Chapter 36

“A man?” hindi makapaniwalang tanong ni Detective France.

Dearil nodded his head.

“What the fuck?” Hindi ko na napigilan na hindi makisingit. “She looked innocent! What did you do?” tanong ko sa magkambal.

“We were on leave that time,” sagot ni Damien kaya napatingin ako sa kaniya at nakakunot ang noo. “Gian told us that the HR Department already handled it, that’s why we let it pass,” dugtong niya.

Bumuntonghininga ako dahil hindi ako makapaniwala sa narinig ko na iyon.

“So, maybe it was a wrong accused...” Detective France concluded.

“She’s in HR Department, meaning she was applying in your company or was she an employee already?” tanong ko.

Damien shook his head. “I remembered it now, clearly. I saw her on the line for the job fair before we went on leave.”

Napatango naman ako sa sagot niya.

“Then, the next thing we need to know is about what happened next to her,” saad ni Detective France na tahimik naming sinang-ayunan.

Isa lang ang ibig sabihin nito, maaaring kinamumuhian ng suspek ang Ravides Holdings.

“I will investigate about it,” ani Detective France.

Hindi na rin kami nagtagal doon dahil hapon na rin. Sa lakad namin pabalik sa bukana ng kagubatan ay tahimik kaming lahat na para bang pinag-iisipan ang lahat ng mga nalaman namin ngayong araw.

We might know the reason behind this Heart Forest Crime, it won’t still justify his wrong doings. He took hundreds of lives already and he needs to pay for it. Justice will be served.

Hanggang sa makarating kami sa penthouse ni Damien ay tahimik pa rin kaming tatlo. Hindi na tumuloy pa rito si Detective France para raw maumpisahan na niya ang mag-imbestiga tungkol sa babae.

“You tired?” malambing na tanong sa akin ni Damien nang makapasok kami sa penthouse niya.

“Yeah...” mahinang sagot ko.

“I’ll cook dinner first. Rest, baby...” he softly said.

I just nodded my head. He kissed my forehead first before he let me go. Nang makarating ako sa kwarto ay pagod kong ibinagsak ang katawan ko sa malaking kama.

Nakakapagod ang magpabalik-balik doon sa kagubatan na iyon pero pakiramdam ko ay mas nakakapagod ang mga nalaman namin ngayong araw.

Sa babaeng ‘yon ba nagsimula ang Heart Forest Crime? Pero kung sa kaniya nga, ano naman ang dahilan? Ano ang dahilan ng pagkamatay niya? Sino ang tatay niya na gumagawa ng krimen? Ano ang totoong nangyari sa babae sa loob ng Ravides Holdings?

Napabuntonghininga ako, hindi ko akalain na aabot sa ganito ang pag-iisip ko sa kung paano ako napunta sa lugar na ito. Ang iniisip ko lang dati ay ang mga kaibigan ko at kung paano ako makakaalis dito.

Sinikap kong bumangon at kinuha ang laptop ko. Hindi matahimik ang isip ko kahit alam kong naghahanap na si Detective France ng mga kasagutan.

Nang sandaling i-search ko ang tungkol sa scandal ng HR Department ng Ravides Holdings ay hindi naman ako nahirapan maghanap pero ang nakakapagtaka lang ay iisang article lang ang lumabas.

Kunot noo kong binasa ang article na iyon. Halos magsalubong ang kilay ko dahil sa mga nabasa ko roon. Malinaw na ang article na ito ay nasa pabor ng Ravides Holdings. Ayon dito ay si Lhianne Jimenez umano ay hinaras ang head ng HR Department na si Maniro Derso. Inakit daw ng babae ang lalaki para makapasok sa Ravides Holdings, dahil hindi lingid sa kaalaman ng lahat na mahirap ngang makapasok sa Ravides.

Hindi ko na itinuloy pa ang binabasa ko dahil hindi ako naniniwala tungkol doon. Napakainosente ng mukha ni Lhianne kaya paano niya magagawa iyon?

Aalisin ko na sana ang website na binabasahan ko ng article nang may makita akong suggestion articles sa pinakababa ng website.

Lhianne Jimenez commits suicide after the scandal

Iyon ang title ng article kaya nakuha no’n ang atensyon ko. Hindi na ako nag-alinlangan na pindutin iyon at basahin ang buong article.

Napasinghap ako sa lahat ng nabasa ko. Si Lhianne Jimenez ay nagpakamatay sa loob ng kagubatan, binaril niya ang sarili niya, mismong sa kaniyang puso.

Wala sa sarili na napatulala ako dahil sa nalaman ko. Totoo nga... ang Heart Forest Crime ay dahil sa kaniya. Isang paghihiganti. Ipinaghiganti ang pagkamatay niya dahil ang lahat ng tao ng El Kanjar ay hindi naniwala kay Lhianne kaya siya nagpakamatay at ginawa naman ng suspek ang parehong paraan kung paano namatay si Lhianne, ang pagbaril sa mismong puso.

Pero ang nananatiling tanong ay kung sino ang tatay niya na gumagawa ng krimen. Walang nabanggit sa lahat ng article na nabasa ko at kahit hanapin ko man ang pagkakakilanlan kay Lhianne Jimenez, ay wala nang ibang detalye ang lumalabas.

Kahit nanglalata ako sa lahat ng impormasyong nalaman ko ay pinilit kong kumain kasabay nila Dearil at Damien. Gusto ko man sabihin ang lahat ng nalaman ko, ay hindi ko naman magawang magsalita.

“Is there a problem, baby?” malumanay na tanong ni Damien habang kumakain kami.

Napakurap-kurap akong napatingin sa magkambal. Masiyado na yata akong natutulala dahil sa mga nalaman ko.

“Yeah...” tanging sagot ko.

Mukhang hindi kumbinsido sina Dearil at Damien pero hindi na sila nagsalita pa.

Panibagong biktima ng Heart Forest Crime ay isang lalaki...

Napahinto kaming lahat sa pagkain nang marinig iyon na nanggaling sa balita. Naiwang bukas ang TV at kahit nandito kami sa hapag-kainan ay napapanood pa rin naman iyon.

Nabitawan ko ang kutsara’t tinidor nang inilabas ang isang picture ng lalaking biktima ng Heart Forest Crime ngayong araw.

Paanong nangyaring...

Wala sa sarili na napatayo ako at nangingilid ang mga luha ko. Ang lakas at bilis ng tibok ng puso ko.

Bakit kamukha niya ang Kuya Gignesh ko? Bakit ganoon? Bakit nandito rin ang mukha niya? Pinaglalaruan na ba talaga ako ng tadhana?

“Kuya...” umiiyak na sambit ko.

Hindi ko na pala namalayan na umiiyak na ako habang nakatitig sa telebisyon. Nakaramdam naman ako ng marahang pagyakap sa akin at hinahagod-hagod ang likuran ko.

“Anveshika...” pagtawag sa akin ni Dearil pero yumakap lang ako kay Damien.

“Kuya Gignesh...” hikbi ko.

Hinayaan ko lang ang sarili na umiyak sa bisig ni Damien. Hinayaan naman ako ng magkapatid na umiyak kahit hindi nila maintindihan kung ano ang nangyayari sa akin.

Sa gitna ng pag-iisip ko ay may nahihinuha ako sa lahat ng nangyayari sa akin dito sa El Kanjar.

Sigurado na ako.

Si Kuya Gignesh ay totoong may pumatay sa kaniya kaya maging dito sa lugar na pinagbagsakan ko ay namatay pa rin siya, pero ang ibig sabihin no’n ay kung sino man ang suspek ng Heart Forest Crime, ang mukha niya ang totoong pumatay sa Kuya Gignesh ko, hindi talaga ako naniniwala na suicide ang nangyari kay Kuya.

Hindi man kapani-paniwala pero naniniwala na ako na ang mukha ng suspek ng Heart Forest Crime ay siyang pumatay sa Kuya ko. Mas lalong kailangan kong makaalis sa lugar na ito para mabigyan ng katanungan ang pagkamatay ni Kuya.

Naiintindihan ko na. Ang mga mukhang konektado sa akin ay nandito rin sa El Kanjar at kung ano man ang papel nila sa totoong buhay ko bilang Anveshika ay ganoon pa rin dito sa El Kanjar. Katulad na lang ni Damien na kamukha ni Sir Vanmer, siya pa rin ay naging boss ko rito sa El Kanjar, at isa pa... ibig sabihin din ay may kambal si Sir Vanmer? Pero wala naman akong narinig tungkol doon.

Ang relasyon namin ni Damien? Paano ko naman maipapaliwanag iyon? Walang namamagitan sa amin ni Sir Vanmer sa totoong Anveshika pero paanong may ganitong relasyon kami ni Damien?

Ibig sabihin ay maaaring mangyari pa lang ito sa hinaharap?

Unti-unti ko nang nabubuo ang piraso ng puzzle pero hindi ko pa rin alam kung bakit ako napunta rito...

Kaunti na lang...

Mabubuo ko rin ang larong ito...

ASHTRIZONE