Kabanata 54

Hindi ako agad nakatulog kagabi. Kaya ang resulta late na akong nagising kinabukasan. Paano ba naman kasi ako makakatulog ng maaga e bwisit na bwisit ako sa ka-OA-han ni Merila kagabi. Ang kapal ng mukha para manghingi ng pancit canton, samantalang hindi nga niya ako tinirhan ng ulam!

Pagkababa ko ay wala na si Spike at ang sabi ni Merila ay maaga raw umalis dahil may emergency client meeting daw ng alas sais ng umaga. Napaisip agad ako kung nakatulog ba siya ng maayos o nakapag breakfast man lang ba siya bago umalis.

"I cooked him breaKfast bago siya umalis," Merila said as if she heard the questions on my mind.

"A-anong niluto mo?"

"Uh... Fried rice, eggs and bacon. Ikaw ba gutom na? Pasensya na, Serra ah? Naubos ko, e. Nawala sa isip ko na nandito ka nga pala. Nasanay kasi akong pangdalawahan lang ang niluluto ko kapag nandito ako sa bahay ni Spike."

Agad akong napairap. I don't expect her to cook for me naman kaya ayos lang. Naiinis lang ako kasi umaakto siya na parang siya pa ang asawa.

"Hanggang kailan ka dito?" direkta kong tanong. I was expecting her to answer my questions appropriately but she just sarcastically laughed.

"Are you that excited para paalisin ako sa bahay na ito?"

I smirked. "Obvious ba?"

Ngumisi rin siya bilang tugon sa sinabi ko. At nakakairita siyang tingnan!

"You know what, Serra. I like you for being blunt at hindi ako pinaplastik. But I'm sorry to disappoint you, my dear. Hindi ako aalis sa bahay na ito hangga't hindi sinasabi ni Spike. Kasi 'yong goal ko, ay ang paalisin ka sa bahay na ito."

Agad na nagpang abot ang mga kilay ko.

"Yes! You heard it right! Ikaw ang paaalisin ko sa bahay na ito at sa buhay ni Spike."

"Ang kapal din naman talaga ng pagmumukha mo no? Know your place, Merila! Asawa ni Spike ang kinakausap mo."

Muli siyang ngumiti ng sarkastiko. May pagkurap ng marahan. Dukutin ko 'yang mata mo d'yan, e!

"I have known him for years, Serra. I know everything about him. I know how he decides. Alam ko kung anong itinatakbo ng utak niya. Alam ko rin kung sino talaga ang mahal niya. Ikaw? Anong alam mo maliban sa umasang magtatagal kayo?"

Hindi ako nakasagot sa kanya. Nakagat ko ang labi ko dulot ng panggigigil. Gusto ko siyang sabunutan at kaladkarin palabas ng bahay. Pero hindi ko iyon pwedeng gawin. I don't wanna let her harm me especially my child. Kasi sigurado akong kapag inunahan ko siya ay hindi rin siya magpapatalo.

"Hindi ko akalaing ganyan kakapal ang mukha mo, Merila. Ang lakas ng loob mong sabihin sa akin 'yan habang nakaapak ka sa loob ng pamamahay ko."

Agad siyang natawa ng sarkastiko. "Pamamahay mo? Wake up, Serra! Hindi kasali sa conjugal property ninyo ito! Because this house is mine right from the very beginning."

Umawang ang labi ko. Anong ibig niyang sabihin na sa kanya itong bahay na ito?

"Hindi mo alam? Hindi ba sinabi sa iyo ni Spike na sa aming dalawa nakapangalan ang bahay na ito?" Nag iwas siya ng tingin at doon natawa habang umiiling. "Maiwan na kita dito ah? I need to prepare myself pa kasi. Pupunta pa ako sa opisina ni Spike."

Agad na tumaas ang isa kong kilay. What the heck did she just said? Pupunta siya sa opisina ni Spike? Anong gagawin niya doon?

Huminto siya at pinagtaasan din ako ng kilay. "Oh? Hindi mo rin alam na nagtatrabaho ako sa kompanya ni Spike? God, Serra! You know nothing?"

Naikuyom ko ang mga kamao ko. Hindi ko alam kung hanggang kailan aabot ang pasensya ko sa kanya. Sinasagad niya ako ng bonggang-bongga!

"I don't know anything about you kasi. Hindi ka naman kasi ganoon ka espesyal at importante para ikwento ka sa akin ni Spike."

"Sa iyo hindi ako special at importante pero kay Spike... Gusto mo ako pa magsabi sa iyo kung gaano ako ka-importante sa kanya? O kung gaano niya ako kamahal?"

I gritted my teeth. Nangangati na ang mga kamay kong nagnanais na sampalin siya.

"Halos hindi na nga umuuwi sa iyo, e. Remember those nights na halos hindi na siya umuuwi at inuumaga na? It's me who he spent the night with."

Kinagat ko ang labi ko. Nagsisimula na akong manginig sa galit. Ramdam ko na rin ang pag iinit ng gilid ng aking mga mata. I wanna cry. Pero hindi ko iyon pwedeng ipakita sa kanya. Ayaw kong maging talunan sa paningin niya. Kasi kapag pinakita ko sa kanyang mahina ako ay mas madali niya akong matatalo.

"Kung ikaw ang mahal... Bakit hindi ikaw ang pinakasalan?"

She was taken aback. Agad na umangat ang gilid ng labi ko. Finally, I scored!

"Paniwalaan mo kung anong gusto mong paniwalaan, Merila. But one thing is for sure, I am the wife and you're just nothing but his bestfriend," dagdag ko.

"We had sex," malakas niyang sabi at may pagdiin. Nais niyang itatak sa akin na may nangyari sa kanila ng asawa ko. Bwisit siya!

"So?"

"Anong so? Ibig sabihin lang no'n, mas gusto niya ang katawan ko kaysa sa'yo. Mas nasasarapan siya sa akin kaysa sa'yo."

"Proud ka?"

"Of course!"

Ngumiti ako. "Proud ka pa talagang ginawa ka lang niyang parausan."

Hindi siya nakasagot. Ilang minuto kaming tahimik at nakikipagtitigan sa isa't-isa. Sa talim ng mga tingin niya sa akin, akala ko ay sasabunutan niya na ako o hindi kaya'y sasampalin pero inirapan niya lang ako't iniwan. Padabog siyang naglakad papunta sa guest room. Padabog niya ring isinara ang p***o.

Nakahinga ako ng maluwag. Doon na rin nag unahan sa pagtulo ang mga luha ko. Pinaghalong galit at sakit ang nararamdaman ko. Paano ito nagawa sa akin ni Spike? Paano niya nagagawang ipamukha sa akin na kontrata lang ako? Na hindi talaga ako ang mahal niya? He should've at least wait na maghiwalay kami at matapos ang kontrata bago siya tumikim ng iba!

And then I remember na may iba palang nakahawak sa akin. That Yoko touched me. Pero wala namang nangyari sa amin ah?

Is this what they call karma? Is this my karma? Kinakarma na ba ako sa mga nagawa kong kabulastugan noon? I had sex with different guys. Nagloko ako ng maraming beses. I broke their hearts. So this must be it. Pinapadama na sa akin kung gaano kasakit ang maloko. Hindi ko naisip na mararanasan ko ito. Simula lang nang nakilala ko si Spike. Ginago na ako ng mundo.