Chapter 25

[Past]

KAHIT nahihirapan ay pinilit ko ang sariling makasunod sa bawat hakbang ni Mama. Mahigpit niyang hawak ang kamay ko habang naglalakad sa may kalsada. Kanina ay buhat niya pa ako pero nang magtagal at mangalay ay ibinaba niya rin dahil dala-dala niya pa ang maliit na bag na may lamang gamit ko. Ang sabi niya kanina ay may pupuntahan kaming malayo.

Puro dumadaan na sasakyan ang nakikita ko at nang huminto siya sa paglalakad ay nakitang may maraming batang tulad ko na naglalaro. “Sa’n tayo, ‘Ma?” ang tanong ko pa.

“Nasa playground tayo. Tara,” at muli akong hinila palapit sa maraming batang nagkukumpulan. Inupo niya ako sa may bench at saka pinagmasdan. Ilang ulit niya pang hinaplos ang buhok at pisngi ko saka nagpaalam na may pupuntahan sandali. “S-sandali lang ako, Kenan. Babalik din agad si Mama.” Pagkatapos ay itinabi sa akin ang maliit na bag.

“Hihinta