KABANATA 51.2

Kulang ang salitang nagimbal sa aking nararamdaman. Tila buong mundo ko ang tumigil at ni ayaw i-proseso ng puso ko ang narinig ngunit pilit naman iyong sumisiksik sa isipan ko.

Delton is Daxton?

Kinapusan ako ng hininga at umawang ang mga labi.

Paanong ang asawa ko ay siya ring gustong magpakulong sa mga magulang ko?

Napasinghap ako sa kawalan ng hininga at napahawak sa aking dibdib sa sakit niyon. Triple ang sakit na nararamdaman ko mula roon.

"Ma'am Sage, ayos lang po ba kayo?" may pag-aalalang tanong ni Andres.

Hindi ako makapagsalita at naramdaman na lamang ang patak ng luha sa aking pisngi.

Mapakla akong napangiti. Totoo nga siguro ang kasabihan na 'love your enemies.'

Kaya ba ayaw niya akong pakawalan? Kaya ganoon na lang ang higpit niya at halos ayaw akong ipakiusap sa mga magulang ko?

Napapikit ako nang mariin sa biglaang sakit ng ulo ko. Nanghina at hindi lubos na makapaniwalang nangyayari lahat ng ito.

Hindi pa nga nawawala ang sakit ng puso ko sa sinapit ni Tatay ay dumagd