Chapter 8

Kinabukasan habang maaga akong nag-aagahan ay isang hindi inaasahang tao ang bumalik sa bahay. Si Jaxon. 

Nasa dining area ako nang makarinig ng pagbukas ng gate sa bandang garahe namin. Sa pag-aalalang bumalik si Rusty ay mabilis kong kinuha ang isang Benchmade 860 Bedlam knife na iniwan sa akin ni Sebastian nang nagdaang gabi. Noong una ay ayoko pang tanggapin iyon ngunit sadyang makulit si Sebastian kung kaya't napilit niya akong itago ang pocket knife na iyon. 

Dahan-dahan akong lumabas sa dining area at halos maibagsak ko ang hawak na kutsilyo ng makita ang asawa ko. As usual, magkasalubong ang mga kilay nito at parang laging iritable. Pero hindi nakabawas ang magkasalubong niyang kilay sa kaguwapuhan niya. 

 Mabilis kong tinago sa likuran ko ang hawak ko pagkatapos ay sinundan siya nang pumanhik siya paakyat sa itaas ng bahay. 

"Napabilis yata ang uwi mo?" usisa ko sa kanya. Hindi niya ako sinagot bagkus ay