Chapter 37 Collapse

“Anong sinasabi mong kahit na anong mangyari ay hindi namin makukuha ang loob mo?” naguguluhang tanong ko sa kanya.

Mas lalong humigpit ang pagkakahawak ko sa kamay niya nang maramdaman kong balak niyang alisin ang kamay niya.

“Kinakausap pa kita, Ayla.” mariin sabi ko.

“Lordan, careful.” Dinig kong sabi ni Leonaire na nasa likuran ko.

Mabilis na napunta ang direksyon ng masamang tingin ni Ayla kay Leonaire, hindi ko ‘man nakikita si Leonaire ngunit alam kong sa kanya nakatingin si Ayla. Hindi maalis ang pagmamasid ko sa mga mata ni Ayla. Sa tuwing nakikita ko si Ayla ng malapitan, kapansin-pansin ang masamang tingin niya ngunit para sa kanya ay normal ‘yon. Idagdag pa nito, sa tuwing titingin siya sa tao ay tanging paggalaw ng kanyang itim na bilog lamang ang ginagamit niya kaya’t mas lalong nakadaragdag ng takot. Ngunit ngayong nakikita namin na nagagalit siya, mas mapapansin ang galaiti at pagkamuhi niya sa tao.

Nanlaki ang mata ko dahil sa gulat nang makita kong wala na akong hawa