Chapter 24- The jealous Adrian

Umagang kay ganda ang sumalubong kay Luna. Kahit masakit ang kanyang ulo nagawa niya pa ring gumising nang maaga. Nais niyang mag-ikot sa buong resort habang maaga palang, upang ma-refresh ang kanyang utak. Pagbukas niya ng kurtina, napatigil siya sa biglang pagsagi sa kanyang isipan tungkol sa nangyari kagabi. Tinapik-tapik niya ang kanyang pisngi habang napapangiti. Mayamaya bigla naman siyang huminto. 'Ano ka ba Luna, ang bilis mong ma-fall, paano kung trip niya lang iyon.' saway ng kanyang isipan. Pilit niyang kinalimutan iyon dahil ayaw niyang umasa.

Agad siyang nagpalit ng damit na pang-exercise at nagdala ng isang boteng tubig.

Nakasalapak ang headphones sa kanyang tainga at nakikinig ng meditation podcasts habang naglalakad sa pababa at paakyat na daan sa palibot ng resort. Habang abala siya sa paglalakad, hindi niya napansin ang lalaking kanina pa nakasunod sa kanya.

Masarap sa pakiramdam habang pinapanood ang pagsikat ni haring araw. Tagaktak ang pawis sa kanyang katawan, n