Chapter Eleven

             NANG sumunod na mga araw ay mas napapadalas na ang pagsasama namin ni Paul. Halos lahat ng lakad niya ay parating nakabuntot ako at ipinangangalandakan niya pa sa buong mundo na fiancee niya ako. Wala naman akong magawa kundi ang sumuporta at sumang-ayon sa lahat ng kagustuhan at kahilingan niya.

Pansamantalang isinantabi muna namin ni Paul ang aming mga walang kuwentang bangayan. Hanggang sa dumating na sa puntong napapangiti na pala niya ako kahit sa mga simpleng bagay na ginagawa niya para saakin.

Nakatakdang ganapin ang aming kasal sa susunod na linggo. Maayos na sana ang lahat. Maliban nga lang sa mommy ni Paul na hanggang ngayon ay tutol pa rin sa relasyon namin ng anak niya.

Si daddy ay hindi maipaliwanag ang sayang nadarama nang minsang kausapin ito ni Paul tungkol sa aming pag-iisang dibdib. Buong akala ko ay tatanggi ito subalit taliwas ito sa inaasahan ko. Maging si m