Chapter 40 Smiles

Kael Point of View

Nang magising ako ay tulog pa rin ang apat na kasama ko. Lumapit ako sa hinihigaan nila ni Leonaire saka tinakpan ko ng unan ang mukha ni Shawn nang makita kong nakanganga siya. Naiinis pa rin ako sa kanya! Sabihan ba naman akong bakla!

“Hmp! Kung hindi lang kita kaibigan!” naiinis na sabi ko sa kanya.

Nagsipilyo muna ako bago naisipang bumaba. Nang makababa ako ay nagkasalubong kami ng ina ko sa doorway ng kusina.

“Miguel,” pagbanggit niya sa totoong pangalan ko nang magkasalubong kami.

Napatikom ako ng bibig dahil hindi ko alam ang pwede kong isagot sa kanya. Sobrang awkward na magkaharap kami. Pinagmamasdan niya ako at para bang masaya siya na makita akong malaki na. Kung tatantyahin ay nasa 5’4 ang height niya samantalang ako ay 6’2.

Lumunok ako bago magsalita, “Ma.”

“Hmm?!” masayang tugon niya ngunit kita ang gulat sa kanyang mata ng tawagin ko siyang ma.

“P-Pwede mo ba akong ipagluto?”

Naging emosyonal siya sa harap ko. Niyakap niya ako nang mahigpit kaya niya