang nandito sa Hospital dahil nga sa balitang iyon na hindi naman nila alam kung sino ang nagpakalat.

Until now, hindi pa rin maka-move on si Amethyst dahil sa last conversation nila ni Lexus. "Anak, umiiyak ka na naman," napatingin si Amy sa ina niya bago humawak sa pisngi niya.

May luha na naman nga siya. Ngumiti lang siya ng pilit. "A-Ayos lang ako, Ma," lumapit naman ang ina niya at niyakap siya.

"I know you're not anak," sagot ng ina. Hinaplos nito ang buhok niya. "B-Bakit kasi gano'n Ma, e. Ang... hirap-hirap. Hindi niya man lang ako hinayaang magpaliwanag," nagsimula na namang umiyak si Amethyst.

"Shh, tigil na anak. You're crying to ease the pain pero h'wag naman sumobra, okay? Hindi naman natin alam kung ano talaga ang totoong nararamdaman niya kaya gano'n nalang siguro ang naging reaksiyon niya. But still, mali pa rin iyon. Tahan na Amy," ani ng ginang. Alam na rin nito kung anong nangyari at bakit biglang nagkaganito ang relasyon ng anak niya sa asawa nito.

Hindi na umimik si Amy at bumitaw nalang ng yakap sa ina. Kahit papaano ay gumaan ang pakiramdam niya.

"Makakaya mo ito, anak. Don't lose hope," nakangiting wika ng ina niya.

Kasalukuyang nag-aayos ng mga gamit ang ina ni Amethyst dahil sa pwede na silang lumabas ng Hospital. Humupa na rin kahit papaano ang mga paparazzi na nag-aabang sa kanila.

"Ah, Ma. Nalimutan ko nga pa lang sabihin. Aalis po muna ako saglit. May bibilhin lang ako," sambit ni Amy. Nangunot naman ang noo ng nanay niya. Tumigil rin ito saglit sa pag-aayos.

"Eh, baka mapaano ka mamaya dyan sa daan. Hapon na oh, malapit ng gumabi. Kung gusto mo e, ako na lang ang bibili," suhestiyon naman ng Ginang. Inaalala niya na baka mapaano ang anak.

"Dont worry, Ma. I can handle myself. Kaya ko po," sagot ni Amy at isinuot na ang brown hoodie niya . "Are you really sure?"

Tumango lang si Amy at hinalikan ang Nanay niya sa pisngi. Hindi pa naman masyadong umbok ang tyan niya kaya nakakagalaw pa siya ng maayos. "Take care,"

Lumabas na siya at agad na dumiretso sa elevator. Nang makababa na siya, mabilis siyang umalis ng Hospital at naghanap ng taxi. Mabuti na lang at walang nakapansin sa kanya. May pera rin naman siyang dala.

Huminto naman ang isang taxi sa harapan niya. Dali-dali siyang sumakay dito.

Right now, she wants to say sorry to her Mother.

"Kuya, Maniego Empire po," sabi niya sa driver. Tumango naman ito at pinaandar na ang sasakyan. Bumaba siya sa tapat ng entrance ng mataas na building matapos niyang magbayad. May dalawang guard dito ang sumalubong sa kanya.

Namukaan agad nito kung sino siya kahit na may hoodie pa siya. "Maam, sorry po pero bawal na po kayong pumasok dito," sabi ng isa sa kanila. Nagulat si Amethyst dahil doon. Even to his company?

"P-Please, papasukin n'yo ako. May sasabihin lang ako kay Lexus," nagsusumamong pakiusap ni Amy. Naiiyak na naman siya.

"P-please, p-please. Nakikiusap ako," yumuko siya dahil ramdam niya na maiiyak na naman siya. Hindi na maubos-ubos ang luha niya.

Nagkatinginan naman ang dalawa. "Sige maam pero sasamahan po kita," sagot ng isa. Kahit naman papaano ay gumaan ang pakiramdam niya.

Sinamahan siya ng isa. Pumasok sila sa elevator at dumiretso iyon sa floor ng office ni Lexus. Wala ng masyadong tao sa loob at ang ilan ay nagliligpit na. Tapos na ang office hours nila. Nang makarating na sila. Naabutan nilang secretary nito na nakatingin sa kanila.

Dumako ang tingin nito kay Amy at ngumiti. It's Greg Costiago. Ang lalaking secretary ni Lexus. "Good day ma'am Amy. I thought, bawal ka na pong pumasok dito," nagtatakang wika nito. Ngumiti lang ng bahagya si Amethyst.

"G-Gusto ko lang naman siyang makausap. May sasabihin ako sa kanya," paliwanag ni Amy. Ngumiti muli si Greg.

Akmang magsasalita na si Amy nang bigla na lang bumukas ang pinto at iniluwa non si Lexus na magulo ang suot na suit. Pati ang necktie nito ay magulo rin. Kasunod nito ay may babaeng lumabas din.

Naka-roba ito at magulo ang buhok. Ipinulupot agad nito ang kamay sa bewang ni Lexus bago ngumiti sa kanila. "Oh, who is she?" malumanay na tanong nito habang nakangiti.

Nagulat si Amethyst sa nadatnan niya. Tila pinukpok ng martilyo ang puso niya. Halata naman ang gulat sa mga mata ni Lexus pero mabilis din iyong nawala. Gumanti siya ng yakap sa babae na ikinahagikgik nito. Napaubo naman si Greg.

"O-Oh, Boss. I-inform sana kita kaso bigla ka namang lumabas," sambit nito. Nauutal pa ito habang nagsasalita. "Iiwan n'yo muna kami," biglang sambit ni Lexus.

"But Lexus, I thought we're—" Lexus cut her off. "Shut up, Ivy! Sundin mo na lang ako," Lexus hissed.

Yumuko si Amethyst. Tuluyan ng tumulo ang luha niya. Wala imik ang lahat at iniwan na sila. "Why are you here?" malamig na tanong ni Lexus. Tumunghay si Amy at tinitigan ng diretso sa mga mata ang asawa niya.

"A-Ang daya mo.." lumuluhang sambit ni Amy.

Hindi naman nagbago ang ekspresyon ni Lexus. Ngumiti si Amy at lumapit kay Lexus. Niyakap niya ito habang patuloy na umiiyak. Ramdam ni Amy na naestatwa si Lexus sa ginawa niya.

"B-Bakit hindi mo ako hayaang magpaliwanag? It's an accident. B-Bakit ganyan ka? Ang babaw babaw mo. P-Pwede naman nating pag-usapan ang tungkol doon ah,"

Itutulak sana siya ni Lexus pero mas hinigpitan niya ang yakap niya. "P-Please Lexus, k-kahit ito na lang. H'wag mo ng ipagkait sakin," napapikit si Lexus.

Hinayaan niya lang muna ang babae kahit na labag sa loob niya. Pinaglaruan naman ni Amy ang singsing na nasa kamay niya pagkatapos ay bumitaw na siya ng yakap.

Hinarap niya si Lexus. Seryoso itong nakatingin sa kaniya. Ngumiti siya at tinanggal ang singsing na nasa daliri niya. Kahit pa nasasaktan siya ginawa niya iyon.

“I-Ibabalik ko na'to sayo kasi alam natin pareho na kahit m-magpaliwanag pa ako. Hindi mo na rin naman ako paniniwalaan. Masasaktan lang ako. Lalo na ngayon na,” tumunghay si Amethyst.

“—nabali ko na yung tiwala mo sakin,” wika niya at kinuha ang kanang kamay ni Lexus bago inilagay doon ang singsing.

Natulala ang lalaki sa ginawa ni Amy. Pinunasan ni Amy ang pisngi niyang may luha. Pagkatapos no'n ay tumalikod na siya at iniwan si Lexus na nakatulala.

Alam niyang balang araw malalaman din ng lalaki ang totoong nangyari.