KABANATA 52.1

Nanginginig ang mga kamay ko. Kinakabahan. Nagdadalawang isip kung sasagutin ba o hindi ang tawag niya. Ngunit sa huli, hinayaan ko lamang na matapos ang pag-ring at hindi iyon sinagot. At dahil alam kong tatawag siya muli ay agad kong pinatay ang cellphone at muling humilata sa kama.

"Now what, Sage? Ano ng gagawin mo?" tanong ko sa sarili.

Nangunguna sa isipan ko ang umuwi na at ilayo sila Mommy at Daddy. Ngunit hindi ko naman alam kung paano gagawin iyon. Inabot ako ng ilang oras hanggang maggabi ay hindi pa rin alam ang dapat gawin.

Ano nga lang ba ang bitbit ko papunta rito? Pera niya at cards niya.

Napatigil ako sandali. Alam kong hindi ako makahihingi ng pera kila Mommy lalo pa't lugmok kami ngayon. Iniisip ko na baka pwede kong gamitin ang cards niya? Or kahit ang online bank niya na lang.

Alam kong mapanganib ang balak ko at ma-te-trace niya kapag ginawa ko iyon pero desidido na ako.

Kaya naman kinabukasan, kahit ayaw ko pang marinig ang boses niya ay sinagot ko pa rin ang ta