Chapter 27

“Buti naman wala tayong klase mamayang ten. Nakakapagod mag-isip ng isasagot sa java,” ani Rose kaklase at kaibigan ni Liana.

“Oo nga. Dyahe naman Prof natin... Di mo rin maintindihan minsan. Bigla na lang magpapa-exam ng walang pasabi,” sang-ayon naman ni Frank. Kaklase at kaibigan niya rin ito pati si Glenda na wala doon ngayon. Lumabas ito at may pupuntahan daw.

“Paano? Tambay na lang tayo sa cafeteria?” yaya pa ni Frank sa kanilang dalawa ni Rose.

Nakangiting umiling siya sa mga ito. “Pass muna ako. Pupunta ako sa school ng kapatid ko. May program sila ngayon, gusto kung surpresahin,” aniya sa dalawa.

“Ganoon ba? Sayang naman…” himutok pa ni Frank na mas lalo niyang ikinangiti.

“Tayo na lang dalawa. Ayaw mo ba?” ani Rose dito.

Napipilitang tumango naman ang binata. “Sige na nga. Pero libre mo,” anito na halatang binibiro lang si Rose.

“Ay! ‘Yun tayo eh… ‘Dun ka magaling…” tugon ni Rose na lalong ikinangiti ni Liana. Tumayo na ito at sabay-sabay na silang lumabas ng lecture r