الفصل الثالث

الفصل الثالث ♡

في القصر…

وصل باسل وسادن.

الحراس فتحوا البوابة فورًا، فدخلوا بالسيارة.

أوقفوا العربية… ونزلوا ببطء.

وقفوا لحظة… تبادلوا نظرات سريعة، ثم تنهدوا بخوف واضح.

كانوا على وشك الدخول…

لكن فجأة، سمعوا صوت سيارة أخرى.

لفّوا في نفس اللحظة…

لتظهر سيارة رامي وهي تدخل من البوابة.

توقفت، ونزل رامي بسرعة، واتجه نحوهم.

قال باسل بنبرة جامدة:

"كنت فين؟"

رد رامي بصوت مهزوز:

"هقولك… بس أبيه رائف… أنا خايف أوي."

باسل بلع ريقه وقال بصوت منخفض:

"يلا ندخل… وربنا يستر."

دخل الثلاثة… والخوف واضح في كل خطوة.

رنّوا الجرس…

فتحت الخادمة "نوال".

سألها سادن بصوت متوتر:

"أبيه رائف فين يا نوال؟"

أجابت بهدوء:

"كلهم في الصالون يا بيه."

نظر سادن لإخوته… وتنهدوا جميعًا قبل أن يدخلوا.

—

في الصالون…

كان رائف جالسًا، يمسك هاتفه، ملامحه جامدة بشكل مقلق.

بجواره مهند ويزيد، بهدوء ثقيل…

وجاسر جالس… صامت، لكن البرود ظاهر عليه.

أما البنات… فكانوا يجلسون بهدوء، يراقبون في صمت.

دخل الثلاثة.

قال باسل بصوت منخفض:

"السلام عليكم."

رد الجميع…

ورائف رد بدون أن يرفع عينه، بنبرة خالية من أي إحساس.

اقترب باسل، وانحنى قليلًا، وقبّل يده باحترام، ثم جلس… والتوتر واضح عليه.

تبعه سادن… ثم رامي…

كلٌ منهم قبّل يده وجلس… والخوف يسيطر عليهم.

رفع رائف عينه أخيرًا… ونظر لهم نظرة ثقيلة... ثم قال بهدوء مخيف:

"كنتوا فين؟"

تنهد باسل بعمق…

هو وإخوته، رغم خوفهم، لا يستطيعون الكذب عليه.

(فهو من رباهم… حتى بعد انتقالهم للعيش وحدهم كان دايما بيزورهم.)

قال باسل بصراحة، وصوته مهزوز:

"كنت قاعد مع أصحابي يا أبيه."

نقل رائف نظره إلى رامي وسادن، وقال بنفس النبرة الباردة:

"وانتوا؟"

رامي رد بسرعة، وكأنه يريد إنهاء الموقف:

"وأنا كنت مع أصحابي."

تحولت نظرة رائف إلى سادن…

جسم سادن ارتعش بوضوح، وصوته خرج متقطعًا:

"ك… كنت مع صاحبتي."

سكون…

نظر له رائف نظرة جامدة قاتلة… ثم رجع بظهره للخلف، بدون تعليق.

لكن مهند لم يصمت... قال بغضب واضح:

"يعني إيه مع صاحبتك دي؟"

سادن بص له… دموعه بدأت تنزل من شدة الخوف، لكنه لم يرد.

جاسر تدخل بغضب أكبر:

"يعني إيه مع صاحبتك؟!"

سادن نظر لهم جميعًا… كأنه محاصر.

مهند اقترب خطوة، صوته ارتفع:

"رد يا سادن!"

انهار سادن أخيرًا، وصوته خرج متقطعًا مع دموعه:

"أنا… أنا مصاحب بنت… وبنتقابل… بس والله مرتين بس… النهارده… ومرة قبل كده."

قال جاسر بغضب شديد:

"وإحنا من إمتى بنصاحب بنات؟! مش عارف إن ده حرام؟!"

سادن هز رأسه بسرعة، ودموعه بتزيد:

"أنا آسف… والله مش هقابلها تاني… وهبعد عنها."

مهند صوته بقى أعلى، وغضبه واضح:

"طب عملت كده ليه من الأساس؟! مش عارف إنه غلط؟!"

جسم سادن بدأ يرتعش بعنف…

يزيد لاحظ…

وبص لرائف، اللي كان لسه ساكت… ملامحه جامدة بشكل مرعب.

بص لمهند وقال بنبرة أخف:

"اهدى يا مهند…"

لكن مهند تجاهله تمامًا، وقرب من سادن بغضب… ورفع إيده كأنه هيضربه—

وفجأة…

صوت رائف خرج…

هادئ… لكنه أخطر من أي صراخ:

"إيـــدك."

تجمد مهند مكانه... الخوف مرّ في عينه للحظة… ونزل إيده فورًا.

لف ببطء… وبص لرائف... أول ما عيونه قابلت عيونه…خفض نظره للأرض فورًا.

رائف وقف في وسط الصالون، عيونه جامدة، برود قاتل يملأ المكان…

بص لجاسر بنظرة تخنق:

"متعودين إنهم يخرجوا… وحضرتك متعرفش مكانهم ولا هما فين؟"

جاسر اتجمد، بص لباسل ورامي، ثم رجع يلتفت لرائف بتوتر شديد… ومردش.

رائف ضحك بسخرية جافة:

"رد يا جاسر باشا… يا اللي عايز تعيش معاهم لوحدكم … تعرف إن كل يوم بيخرجوا بعد الجامعة؟"

جاسر اتصدم…

باسل ورامي بصوا له بعيون مليانة خوف وصدمه… من معرفتة بكل حاجه رغم انه مش عايش معاهم.

جاسر بتلعثم:

"يعني… إيه… بيخرجوا كل يوم؟"

رائف ببرود قاتل وسخرية:

"المفروض أنا اللي أعرف."

جاسر بص لباسل ورامي… هم على طول نزلوا عيونهم بخوف وندم.

جاسر بص لرائف بتوتر:

"م… معرفش."

رائف رفع صوته، كل كلماته سكاكين:

"لي؟"

جاسر بتوتر شديد:

"لي إيه؟"

رائف ببرود قاسي:

"متعرفش لي… مش المفروض إنك كبير كده وتعرف تتحمل المسؤولية؟"

جاسر نزل عينه، كسره وحزن واضحين على وجهه.

رائف بسخرية شديدة:

"لا… ارفع عينك كده وكلمني زي الرجالة. يا ترى تعرف عن الرجولة حاجة يا جاسر باشا… ولا أعلمك؟"

جاسر قبض على يده بقوة، رفع عينه، وبص له مباشرة.

رائف ببرود أكبر:

"أيوه… كده نعرف نتكلم. قولي بقا… انت تعرف إن رامي باشا بيقابل أصحابه الفاشلة زيه وبيشربوا سجاير… والله وأعلم إيه تاني غير السجاير؟"

رامي رفع عينه… بصدمه كبيرة، وجسمه اترعش بعنف.

مهند وجاسر ويزيد بصدمه…

"يعني إيه؟"

رائف بص لمهند ويزيد وقال بنظرة مرعبة:

"متدخلوش في الكلام."

الاتنين نزلوا عيونهم فورًا، وهزوا راسهم بخوف شديد.

رائف لف لجاسر وقال ببرود مرعب:

"هااا… يا جاسر باشا تعرف؟"

جاسر بص له بصدمه… وبص لرامي وقال بصوت مكسور:

"إنت بتعمل كده؟"

رائف بسخرية قاتلة وبرود:

"لا… أنا بكدب."

وبص لرامي:

"رد عليه يا رامي."

رامي رفع عينه ببطء… ودموعه نزلت بخوف شديد.

جاسر بانفجار:

"رد علياااا!"

الكل اتخض بشدة من صوته …

ورامي جسمه اترعش بعنف شديد، ووقف مرعوب.

رائف بص للبنات ببرود شديد:

"اطلعوا فوق."

الاتنين هزوا راسهم وطلعوا أوضهم.

رائف قرب من جاسر، وقال بصوت منخفض لكنه مرعب:

"صوتك علي تاني."

جاسر بقى زي البركان، عينه ولعت غضب، صوته خرج جامد، كله حدة:

"يعني انت مش سامع اللي بتقوله؟! يعني إيه بيشرب سجاير… وإيه اللي غير السجاير ده؟!"

خطواته كانت بتدق الأرض كل خطوة بغضب، قرب من رامي، قبض على دراعه بقوة رهيبة، ومسكه بعنف لدرجة إن كل مفصل في دراعه اتوتر.

رامي صرخ بألم شديد، دموعه انهمرت من عينيه:

"درااعي… يا أبيه… هيتكسر!"

جاسر شد عليه بقوة أكبر… كل عضلة في جسمه متوترة، صوته صار أقرب للصراخ:

"بتشرب إيه يااااالا ؟"

جاسر شد عليه بعنف غير طبيعي، كأنه بيحاول يكسر إرادته قبل جسده…

رامي صرخ بأعلى صوته، صوته يقطع الصمت، جسده كله يرتعش:

"آآآااه… دراعي… يا أبيه… سيبني… هيتكسر !"

جاسر ماسك دراعه بإحكام لا يصدق، وجهه أحمر من الغضب، أنفاسه تتقطع، صوته صار كاللهيب:

"لو متكلمتش… هكسره بجد! قولي… بتشرب إيه ياااا رامي؟"

رامي صارخ، دموعه والوجع واضحين في كل نظرة:

"مش… مش بشرب غير السجاير… وممكن يجيبوا خمر… وبيشرب معاهم…"

جاسر شد على دراعه كأنها الحديد، ورامي يصرخ بصوت يشق أذن المكان، دموعه تنهال بغزارة، جسده كله مقهور من شدة الألم والرعب…

باسل ويزيد ومهند واقفين في صدمة، قلبهم بيدق بعنف…

وسادن ماسك نفسه، عيونه مليانة رعب…

ورائف؟ واقف، عيونه قاتلة، برود مطلق يملأ المكان كأنه يراقب تنفيذ حكم الموت.

فجأة، مهند فاق من صدمته، جسمه اتحرك بغضب غير طبيعي، قرب من جاسر بخطوات ثقيلة وسريعة، وكل خطوة كانت بتدق الأرض كأنها صاعقة.

بضربة عنيفة، ضرب جاسر ودفعه بقوة

رامي ماسك دراعه ودموعه انهمرت بغزارة، صوته مختنق من الألم

مهند صرخ بغضب شديد، صوته يملأ المكان:

"انت اتجننت؟! إيه اللي بتعمله ده؟!"

جاسر، وجهه محمر من الغضب، التفت بسرعة ناحية سادن، قرب منه بعينين ملتهبتين… وسادن تراجع للورا، جسمه كله مرتعش، خوفه ظاهر في كل حركة.

وفجأة، جاسر وقف قدام سادن، ضربه قلم بقوة، ضربة حادة… صرخة سادن انفجرت من الألم:

"آآآه…!"

جاسر صوته صار كاللهيب، عيناه مليانة غضب لا يوصف:

"قلة الأدب دي مش عندنا… ياويلك لو عرفت انك لسه تعرف البنت دي ورحمة امي لموتك ف ايدي ؟ فاااهم؟"

سادن، جسده يهتز من الرعب، دموعه تنهال بغزارة، صوته يرتجف:

"فااهم… والله فااهم!"

رائف ببرود قاتل، صوته بارد كالجليد:

"خلصت؟"

الصمت حلّ المكان كالقبر، كل العيون متعلقة برائف، والهواء أصبح ثقيلاً كأن كل نفس محسوب.

جاسر التفت وبصره يترنح من الغضب والخوف.

رائف كرر بصوت أعمق، ببرود أشد:

"خلصت؟"

جاسر أخيراً فاق من نوبة غضبه، نظراته استقرت على رامي، الذي كان ماسك دراعه، ودموعه تتساقط بغزارة، كل جسده مرتعش.

رائف بسخرية قاتلة، كأنه يتلذذ برؤية الخوف:

"تعالى يا جاسر… نتكلم جوا."

وتركه ودخل المكتب بخطوات ثابتة، برود قاتل يملأ المكان.

مهند، عينيه ملتهبتان بالغضب، همس بحدة:

"يارب يموتك يا حيوان."

جاسر، جسمه كله خوف، دخل وراء رائف، خطواته مترددة ووجهه شاحب.

مهند نظر لرامي، تنهد بعمق، وقرب منه بهدوء نسبي:

"تعالى اقعد يا رامي… ولو مخفش لبكرا، نروح نكشف عليه… هو أكيد متكسرش."

رامي جلس، دموعه تنهمر ووجهه مشدود من الألم، ومهند اتنهد بغضب شديد. يزيد وباسل تبادلا النظرات، كل واحد فيهم يشعر بثقل اللحظة، ثم جلسوا بصمت ثقيل، وسادن واقف بخوف شديد.

♥︎♥︎♥︎♥︎♥︎♥︎♥︎♥︎

داخل المكتب، رائف واقف، جسمه جامد وعيناه كليهما في جاسر الذي كان واقفاً برعشة خفيفة، رأسه منخفض.

رائف اقترب ببطء، برود يقتل كل حرارة حوله، وقف أمام جاسر، فجأة مسك دراعه تناه بقوه ورا ضهره.

صرخ جاسر بعنف، ألم يتخلله خوف:

"آآآه…!"

رائف بصوت واطي ومرعب، كأن الكلمات نفسها تهدد الحياة:

"طول مانا عايش… ايدك متتمدش على إخواتك."

جاسر، جسده كله ارتعاش، صرخ:

"ح… حاضر… بس سيب دراعي… لو سمحت!"

رائف شد عليه أكثر، بصوت ساخر يمزق صمت المكان:

"واسيبه لي؟ محضرتك كنت هتكسر دراع أخوك…وماعملتش احترام للبقف اللي واقف، بس أنا مش هسيبه غير وهو مكسور يا جاسر!"

شدّ على دراعه بعنف لا يطاق، وجاسر صرخ، دموعه تتساقط بغزارة، الألم يسيطر عليه… فعلاً كان على وشك أن ينكسر، لكن رائف فجأة تركه.

جاسر ماسك دراعه، وجهه مشدود من الألم والخوف.

رائف ببرود قاتل، كلماته تقطع الهواء:

"المرة الجاية هكسره بجد… بلاش تعاند معايا يا جاسر. لو جبت أخري… مش هيعجبك. طول ما أنا عايش وموجود… أوعي تفكر تمد إيدك على إخواتك أو تحاسبهم. إنتوا كلكم بالنسبالي عيال مالكمش أي لازمة ومهما كبرتوا مش هتكبروا عليا … ومتقلقش، حسابكم كلكم جاي… بس كله في وقته. يلا… اخرج برا."

جاسر التفت ببطء، غضب مكتوم يملأ صدره، ماسك دراعه ألم شديد… خرج من المكتب بخطوات ثقيلة، كل خطوة كأنها تصرخ بالغضب والرهبة.

خرج، نظراته تمر على الجميع… مهند يحدق فيه بغضب متفجر، يزيد ببرود قاتل، باسل بهدوء مشحون، وسادن ورامي بأعينهم مليانة خوف شديد، كلهم صامتون… الصمت وحده كان يقتل...

بصلهم بغضب مكتوم وطلع اوضته.

♥︎♥︎♥︎♥︎♥︎♥︎♥︎♥︎♥︎♥︎

في المساء…

كانوا كلهم قاعدين…

الصمت مسيطر، تقيل… خانق…

كل واحد فيهم حاسس إن أي كلمة ممكن تشعل الجو من تاني.

رامي قاعد بهدوء نسبي، ماسك دراعه أحيانًا، الألم خف شوية… لكن الخوف لسه في عينه.

جاسر قاعد على الكنبة، ملامحه مشدودة، غضب مكتوم بيغلي جواه… وإيده لسه بتوجعه، بس مفيش صوت… ولا اعتراض.

الباقيين قاعدين في صمت…

ووسطهم… رائف.

قاعد بثبات غريب، برود قاتل، كأنه مش محتاج يتكلم عشان يفرض سيطرته… وجوده بس كفاية يخلي الكل ساكت.

ليان بلعت ريقها، توتر خفيف باين عليها، وبصت له:

"أبيه رائف…"

رائف رفع عينه عليها ببطء… نظرة واحدة بس خلتها تتوتر أكتر.

ليان بصت لجُمان بسرعة، وكأنها بتاخد منها شجاعة، وبعدين رجعت تبص لرائف، وقالت بتوتر واضح:

"الجامعة… طالعة رحلة… ممكن نروح؟ بعد إذن حضرتك…"

رائف فضل باصص لها لحظات… وبعدين نقل نظره لجُمان.

الاتنين بصوله بخوف واضح… مستنيين حكمه.

مهند فجأة اتكلم بعصبية:

"لا طبعًا مينفعش—"

مكملش…

نظرة واحدة من رائف خلت صوته يختفي.

رائف بص له بنظرة مرعبة، وقال بصوت واطي… لكن يخوّف أكتر من الصراخ:

"طول ما أنا قاعد… يبقى تخرس."

سكت لحظة… عينه لسه فيه:

"وأنا منستش اللي عملته… وحسابك جاي."

مهند نزل عينه فورًا، صوته خرج مكسور:

"أنا آسف."

رائف سابه… كأنه مش مستاهل حتى الرد.

وبص لليان تاني، وقال بهدوء مرعب:

"فين الرحلة؟"

ليان عيونها لمعت فجأة بفرحة، اتكلمت بسرعة ولهفة:

"في الغردقة يا أبيه… يومين بس والله! ولو حضرتك خايف علينا… ممكن حد ييجي معانا."

رائف فضل ساكت شوية… بيبصلهم، كأنه بيقيم كل حاجة…

ثواني عدت… بس كانت تقيلة عليهم كلهم.

وأخيرًا… تنهد بهدوء، وقال:

"ماشي… روحوا."

الصدمة والفرحة ظهرت على وشهم في نفس اللحظة.

لكن كمل، بصوت حاسم:

"وسادن يروح معاكم."

عينه اتحولت لسادن.

سادن اعتدل فورًا، وقال باحترام شديد:

"حاضر… اللي حضرتك تشوفه."

ليان وجُمان قاموا تقريبًا من مكانهم من الفرحة، صوتهم طالع بحماس طفولي:

"شكراً! شكراً أوي يا أبيه!"

رائف هز راسه بهدوء… وابتسامة خفيفة جدًا عدّت على ملامحه… اختفت بسرعة… لكن كانت كفاية تغيّر الجو للحظة.

يزيد كان قاعد جنب جاسر…

لمحه بطرف عينه… لاقاه ماسك دراعه بإيده التانية، ومغمض عينه بقوة… ملامحه متشددة من الألم.

قلب يزيد وجعه عليه… الحزن مرّ في عينه بوضوح.

مال عليه شوية، وقال بصوت واطي، فيه قلق واضح:

"مدهنتش حاجة عليه؟"

جاسر فتح عينه بصعوبة، صوته طلع متقطع من الوجع:

"مش قادر… حتى ألمسه بيوجعني أوي… مش قادر أحركه."

يزيد اتنهد بحزن، وبص لدراعه:

"طيب لما نطلع… هاجي أدهنلك حاجة عليه."

جاسر بلع ريقه، وقال بصوت فيه قلق حقيقي:

"حاسس… إنه اتكسر."

يزيد هز راسه بهدوء، وقال وهو بيحاول يطمنه:

"طب حركه كده… بالراحة."

جاسر حاول… حرك دراعه ببطء شديد… اتألم، ملامحه اتشدت… بس قدر يحركه.

يزيد بص له بهدوء وقال:

"طالما عرفت تحركه… يبقى مش مكسور. هو غالبًا اتك عليه جامد بس."

سكت لحظة… وبعدين كمل بنبرة أخف:

"نطلع ندهن عليه حاجة… ولو مخفش، نروح نكشف عليه."

جاسر اتنهد بوجع، وهز راسه:

"ماشي…"

يزيد حاول يخفف الجو، ابتسامة خفيفة ظهرت على وشه، وقال بنبرة فيها هزار:

"عشان تتأدب بقى… وتحترم نفسك قدامه. ده عامل زي دراكولا يا عم… محدش بيقدر عليه."

جاسر ضحك ضحكة خفيفة رغم الألم…

بس سرعان ما اختفت… واتنهد بعمق، صوته بقى فيه ندم واضح:

"والله ما كنت أقصد… إنت عارف أنا بحب رائف قد إيه وبحترمه… ده هو اللي رباني."

سكت لحظة… وبص بعيد، وقال بصوت أهدى:

"بس غصب عني… ساعات مبعرفش أسيطر على غضبي."

يزيد اتنهد، وخبط على كتفه بخفة، بابتسامة بسيطة:

"حصل خير… وهو شوية وهيهدى."

بصله بنظرة فيها فهم:

"على قد قسوته… بس بيحبنا… وبيخاف علينا… وإنت عارف كده كويس."

جاسر هز راسه، وتنهد تنهيدة طويلة:

"عارف… ونفسي يسامحني."

يزيد رد بهدوء:

"متقلقش… كل حاجة هتتحل."

سكت لحظة… وبعدين قال بنبرة أخف:

"بس صالح رامي بقى."

جاسر وشه اتغير، الغضب رجع يظهر في عينه، وقال بحدة مكتومة:

"لا… مش هكلمه."

سكت لحظة… وكمل بضيق:

"خليه في القرف بتاعه… مش كفاية جابلي الكلام."

يزيد اتنهد بعمق… وبص قدامه من غير ما يرد… سايب الصمت يتكلم بدل الكلام.

بعد شوية…

رائف قال ببرود قاتل، صوته منخفض لكنه أمر لا يُناقش:

"يلا… اطلعوا ناموا. ومش عايز سهر يا باسل… فاهمني طبعًا؟"

وأنهى كلامه بنظرة مرعبة استقرت على باسل… نظرة كفيلة تخليه ينسى حتى يفكر يعترض.

باسل بلع ريقه بخوف واضح:

"ح… حاضر."

رائف وقف…

وفي لحظة، الكل وقف وراه فورًا باحترام شديد، وكأنها عادة متجذرة فيهم.

لف من غير كلمة تانية… وطلع أوضته بخطوات هادية، لكنها تقيلة وهيبة بشكل يخنق الجو كله.

الصمت ساد بعده…

يزيد كسر الصمت، بص لجاسر بهدوء:

"تعالى يا جاسر… نطلع نشوف دراعك."

جاسر رد بهدوء متعب:

"ماشي…"

وطلعوا الاتنين سوا…

مهند بص للبنات، صوته هادي لكنه حازم:

"يلا… اطلعوا."

ردوا بسرعة:

"حاضر…"

وطلعوا بهدوء.

مهند بص لرامي وباسل وسادن نظرة سريعة…

وبدون كلام… لف وطلع هو كمان، ببرود واضح.

فضلوا التلاتة واقفين…

لحظة صمت غريبة… مليانة تفكير وتوتر.

باسل قرّب شوية، وصوته نزل واطي:

"متيجوا نخرج؟"

رامي بصله بصدمة، وبسخرية تقيلة:

"آه طبعًا… وبدل ما يبقى دراع بس… يبقى دراع ورجل، صح؟"

سكت لحظة وبصله بجدية وخوف:

"المرادي أبيه رائف هيكسر رجلي بجد."

باسل اتنهد بضيق، وحاول يقنعه:

"يا عم مش هنتأخر… والله هنرجع بسرعة، ومحدش هيعرف حاجة."

سادن سأل بتردد، وهو لسه قلقان:

"هنروح فين أصلًا؟"

باسل ابتسم بحماس خفيف:

"أصحابي مستنييني… هيودونا مكان جامد، يلا بقى!"

رامي وسادن بصوا لبعض…

نظرة مليانة تردد وخوف… لكن فيها فضول برضه.

رامي قال بقلق واضح:

"أنا مش مطمّن يا باسل…"

باسل رد بسرعة، بإصرار:

"متقلقش… نص ساعة ونرجع، ولا كأننا خرجنا أصلًا."

سادن خد نفس عميق، وقال بتردد:

"م… ماشي."

باسل ابتسم بانتصار:

"يلااا!"

خرجوا بهدوء شديد…

كل خطوة محسوبة… كل حركة فيها حذر، وكأنهم بيهربوا مش بيخرجوا.

عدّوا من القصر من غير ما حد يحس… وركبوا عربية باسل… والباب اتقفل… وانطلقت العربية في هدوء الليل…

من غير ما أي واحد فيهم يدرك… إن الخطوة دي… مش مجرد خروجة... دي بداية لمصيبة… هتغير كل حاجة. 🔥

♡♡♡♡♡♡♡♡

وصلنا لنهاية الفصل... مستنيه آراءكم وتوقعاتكم للاحداث الجايه. رايكم يهمني وتشجيعكم بيفرحني وبيفرق معايا جدااا.