[Past]
NAABUTAN ko si Caleb na nagsisintas ng sapatos pagpasok sa kwarto niya at nakasalampak sa sahig kaya sinamahan ko siya at tinulungang sintasin ang isang sapatos.
“Thanks,” aniya at hinaplos ang buhok.
“Para mapadali dahil baka maunahan tayo ng iba sa court.”
“Hindi ‘yan,” pagkatapos ay tumayo at kinuha ang bola sa tabi. Sumunod ako sa kanya nang lumabas na siya ng kwarto. Tuloy-tuloy kami hanggang sa kusina. “Magdala tayo ng tubig, sa ‘yo ‘to.” Sabay bigay ng tumbler na may pangalan ko. Pareho kami ng design at kulay, ang pinagkaiba lang ay nilagyan niya ng pangalan para hindi malito kung alin ang kanino.
“Si Felix kaya, anong ginagawa ngayon?” ang nasabi ko nang lumabas na kami ng bahay at nagpunta sa covered court.
“Ano ba sa tingin mo ang ginagawa niya ngayon?”
“Ewan ko du’n, sinabihan kong pumunta rito para sabay kaming mag-practice o ‘di kaya ako pupunta sa barangay nila pero ayaw naman mag-reply.”
“Hayaan mo na, magaling na ‘yun kaya hindi na nu’n kailangang mag-practice pa at saka ikaw lang naman ata ang kilala kong nagpa-practice pa para lang sa basketball try-out.”
“Pakiramdam ko kasi ay kinakalawang na ‘ko.”
Bigla niyang pinasa sa akin ang bola na mabilis kong nasalo. “’Yan ba ‘yung kinakalawang? Nasalo mo nga agad saka kahapon, nag-one-on-one tayo ‘di ba natalo mo ‘ko?”
“Pinapalaki mo naman ang ulo ko n’yan, e, sige ka, baka yumabang ako,” ang biro ko naman. Lagi niya kasi akong kino-compliment pagdating sa basketball.
Pero sa totoo lang ay hindi naman ako gano’n kagaling— sakto lang, hehehe.
“Pero totoo naman, mas magaling ka kaysa sa ‘kin.”
Natuwa ako sa compliment niya pero hindi ko pinahalata at idinaan na lang sa pagdi-dribble ng bola. “Excited na akong maisuot ang jersey uniform ng team,” ang pahayag ko dahil gustong-gusto ko talaga mapabilang sa basketball team ng school.
Kung minsan nga ay naiinggit na ko kay Caleb. Kasi siya, matagal nang nakapasok sa team no’ng grade 9 pa lang siya. Tapos ako ay hindi man lang makapasok-pasok dahil sa height ko.
Kaya nga sobrang saya ko last year kasi ang laki ng pinagbago nang height ko. Kapag nga tumatabi ako kay Caleb ay hanggang tenga na lang ako hindi tulad dati na hanggang d****b lang.
Nakakainis nga na nagmumukha akong batang maliit kapag kasama siya. At ngayon ay may chance na talaga akong mapasama sa team at hindi na maiingit tuwing pinapanuod ko ang practice nila pagkatapos ng klase.
“Ba’t ka naman magiging excited, e, nasusuot mo naman ‘yung akin.”
“Sa ‘yo naman ‘yun, mas gusto ko ‘yung sariling akin.”
“What’s mine is also yours.”
Napatingin ako sa kanya nang sabihin niya iyon. “Lagi mo naman ‘yang sinasabi, nagmumukha tuloy akong pulubi.” Pa’no, lagi niya akong binibigyan nang kahit ano, pagkain man o bagay ay binibigay niya sa ‘kin palagi kahit hindi ko naman kailangan.
Palibhasa maraming pera kaya sinasayang sa kung ano-ano. Naalala ko tuloy minsan no’ng binilhan niya ako ng sobrang mahal na damit na nakita ko sa mall. Pinilit ko siyang isauli pero ayaw na niya kaya ayon, nasa closet lang hindi ko pa naisusuot hanggang ngayon.
Maaksaya man siya sa pera pero sulit naman kasi kung minsan ay talagang nakikinabang ako, hehehe. Kahit si Felix ay natutuwang sumasama sa amin kasi lagi siyang nabubusog.
“Okay next time, hindi na kita iti-treat.”
Bigla akong umakbay sa kanya kahit na mas matangkad siya sa akin. “Joke lang naman, hehehe,” at pabiro naman niya akong siniko kaya napahiwalay rin ako. “Grabe! In-injured mo ‘ko, pa’no ako makakapag-try out nito?”
“Sira,” pagkatapos ay inagaw niya sa akin ang bola at tumakbo na papasok sa covered court. Pero nang tuluyang makapasok ay bigla siyang huminto kaya naabutan ko. “What will you do if hindi ka makapasok sa team?” out-of-nowhere niyang tanong.
“Kaya nga nagpa-practice ako nang maigi ‘di ba? Para siguradong makakapasok talaga ako.” Pagkatapos ay ngumiti, kasi sigurado akong malaki ang chance ko na makapasok sa team. Siguradong-sigurado na.
*****
TINAPIK ko ang balikat ni Felix. Hindi kasi nakaayos ang sintas ng sapatos niya. “Sintas mo, malapit na tayong tawagin.” Tinuro ko pa ang sapatos niya na agad ring inayos.
“Sorry naman, kinakabahan kasi ako.”
“Ba’t ka naman kakabahan, wala kang bilib sa galing mo?”
Tiningnan niya ako nang kakaiba na parang hindi siya makapaniwala sa narinig. “Galing?! Ni wala nga ako sa kalingkingan mo.”
Nailing na lang ako at bahagyang nangiti. Kahit kailan talaga pa-humble sa sarili.
Pinagpatuloy ko na lang ang pag-i-stretching. Ginalaw-galaw ko ang mga paa habang pinapanuod ang mga students na nauna na sa amin sa listahan at nagso-shoot na sa basketball ring.
“Oy, ‘yung team,” aniya at napatingin sa bandang kanan ng court. Pumasok kasi ang basketball team pero… bakit wala si Caleb?
Ang tagal ko nga silang pinagmasdan dahil baka nahuli lang pero wala talaga siya. Ang sabi pa naman nu’n na manunuod siya ngayon.
“Ikaw yata ang kailangan,” ani Felix sabay tapik sa puwetan ko para kunin ang aking atensiyon.
Nang tingnan ko naman ang tinutukoy niya ay may kumakaway sa akin mula sa team at pinapalapit ako. Kahit naguguluhan kung anong kailangan nila sa akin ay hindi ko na inintindi at nag-umpisa nang maglakad. Dahil nasa kabilang banda pa sila ng court ay naglakad pa ako sa may gilid.
“Ikaw si Kenan ‘di ba?” ang tanong ng Captain. “Hindi makakapunta rito si Caleb kasi biglang sinugod sa clinic.”
Bigla akong kinabahan sa sinabi niya. “Clinic?! A-anong nangyari sa kanya?”
Nagkatinginan muna silang magkakagrupo pero hindi ko na mahihintay ang sagot nila at agad nang tumakbo papunta sa clinic. Anong nangyari kay Caleb? Okay pa naman siya kaninang umaga, a.
Nakalimutan ko nang kumatok sa pinto ng clinic at basta na lang itong binuksan. “Anong kailangan mo?!” gulat na tanong ng Nurse pero hindi ko ito pinansin at dumiretso sa mga kama na natatakpan at pinapalibutan ng tela. Isa-isa kong hinawi ang mga ito para makita kong nandito ba si Caleb.
Pangalawang kama mula sa dulo ay nakita ko siya na nakahiga at nakapikit. Pinagpapawisan ang noo at halatang-halata na may iniinda siyang sakit. “Ano pong nangyari sa kanya?” ang tanong ko sa Nurse.
Matalim muna ako nitong tiningnan bago sumagot, “Next time ay matuto kang kumatok. Food poison.” Pagkatapos ay tinalikuran na kami para bumalik sa desk.
Yumuko naman ako at saka humingi ng paumanhin sa inasal ko kanina. Pagkatapos ay binalik ang atensiyon kay Caleb na nakapikit pa rin.
“Pa’no ka na-food poison? E, ang arti mo sa pagkain?” ang tanong kahit alam ko namang hindi niya masasagot.
Ilang sandali ko siyang pinagmasdan ng mag-ring ang cellphone sa bulsa ng suot kong jersey shorts. “Hello?”
“Sa’n ka na?” si Felix. “Tinatawag na ang pangalan mo.”
“Sa clinic, nandito si Caleb.” Tapos ay muling napatingin sa mukha niyang napapangiwi kahit natutulog.
“So, pa’no na, hindi ka na tutuloy?”
Rinig ko sa background ang ingay ng bola na tumatalbog. Mariin kong hawak ang cellphone at pikit-matang pinili ang mas pinaka-importante sa akin.
“Hindi na.” Pagkatapos ay pinatay na ang tawag. Huminga ako nang malalim habang nakakuyom ang kamay.
Mas importante sa akin si Caleb. At mas kailangan niya ako ngayon.
Mayamaya pa ay idinilat na niya ang mga mata at malamlam na tumingin sa akin. “You’re here,” ang bulong niya na halos hindi ko marinig sa sobrang hina.
“Sinabi sa ‘kin ng teammates mo na narito ka kaya sumugod agad ako.”
“Kumusta ang try out, nagpakitang gilas ka ba kay Coach?”
Napalunok muna ako ng laway at saka napailing bago sagutin ang tanong niya, “Nakatakbo na ‘ko rito bago ko na-realize na may try out pala,” ang biro ko at nakuha pang matawa sa sariling biro. Gusto kong pagaanin ang usapan dahil sigurado akong sisisihin niya ang sarili sa nangyari.
At tulad nga ng inaasahan ko ay kitang-kita sa mga mata niya na nagi-guilty siya. “Sana hindi ka na lang pumunta rito, kaya ko naman ang sarili ko.”
“Namimilipit ka nga sa sakit, e, ‘wag mo na lang isipin ‘yung nangyari, ang importante ay magpagaling ka. Saka kahit bumalik pa ako ro’n ay wala na rin akong aabutan. Malamang ay tapos na ang try out.”
Gumalaw siya at sinubukang bumangon sa kama na agad ko namang pinigilan. “I’m fine, nakapagpahinga na ‘ko.”
“Sigurado ka?” pero hinayaan ko na lang siya sa gusto at tinulungang makaupo nang maayos. “Sobrang sakit ba?” ang tanong na tinanguan naman niya. “Ba’t ka ba kasi na food-poison?”
“May na-inom lang akong expired na pala.”
Tsk, hindi naman pala kasi nag-iingat. “Tingnan mo kasi nang mabuti ang iniinom mo para hindi ka nagkakagan’to.”
“I know,” tinitigan niya ako nang matagal. “Nag-alala ka ba?”
“Malamang, sinong hindi mag-aalala kung biglang may magsasabi na narito ka, e, hindi ka naman basta-basta nagkakasakit o hindi kaya nai-injured… ‘yun nga lang, kung minsan ay aanga-anga.”
“What?”
“Bakit hindi? E, ang dali lang kayang malaman kung expired na ang iniinom, malalasahan mo naman ‘yun.”
“Concern ka ba talaga sa ‘kin o hindi?”
“Hindi.” Siyempre, hindi ako aamin.
Mayamaya pa ay pareho na kaming natahimik hanggang sa dumating si Felix. Agad nitong kinamusta si Caleb. Pagkatapos ay bumaling sa akin. “Nainis ‘yung Coach kanina, ilang beses tinawag pangalan mo.”
Napabuntong-hininga ako sa binalita niya pagkatapos ay napatingin kay Caleb na nakatitig din pala sa akin. “Kumusta, makakapasok ka ba sa team?” ang tanong ko na lang.
Nangiti siya tapos ay tinapik ang balikat ko na may kasamang himas. “Ayokong pumasok sa team ng hindi ka kasama,” may halong lambing ang tono ng boses niya.
Mahina ko ngang siniko ang tiyan niya. “Ba’t mo naman sinayang ‘yung chance?”
“Ikaw kaya ang nag-aya sa ‘king sumali sa basketball team tapos iiwan mo lang din ako? ‘Wag na oy!”
Nang mapadako naman ang tingin ko kay Caleb ay nakatingin ito sa aming dalawa ni Felix habang nakakunot ang noo. Mukhang masama pa talaga ang pakiramdam niya. “Sumasakit ba ulit ang tiyan mo?”
Umiwas siya ng tingin sabay iling. “May class pa kayo, right? Mas mabuti pang bumalik na kayo.”
“Pa’no ka?” Hindi naman pwedeng iwan ko siya rito.
“May Nurse naman kaya ayos lang, saka mabuti-buti na ang pakiramdam ko kaysa kanina kaya ‘wag ka ng mag-worry.”
“Sure?” Gusto ko pa namang mag-skip ng class.
“Tara na,” ani Felix at inakbayan ako.
“Hands!” mariin at may halong inis na wika ni Caleb.
Naguguluhan naman kaming nagkatinginan ni Felix pagkatapos ay muling binalik ang tingin sa kanya. “Ha, anong sabi mo?” ang tanong ko.
“I want to talk to him, alone,” aniya pa habang nakatitig kay Felix.
“O-okay, mauuna na ‘kong lumabas.” Nagpalipat-lipat pa ang tingin ko sa kanilang dalawa habang paalis. Ano kayang pag-uusapan nila ng hindi ako kasali?
Palakad-lakad ako sa labas ng clinic dahil napapatagal na ang usapan nila sa loob. Naku-curious na tuloy ako.
Hanggang sa bumukas ang pinto at lumabas si Felix… na tulala?
“Hoy, an’yare sa ‘yo?” sabay hawak sa balikat niya na agad niyang kinapitlag at parang napapasong umiwas sa akin.
“Don’t touch me! Baka makita niya tayo, malagot pa ‘ko.”
“Ha?!” ang gulo niya! “Tinatanong lang naman kita, kung maka-react ‘to.”
Biglang sumeryoso ang tingin niya at bahagyang lumapit. “Makinig ka, Kenan,” tapos ay napansin kong napalunok muna siya ng laway bago nagpatuloy, “Simula ngayon, hindi mo na ‘ko hahawakan at gano’n din ako sa ‘yo— No touch, okay?!”
“Nasisiraan ka na, ano ba kasing problema?”
“Ah, basta! Sundin mo na lang ang sinasabi ko.”
“E bakit nga kasi?”
Humugot muna siya ng malalim na hininga bago ako sagutin, “M-may nalaman lang akong sikreto.”
“Ano naman ‘yun?”
Bumuka ang bibig niya at bumuwelo ng sasabihin, “Ngayon ko lang nalaman na…”
***<[°o°]>***
[Past]BUMUKA ang bibig niya at bumuwelo ng sasabihin, “Ngayon ko lang nalaman na…” sinadya niyang bitinin ang sasabihin para talagang ma-curious ako ng husto.“Ano? Anong nalaman mo, pabitin ka naman, e.”“Ngayon ko lang nalaman na tsimoso ka pala. Siyempre, ba’t ko sasabihin sa ‘yo, e, secret nga.”“Pambihira naman! Ano nga kasi, ba’t ayaw mong sabihin?” ang pangungulit ko pa pero tinalikuran na niya ako at naglakad na palayo. “Hoy, Felipe! Ang KJ naman nito!” ang habol ko naman.Pero ayaw na niyang magsalita. Kainis! Curious na curious na ako, e. “E, ano namang pinag-usapan niyo ni Caleb sa loob?” ang tanong na lang nang makahabol sa kanya.“W-wala, may pinabibili lang siya sa ‘king gamot.”Gamot? May kailangan pa ba itong inumin na wala sa clinic? Nakakaduda naman. “Sure?” ang p
[Past]NASA harap na ako ng restaurant na sinasabi ni Nikki. Dito kami magkikita ngayon dahil may importante raw siyang sasabihin. Sobrang excited nga ako dahil may kutob akong sasagutin na niya ako ngayon sa wakas.Nagpatulong pa nga ako kay Caleb ng magandang susuotin dahil wala na akong maisip. Siya na rin ang bumili ng bulaklak na dapat kong ibigay sa oras na magkita kami ni Nikki.Sa entrance pa lang ng restaurant ay sobrang lakas na ng kabog ng dibdib ko. Marami ring pumapasok na idea sa utak ko. Ano ang dapat kong maging reaksiyon? Sisigaw ba ako sa tuwa o magtatatalon?Sa totoo lang ay hindi ko alam. Pero ang sabi ni Caleb ay dapat kalmado lang ako sa oras na sagutin na ako ni Nikki pero kaya ko ba iyong gawin? Isipin pa nga lang na um-‘oo’ siya ay baka magwala ako sa sobrang saya.Huminga muna ako nang malalim sabay buga para alisin ang kaba sa katawan ng tuluyan nang pumasok sa restaur
[Past]MABILIS kong ikinubli ang sarili sa kanila. Ang pader na ginawang panangga upang hindi nila makita ay siya ring nagbibigay ng suporta sa akin nang biglang manghina.Ilang beses akong umiling. Hindi, imposible itong nakikita ko. Pinaglalaruan lamang siguro ako ng mga mata. Nagkamali lang ako sa nakita.Tama… nagkamali lang ako. Imposibleng hawak ni Nikki ang kamay ni Caleb.“Hello, Kenan?” rinig kong sabi ni Caleb kaya mabilis kong tiningnan ang cellphone. Hindi ko napansin na sinagot niya pala ang tawag ko.Kailangan kong makalayo muna sa lugar para hindi niya mapansin na nasa paligid lang ako at nakita sila. Tumakbo ako nang mabilis hanggang sa mapagod. “H-hello?” ang tugon ko matapos tuluyang makalayo.“Ba’t ka napatawag?”Lumunok muna ako ng laway para alisin ang bara sa lalamunan. “Lunch break na kasi, nasa’n ka?” Pl
[Past]NAHIGIT ko ang hininga sa narinig. Matagal ng may gusto si Nikki kay Caleb? At ano iyong sinasabi niya na ‘something’? May nangyayari ba sa kanila na hindi ko alam?!“Wala akong dapat i-explain,” ani Caleb at muling sinubukang kunin mula kay Nikki ang cellphone na pilit namang itinatago sa likod.“’Yan! D’yan ka magaling. Hindi porket hindi ako nagtatanong, e, hindi ka rin nag-i-explain—“ sandaling natigilan si Nikki nang magtagpo ang mga mata namin.Mabilis akong nagtago. Pambihira! Nakita niya ako!“You know what? I’m tired of this. Ayaw mong mag-explain, right? So, pa’no pala kung si Kenan na ang magtanong? Humingi ng explanation?”“Don’t bring him up. Wala siyang kinalaman dito.”“Really? sigurado kang wala? Kasi kung iisiping mabuti… lahat ng ‘to, dahil sa kanya. And guess what?! An
MATAPOS kumain ay bumalik ako sa kwarto para magsipilyo at kunin ang bag. Tapos ay bumalik sa kusina para tingnan kung tapos na maghugas ng pinggan si Caleb. Siya na rin kasi ang nagpresintang gawin ang mga gawain sa bahay na hindi ko pa magagawa sa ngayon tulad nang paghuhugas ng pinggan.May magandang maitutulong din pala kapag na-i-injured. Ligtas ako sa household chores!“Ito, o,” sabay bigay sa kanya ng susi ng bahay at pati na rin ng gate. “Ikaw na ang magsara at i-lock mo, ha? Sige, aalis na ‘ko.” Kailangan ko ng mauna dahil magku-commute pa ako dahil hindi ako makakapag-motor sa lagay ko ngayon.“Wait, sabay na tayong pumasok.”“Magkaiba tayo ng course.”“Same university.”“Nagsasawa na ‘ko sa pagmumukha mo.”“Ako hindi.” At saka nangiti.Pero hindi ko na siya pinansin at tuloy-tuloy
HINANAP ko agad si Caleb paglabas sa gymnasium pero wala na ito, mukhang kanina pa nakaalis kaya sinubukan kong tawagan pero ayaw naman sagutin at hinahayaan lang na mag-ring ang cellphone.Kainis! Bakit ayaw niyang sagutin? Umiiwas ba siya?!Mahigpit ang hawak ko sa cellphone na kulang na lang ay madurog ito sa sobrang inis. Humanda talaga siya sa akin!Mabilis ang hakbang papunta sa department niya nang matigilan… hindi ko alam ang schedule niya!Sa laki pa naman ng department nila ay hindi ko alam kung saan ko siya unang hahanapin. Muli akong nag-dial at tinawagan this time si Felix, baka alam nito kung nasaan ang kailangan. “Hello? Sa’n ka ngayon?” ang tanong pagkasagot niya sa tawag.“Ca—feteria,” ang sagot niya. “Punta ka rito, kumakain ako.”“Kasama mo si Caleb?”“Hmmp! Kaaalis lang, bakit?”Pambihira!
PAGKATAPOS niya iyong sabihin ay tinalikuran niya ako at sumakay sa kotse. Pabagsak pa nga niyang sinara ang pinto ng kotse.Ha! siya pa talaga ang may ganang magalit ngayon na akala mo ay walang atraso sa ‘kin. At nagawa pang ipalanghap sa akin ang usok mula sa tambutso. Nagpigil lang akong magmura nang malakas dahil baka may ibang makarinig sa akin.“Ang gag* lang talaga ng isang ‘yun.” Pagkatapos ay inamoy-amoy ang sarili. Tatabi pa naman ako mamaya kay Mary Rose, baka kumapit na sa akin ang amoy ng usok.Hindi naman ako agad nangamoy usok pero mas mabuti ng makasiguro kaya bago pumunta sa klase ay dumaan muna ako sa restroom para magpabango. Nang nasa tapat na ng classroom ay huminga ako nang malalim. Mula sa pwesto ko ay nakikita ko si Mary Rose na ang mga mata’y nakapako sa akin. Napangiti pa nga siya habang sinisenyasan akong lumapit at tumabi sa kanya.Oh, My Rose, here I come
PA-WEEKENDS na at naalala kong nagdo-dorm lang si Mary Rose rito sa siyudad dahil sa province talaga siya nakatira. Kaya naisip ko na yayain itong mamasiyal para hindi naman ma-bored sa dorm. Agad akong tumawag sa kanya nang makauwi na sa bahay.“May gagawin ka ba bukas or sa Sunday?”“Wala naman, nasa dorm lang ako buong weekends, bakit mo natanong?” ang sagot niya mula sa kabilang linya.Ayos.! “Gusto mo bang sumama sa ‘kin? Pupunta kasi ako sa mall bukas, may gusto akong panuorin na movie kaso walang gustong sumama sa ‘kin. Hindi ko mapilit si Felix, e,” ang palusot ko.Sana pumayag siya.“Ah, okay—“ yes! “Anong oras tayo magmi-meet?”Nilayo ko muna ang cellphone sa tenga at naghanap ng pwedeng malabasan ng tuwa sa pagpayag niya at pinagsususuntok ang unan sa sobrang saya. At nang makuntento ay muli kong nilapit ang cell