Chapter 36 Violent woman

Ayla Point of View

Nakahanda na ang hapunan namin nang makapasok ako sa kusina. Hindi ko napansin na dala ‘to ng mga tauhan ni Auntie dahil magdamag akong nasa kwarto simula nang yapusin ako nang lalaking ‘yon. Gustong gusto ko nang magpalamon sa lupa ng mga oras na ‘yon dahil sa kahihiyan. Mas nadagdagan pa ang hiya ko nang mang-asar si Sollivan. Tumitiklop ang tapang ko sa tuwing nagdidikit ang katawan namin. Gusto kong mainis ngunit para saan. Wala akong makitang mali.

Wala akong balak na makihalubilo sa kanila kanina nang makita ko sila front door pero narinig kong wala silang balak na sabihin kay Auntie ang tungkol sa kalokohan ng pasaway na si Leonaire. Akala ko ay pahahabain pa nila ang pag-aaway namin kanina. Uminom muna ako ng tubig sa kusina kaya napansin ko agad ang hapunan sa hapag.

“Kumain na po kayo, miss Ayla.”

Tiningnan ko lang siya saglit saka nilagpasan siya. Nais ko na rin yayain ang apat na ‘yon.

Nang makarating na sa living area, napansin ko ang huling pag-apak ni