Under His Arm

*Flashback"

•Jade POV•

"Buntis ka!?" sigaw ni Mama.

"Ma 'di k-ko ginusto 'yon, p-penuwersa niya ako, p-pinilit niya ako!" paliwanag kong pa utal-utal.

"Sino ang ama?" Tanong niya.

"S-Si Nicholas, anak ng kaklase niyo noong high school." sagot ko.

Bigla na naman bumukas ang pinto at nakita namin si Papa. Kinuha ni mama sa kamay ko ang pregnancy test saka binato kay Papa sabay sigaw ng "Buntis ang anak mo Jack!"

Bigla nagsalubong ang kilay ni Papa saka pinaparap ako sa kaniya habang hawak ang gilid ng balikat ko na kita ko sa mga mata niya ang galit at ang pagaalala saka siya nagsalita "Sino ang ama?"

"S-Si N-Nicholas po." paguutal-utal ko nama'ng sagot.

"Alam ko naman na sa wastong edad ka na pero sana pinakilala mo muna sa amin kung sino yung lalaki, 'di yung nagpabuntis ka na." habang sinasambit niya ang mga salitang 'yan pakiramdam ko dismeyado si Papa.

"Pa ne-rape niya akooooo!" Sigaw ko sabay bigla na lang tumulo ang luha sa mga mata ko hanggang sa naghagulgol na ako sa iyak, iyon ang pinagtapat ko kay Papa na rinig din ni mama kaya naman na kinausap ni Mama ang mga magulang ni Nickolas labag man sa kalooban ko pinakasalan ko na lamang ang taong nanggahasa sa akin.

Lumibas ang mga buwan at pinanganak ko na ang anak ko, noong pinagbubuntis ko siya alagang-alaga ko siya habang nasa loob pa lamang ng sinapuponan ko ngunit pagkagising ko sabi ng doctor na matay ang anak ko para akong sinakluban ng langit at lupa na parang pakiramdam ko wala akong kwentang ina.

••••••••••••••••••••••••••••••••••••••

Isang araw dumating ang isang pangyayari na 'di ko inaasahan.

"Pinagsisihan ko na ikaw ang naging asawa ko!" bulyaw ni Nicholas, saka niya ako tinulak sa mini table. Ang lalaking napilitan akong pakasalan matapos niya akong gahasain. Araw-araw ay tila impyerno ang buhay ko sa piling niya.

"Sino yung lalaking yun? Ginagago mo ba ako? Ha? Akala mo di ko malalaman?" galit na galit niyang dagdag saka niya hinila ang buhok ko.

“T-Tama na Nicholas, n-nasasaktan na ako,” pakiusap ko sa kanya, pero imbis na bitawan ay mas lalo niya lang hinigpitan ang pagkakahawak niya sa akin kaya napasigaw na ako. “Kaibigan ko lang ang lalaking yun, Nicholas!”

“Talaga? Talaga?” gigil niyang tanong na hinawakan nang mariin ang pisngi ko. “Sinungaling ka talagang babae ka!” Pinaharap niya ako sa kanya saka niya ako malakas na sinampal na naging dahilan ng pagkabangga ko sa drawer.

Kinabahan si Nicholas dahil alam niyang alam ko na sa drawer niya itinago ang baril niya na mabilis kong kinuha. Nanginginig ang kamay na itinutok ko yun sa kanya.

“Dahil sayo nasira ang buhay na pinapangarap ko!" bunton ko sa kanya sa basag nang boses.

Pinilit niyang magtapang-tapangan sa kabila ng tensyon sa pagitan naming dalawa. "Anong gagawin mo dyan? Papatayin mo ko? Ha? Papatayin mo ko!?" singhal niya sa akin saka siya lumapit para kunin sa akin ang hawak kong baril.

Pinag-agawan namin ito bago pa man pumutok, nakita kong hinawakan ng isang kamay niya ang dibdib niya bago ibinalik ang kamay na kaninang humahawak sa baril pakiramdam kong may na raramdaman siyang 'di maganda hanggang bigla na lang pumutok ang baril at may dugo na tumalsik sa damit ko. Sa sobrang bilis ng mga pangyayari ay hindi ko na alam kung sino sa aming dalawa ang nakakalabit ng gatilyo. Gulong-gulo akong binitawan ang baril saka nagtagpo ang mga mata namin. Puno yun ng lungkot at pagsisisi hanggang sa natumba siya matapos pumikit ang mga mata niya.

Nakaramdam ng panlalambot ang tuhod ko hanggang humandusay ito sa sahig. Nanginginig ako sa takot saka ko tinapik-tapik ang pisngi niya. ‘Di ko namalayang may tumutulo na pa lang luha sa mga mata ko.

"Ni-Nicholas? Nicholas… Hin-hindi ko si...sinasadya, hindi ko sinasadya…" nanginginig ang mga kamay kong sambit na wala sa sariling tumayo na lang at saka nag-impake ng mga damit ko at gamit. Nag-unahang tumulo ang mga luha ko saka ako tuluyang umalis ng bahay.

•••••••••••••••••••••••••••••