Chapter 4

"may s-sinabi kase sa akin 'yung Adrian. A-ate, okay ka lang ba?" Nag aalalang tanong ko rito.

Agad nanlaki ang kaniyang mata. Isinarado nya ang pinto ng aking kwarto saka lumapit sa akin.

"Anong sinabi nya sa'yo?" Matapang na tanong niya. Kahit na ganoon pa man ay ramdam kong kinakabahan siya.

"A-apat daw ang umaangkin sa'yo minsan" sagot ko saka tumungo.

"Ikaw bata ka, hindi ko alam na chismosa ka rin" pikon na sabi nya. "Ikaw na nga ang best bait-baitan, ngayon kinacareer mo na rin ang pagiging chismosa. You're unbelievable. At tsaka, kailan ka pa nag-alala sa akin, ha? Kailan pa kayo nag-alala sa akin?" May bahid na sama ng loob na dugtong nito.

"Ate, I'm just worried about you. Kapatid kita, kaya dapat ako ang karamay mo" sabi ko.

"Well, hindi ko kailangan ang ramay mo. Ito ang tatandaan mo ha, malalagot ka sa akin kapag isinumbong mo ako kina Nanay at Tatay" bilin nito bago lumabas.

Ako naman ay naiwan na lamang na tulala sa nangyari. Bakit ganoon, gusto ko lamang naman na samahan siya.

Ilang sandali pa ay nagbihis na agad ako. Bitbit ang notebook at ilang listahan ng assignment ay nagtungo na ako sa sala. Naroon pa rin ang aking mga magulang. Hinanap ko si ate, pero wala siya roon.

"Ang tagal mo naman, anak" reklamo ni Nanay.

"Pasensya na po, 'nay, humiga lamang po ako saglit. Medyo pagod po kase e" pagdadahilan ko.

"Oh siya, upo ka na dito. Mag meryenda ka muna bago gumawa ng assignment" bilin niya.

"Patayin ko muna ang TV para makapag focus ka, anak" sabi naman ni Tatay.

Tumango na lamang ako rito.

Inabot ako ng isa't kalahating oras sa pag-aaral. Tinawag na lamang ako nina Nanay at Tatay para maghapunan.

Dumiretso muna ako sa aking kwarto saka inilagay doon ang aking gamit.

Nang makarating sa kusina ay nakita kong kumpleto kami. Naroon din si ate. Agad na sumilay ang aking ngiti dahil rito. Sa wakas, kumpleto na ulit kami sa hapag.

Letchon manok at gulay ang aming ulam. Habang kumakain ay hindi maiwasang magtanong ni Tatay kay ate.

"Vanessa, kamusta naman ang pag-aaral mo?"

"Doing good, 'tay" sagot ni ate saka sumubo ng pagkain.

"Sana lamang ay bawasan mo na ang pag-gala mo at pag-uwi ng gabing-gabi na. nagkakababae ka pa namang tao. Hindi mo alam ang takbo ng utak ng mga tao sa labas" pangaral ni Tatay.

Sa halip na sumagot ay nagpatuloy na lamang si ate sa pagkain.

Nabaling naman sa akin ang usapan.

"Ikaw, anak, Marisse, saan mo balak mag kokehiyo?" Tanong ni Tatay.

"Doon na lamang po sa San Fermin, 'tay. Para malapit lapit po, para makauwi rin ako dito" sagot ko.

"Ayaw mo ba sa University ng ate Vanessa mo? Maganda iyon, magkakasama na kayo" suggest ni Tatay.

Lumingon muna ako kay ate. Bago pa man ako makapagsalita ay naunahan na niya ako. "Gusto ko 'yan, 'tay" nakangiting sagot nito.

"Oh, iyon naman pala e" si tatay.

"Sige po, pag-iisipan ko pa po" sagot ko.

Mahaba-haba pang kwentuhan ang namayani sa amin habang kumakain. Si ate naman ay tahimik lamang na kumakain.

Pagkatapos namin kumain ay si ate na ang inutusan ni Nanay na maghugas ng plato kaya naman ay bumalik na rin ako sa aking kwarto.

Bago matulog ay naisipan ko munang icheck ang social medias ko. At siyempre, napangiti na lamang ako ng makita na may message sa akin si Martin. Agad din nawala ang ngiti ko ng makita ko na nag message si Patricia. Hay, nanghihingi na naman 'to ng sagot sa assignment. Babaeng 'to talaga.

Martin

Hi, Marisse. Kamusta?

Agad naman akong nagtipa ng mensahe saka ipinadala sa kanya.

Marisse

Hi, Martin. Okay lang ako. Ikaw ba, kamusta?

Agad naman itong nagseen. Bilis ah!

Martin

I'm good, too.

Martin

May gagawin ka ba sa Linggo?

Agad akong napangiti.

Marisse

Ah, wala naman siguro. Bakit mo nga pala naitanong?

Martin

Simba tayo? Tapos ipapasyal na rin kita

Nag-isip isip muna ako at hindi muna nag reply sa kaniya.

Martin

Hey, don't need to presure yourself. Naiintindihan ko kung ayaw mo

Marisse

Pumapayag na ako

Martin

Really?

Marisse

Oo e, kaso ano, magpapaalam pa rin ako kina Nanay at Tatay.

Martin

Nah, don't do that. Kung okay lang, pwede ba akong pumunta sa inyo sa Sabado? Ipagpapaalam kase kita

Napangiti lalo ako sa reply nito. Green flag.

Marisse

Wala kase dito sina Nanay at Tatay sa Sabado, lagi silang nasa bukid. Pupunta rin ako doon para magdala ng tanghalian at meryenda

Martin

Okay then. Kung gusto mo naman, pupunta ako d'yan sa inyo para tulungan ka. Sasama na rin ako sa bukid.

Alas-nueve na ng matapos kami sa pagpapalitan ng mensahe. Pagkatapos icharger ang cellphone ko ay natulog na ako.

Kinabukasan, nagising na lamang ako dahil ni Nanay.

"Anak, alas-sais na. Maya-maya ay late ka na" bungad nya sa akin.

"Good morning, 'nay" bati ko rito.

"Oh sya, maghanda ka na" ani ni Nanay.

Ako naman ay dali-daling naligo at nagbihis. Mabilisan ko na ring inayos ang aking gamit sa bag, ang cellphone ko ay inilagay ko na rin sa aking bag para hindi ko makalimutan maya-maya. Pagkatapos ay nagmamadali akong lumakad papunta sa kusina. Doon ko naabutan sina Nanay at Tatay na nag aalmusal.

"Kain na, anak" si Tatay.

"Pasensya na po, tinanghali ako ng gising" sabi ko. "Si ate po ba?" Tanong ko sa mga ito.

"Naka alis na ang ate mo. Maaga daw ang klase nya ngayon" sagot ni Nanay. "Sige na, kain na" dugtong nito saka ipinaghila ako ng upuan.

Naupo naman ako sa tabi ni Nanay saka nagsandok ng kanin. Habang kumakain ay nasabi rin sa akin ni Nanay na naipaghanda na niya ako ng lunch. Aniya ay ayos na daw ito at basta ko na lamang dadalhin.

Pagkatapos sa pagkain ay dali-dali na akong nag-ayos ng sarili.

Humihingal na naglalakad ako papasok sa room nang makarating sa school. Papaano ay kaunting minuto na lamang ay late na ako.

"Aga mo ngayon ah" sarcastic na ani ni Patricia. Nginitian ko na lamang ito. "May utang kang kwento sa akin mamaya" dagdag pa nito saka hiniram ang notebook ko na may sagot sa assignment namin.

"Kabado na ako, akala ko hindi ka papasok. Wala sana akong sagot. Lagot ako kay Ma'am Rose mamaya" aniya habang nagsusulat.

"Dapat pala umabsent na lamang ako" pabirong sabi ko. Sinamaan naman niya ako ng tingin.

Bago pa man makarating si Ma'am Rose ay natapos na agad si Patricia sa panggagaya.

Nang macheckan ay syempre, perfect din ang score niya.