Chapter 26

YUGYOG sa balikat ang nagpagising sa akin at agad nakita si Mama. Sa ayos niya ay mukhang papunta na siya sa trabaho.

“Aalis na kami, ikaw nang bahala rito sa bahay.”

Tumango ako at saka bumangon para ihatid sila sa labas. Pagbukas ko ng gate ay agad kong napansin si kuya Lito na pinupunasan ang salamin ng kotse.

“Good morning, Kuya,” ang bati ko rito.

“Good morning din, Kenan. Mukhang kagigising mo lang, a.”

“Late na ‘kong natulog kagabi.”

“Late na rin din akong natulog pero kailangan kong maagang gumising dahil malayo-layo pa ang pupuntahan.”

“Sa’n po?”

“Sa airport.”

Ah, mukhang may business trip sila Tita. Nang marinig ang ugong ng sasakyan ay binalik ko ang tingin sa bukas na gate dahil palabas na ang kotse ni Papa.

“Aalis na kami,” ang sabi pa ni Papa bago sila tuluyang umalis.

Sinara ko rin pabalik ang gate nang mapansing may lumabas na isa pang