49 Guide

I DID NOT feel any better the following days. Masakit na masama pa rin ang loob ko sa lahat ng mga nangyari at kapalpakan ko sa Institute of Magis. Kahit anong pilit at gustuhin kong maging mahusay sa pagma-magic ay hindi ko pa rin magawa-gawa iyon.

“Ge, mamaya na ‘yan. Kumain ka naman muna, oh,” aya sa akin ni Deon pagkabalik niya ulit ng kwarto namin.

Habang hawak-hawak pa rin ang ballpen ko ay napapikit ako sabay hilot ng sentido ko. “Third periodical na namin. Kailangan kong mag-focus. Gustong-gusto ko nang pumasa this time.”

“Ge, naiintindihan naman kita. Pero sana ay huwag mo namang pabayaan ang kalusugan mo. Kailangan mo ring kumain. Mas marami kang maaalala at maiintindihan kung may laman ang tiya—”

Nagdilat ako ng mga mata at pinukol siya ng tingin. Bakit ba hindi sila makaintindi? Bakit ba ang kulit? Gayong nagmamadali na nga ako nang ganito ay saka pa sila magiging ganito ka mapil