KABANATA 39

ASHLEY

TAHIMIK lang siya nagmamasid kay Eda. Sobrang busy kasi nito sa paghahanda sa nalalapit nilang kasal ni Eya. Garden wedding ang napili niya at sa likod ng Glendridge Mansion gaganapin ang kasal nila ni Eya sa darating na linggo.

"Maganda ba ang mga pinili kong bulaklak, Ashley?" magiliw na tanong ni Eda sa kanya habang hawak-hawak nito ang mga puting rosas.

Masayang tumango naman siya. Nagkalat ang mga puting rosas sa paligid. Iyon kasi ang ginawang dekorasyon ni Eda at ng wedding planner na inupahan nito. Wala na nga siyang iba ginawa kun'di ang sumang-ayon sa mga gusto ni Eda. Mas tuwang-tuwa at sabik pa ito kaysa sa kanya. Pero magkagayon man, wala naman siyang kontra.

Tutal gastos naman ni Eda ang lahat, kahit anong pilit niya kasi na makihati sa gastos ay ayaw nito pumayag kaya hinayaan na lamang niya ito. Sinabihan din siya ni Eda na parating ang gagawa ng kanyang wedding gown upang sukatan siya.

"I'm so excited! Lahat ng employee