CHAPTER 36

"Are you okay, anak?" banayad kong usisa kay Erom habang nakaupo kami sa kama.

Nandito na kami sa condo ngayon. Kanina ko pang napapansin ang pananahimik niya mula nang nakasakay kami sa kotse.

Marahan niyang inangat ang kanyang paningin sa akin. "I'm okay, Mom. It's just... I'm tired," he answered.

Tipid akong ngumiti saka siya hinalikan sa noo. "Sige na, mahiga ka na. Ipagtitimpla na lang muna kita ng gatas para mas madali kang makakatulog,"

Tumango lang naman siya at saka sumunod sa sinabi ko. Pinanuod ko na maging kumportable sa pagkakahiga ang anak ko bago ako tumayo at umalis ng silid.

"Tulog na si Erom?" usisa ni Chaos nang nakarating ako sa kusina.

Nakaupo siya habang umiinom ng kape.

"Tutulog pa lang," tugon ko at nagtungo sa lababo para magtimpla ng gatas.

"Okay ka lang?"

Natigilan ako sa pagkilos nang itanong iyon sa akin ni Chaos.

Okay ba ako?

Kung hindi man ako okay, bakit? Ano'ng