KABANATA 24

ASHLEY

UMAYON NAMAN ang lahat ng plano nila ni Ria. Pumayag kaagad si Dr. Lee na dalhin si Ebo sa China para masuri. Nagpadala si Dr. Lee ng mga staffs na maghahatid kay Ebo at nakasama siya kay Ria. Bigla tuloy siyang nasabik makita si Eya. Napag-alaman din nila na nakikipag-ugnayan na rin si Dr. Lee sa ibang malalaking bansa. Natuklasan kasi ng mga siyentipiko na triple ang lakas ni Eya sa isang Grizzly Bear at sa isang Oxen.

"Napatay daw ni Eya ang isang Grizzly Bear ng isang suntok lang," kuwento ni Ria. Nai-kuwento rin lang din ito kay Ria ng isang staff. "At--walang kahihirap nito hinuli ang isang Oxen at kinakin niya," dugtong pa ni Ria.

Namangha siya. Hindi niya alam na ganoon kalakas si Eya. Napasulyap sila kay Ebo na tahimik lang na nakahiga habang nakatali ang kamay at paa nito.

"At saka ang usap-usapan yata na dadaan ng training sa US Army si Eya, gagastusan ito ng Amerika pero malakas na tumatanggi ang Unit