KABANATA 38

ASHLEY

PINAIKOT niya ang paningin upang mapagmasdan ang kabuuan ng mansyon na pag mamay-ari ni Eda. Ang sabi nito katamtaman lang ang bahay nito pero mukhang iba yata ang katamtaman na salita para kay Eda.

Napalaki ng mansyon nito. Halos malula siya sa magagandang muwebles sa loob ng mansyon nito. Hinila siya ni Eda patungo sa salas. Basag ang salamin ng bintana at nagkalat ang mga bubog sa paligid.

"Upo ka, Ashley. Pasensya ka na sa kalat," inimuwestra ni Eda ang isang pang-isahan na upuan para makaupo siya.

Tahimik naman na naupo siya. Namamangha pa rin siya sa ganda at laki ng mansyon ni Eda. Dinaig pa ang White House. Matapos kasi siyang lumabas sa hospital, malugod siyang inaya ni Eda na pansamantalang tumira sa bahay nito. Hindi na kasi siya maaari bumalik sa inuupahan niyang apartment dahil sa kagagawan ni Eya at Ebo.

"Feel at home, Ashley. Pamilya ka na namin mag mula ngayon." Masayang turan ni Eda.

"Ha? Pamilya?"

"Oo, a