The Billionaire's Baby Maker Maid

Annalise P.O.V

Nasa loob ako ng maid's quarter, stress na stress habang tinitignan ang hospital bill sa kamay ko.

Halos mahimatay na ako nang mabasa ang 50,000 na bill. Hindi pa kasali rito ang gamot at nalalapit na surgery ni nanay na higit-kumulang 80,000 ang kailangan para sa kidney stone surgery.

"Saan naman ako kukuha ng pera? Maging b*ld dancer kaya ako? Sa pagkakaalam ko malaki naman ang kita roon," saad ko sa aking sarili.

Problemadong-problemado ako dahil sa mga bills at gastusin sa pagpapagamot kay nanay. Hindi ko na alam kung saan pa ako kukuha ng pera.

"Kausapin mo na lang kaya si sir na pautangin ka?" suhestyon ni Cheska, isa sa mga kasamahan ko bilang kasambahay.

Agad akong umiling saka humalukipkip. "Ayaw ko! Baka sigawan lang ako ni sir kapag ginawa ko 'yon."

"Pero hindi ba 'yon naman ang gusto mo? Na sinisigawan ka ni sir Fernando? Mas lalo siyang nagiging hot sa paningin mo," birong wika ni Cassandra sa akin.

"Gustong-gusto mo nga si sir eh, aminin mo."

Sinusundot-sundot niya ang bewang ko.

"Shhh ano ba! Tigil mo 'yan sasapakin kita!" singhal ko.

NASA office room ako ngayon ni sir Fernando.

Nakatayo ako sa kanyang harapan habang nakayuko at kinakalikot ang mga daliri ko. Nasa harapan ko siya, prenteng nakaupo sa kanyang upuan saka matatalim ang mga matang nakatingin sa akin.

Sh*t, ang pogi talaga ni sir kapag galit, lalo na kapag nakakunot ang noo niya. Sarap halikan.

'Kumalma ka Annalise, hindi ito ang tamang panahon para lumandi at pagpantasyahan mo ang amo mo.'

"What do you want, Miss Dela Cruz? You're disturbing my work," matigas at malamig niyang sabi.

Lihim naman akong napanguso dahil sa kasungitan ni sir. Parang palagi na lang siyang dinadalaw, dinaig pa ang babaeng may regla.

"Hmmm s-sir p-puwede po ba akong humingi ng pabor sa inyo?" nauutal kong tanong sa kanya.

Tumango lamang siya. Hinihintay na dugtungan ko ang sinabi ko.

"Puwede po ba akong umutang sa inyo ng one hundred thousand? Kailangan ko lang po kasi para sa pampagamot kay n-nanay," nanginginig ang boses na turan ko. Halos sumakit na ang leeg ko sa kakayuko.

Magsasalita na sana si sir pero biglang tumunog ang kanyang cellphone kaya sinagot niya muna ito. Umalis siya at nagtungo sa sulok habang ako naman ay kinakalikot pa rin ang mga daliri ko.

Kinakabahan. Sana pumayag si sir. Kung hindi siya papayag, baka mabaliw na ako kakaisip kung saan kukuha ng pera.

Hindi naman nagtagal ay bumalik na si sir sa kanyang desk. Kung kanina ay galit ang mukha niya at nakakunot ang noo, ngayon naman ay doble na ito. Kung titignan mo siya para na siyang mangangain ng tao.

Napahilot siya sa kanyang noo at napabuga nang malakas, halatang problemado ito.

Nag-aalala ko naman siyang tinignan. "Bakit po sir? May nangyari po ba?" mahinhin na tanong ko sa kanya.

Bahagya akong napaatras nang tingnan niya ako. Iyong tingin na nakakanginig ng tuhod. Buti na lamang at kumapit ako sa may mesa para hindi matumba.

"You need money, right?" malamig at matikas niyang tanong sa akin.

Tumango ako bilang sagot. 'Yon naman talaga ang dahilan kung bakit ako lumapit sa kanya, saka para rin makita ang gwapo niyang mukha.

"I have an offer to you," aniya. Seryoso ang mukha niyang tinignan ang kabuuan ko, mula ulo hanggang paa niya akong sinuri. "May gagawin ka para sa akin..." mahina niyang sabi saka naglakad palapit sa akin.

Nanlaki ang mga mata ko. May kung anong hinuha na pumasok sa aking isipan.

Umatras ako palayo sa kanya saka niyakap ang aking sarili. "Opppp sir diyan ka lang! Huwag kang lalapit! Alam kong mukha akong desperada sa pera pero huwag niyo naman akong patayin at kunin ang lamang loob ko!" mangiyak-ngiyak na singhal ko sa kanya.

Kumunot lalo ang gwapong mukha ni sir Fernando at naguguluhang binigyan ako ng tingin.

"The f*ck are you saying?" malutong niyang mura.

Umiling-iling ako saka namewang sa kanyang harapan. "Alam niyo sir, bata pa ako para mamatay. Virgin pa nga ako. Hindi pa ako napapasukan ng kahit anong halimaw. Pero kung gusto niyo talaga akong patayin, puwede bang paisahin niyo muna ako? Bago ako mamatay at least maranasan ko lang mapunta sa langit sa sobrang sarap," daldal ko.

"What the f*ck!!!" sigaw ni sir Fernando. Kumukulog ang kanyang boses. Halos masira ang tenga ko sa sigaw niya. "I'm not going to kill you!" sigaw niya pa ulit.

Puwede naman siyang magsalita nang mahinahon. Bakit kailangan pang sumigaw? Hindi naman ako pipi, 'di ba?

Napa 'o' ang bibig ko saka nahihiyang napakamot ng ulo. "Ay hindi pala? Eh kung gano'n ano po ba ang gusto niyong ipagawa sa akin?" tanong ko kay sir Fernando.

Napailing siya saka hinilot ang kanyang sintido. "I want you to be my baby maker," aniya sa seryosong boses.

Baby maker? Gagawa ng baby? Sandali akong natigilan sa sinabi ni sir saka napaisip.

"Baby maker po?" tanong ko, naninigurado kung tama ba ang narinig ko.

"Yes, baby maker. We will be having sex and you will give me a child, a son perhaps, that will inherit all my properties," sagot niya sa tanong ko. "My parents are pushing me to have an heir but I don't want to be with anyone, and I don't love anyone."

Sa lahat ng sinabi niya, isang salita lamang ang pumukaw sa atensyon ko. Ang salitang sex.

"Ahhhh!!!!" sigaw ko. "Sex sir?! Sex? Sa'yo!!? Sir naman sige papayag ako!" sabi ko. "Ikaw sir ah may nalalaman ka pang baby maker, gusto mo lang talagang umisa sa akin," nakangiting saad ko kay sir Fernando.

Hindi ko matago ang ngiti ko sa labi dahil sa kilig. Ibig sabihin ba nito may gusto sa akin si sir Fernando kaya gusto niya akong maging ina ng kanyang magiging anak?

Umiling lamang si sir saka bumalik sa kanyang desk. May kung ano siyang tinipa roon saka nag-print. Nakangiting pinapanood ko lamang siya.

Nang matapos ang kanyang pini-print ay dumako siya muli sa harap ko.

"Sign this for our agreement. Basahin mo nang mabuti ang nakalagay diyan bago mo pirmahan," malamig niyang aniya.