الفصل العاشر

ف هذا اليوم ستتغير حياه كلا من الابطال فلن تعود مره اخري كما كانت .... 

عند غزال التي تجلس ف انتظار عمها حتي تخبره بقرارها ... واخيرا .. قالتها وهي تري سياره عمها تدخل البيت فذهبت لاستقباله 

عامر .. عامله ايه ياناهد 

ناهد .. انا بخير .. طمني عليك انت ياعامر شكلك تعبان قالتها والحزن تملك منها علي حال زوجها 

عامر .. مش قولتلك بطلي تقلقي علياا .. انا بخير وهبقا احسن وكل حاجه هتتحسن قريب 

ناهد .. وهي تبتسم لزوجها الحنون .. طول مانت موجود كل حاجه وقتها هتبقي كويسه 

عامر .. قام بامساك يد زوجته 

غزال .. التي تدخلت كالاعصار وقالت انا موافقه ياعمي 

ولم تمر الثواني ووجدت كلا من عمها 

وزوجته يضحكون عليها بشده 

عامر .. وهو يضحك .. ايه ياغزال الداخله دي 

ناهد .. شبه دخلت المباحث بالظبط 

غزال .. والتي شعرت بالحرج .. اسفه بس يعني كنت عاوزه حضرتك تعرف قراري 

عامر .. قالها مانا عارف القرار .. وجيت علشان اخدكو القصر علشان الفرح بكره .. واكمل بنبره جديه بس ف حاجه لازم اكلمك فيها الاول 

غزال .. ايه هي 

ناهد .. يابنتي ماتبقيش مستعجله كده علطول اقعدوا وانا هعملكو حاجه تشربوها وتتكلمو براحتكو 

عامر .. تعالي ياغزال نقعد 

غزال .. وما ان جلست حتي قالت .. خير ياعمي ف ايه 

عامر .. وهو يبتسم .. مافيش فايده فيكي هتفضلي مستعجله علطول 

وعموما ياستي انا هقولك واريحك .. دلوقت انتي بالليل هتتجوزي سيف .. وما ان نطق اسمه حتي شعر بخجلها .. فابتسم بداخله واكمل .. هتتجوزي علي انك كادي وده الي الكل هيعرفه .. بس قبل الفرح بالليل هتكتبوا كتابكو باسمك الحقيقي غزال 

غزال .. وهي فهمت مايقوله عمها جيدا .. انا فهمت قصدك ياعمي بس ازاي جت ف بالك الفكره دي 

عامر .. لان ده الصح انتي غزال ابنه اخي ولازم تتجوزي باسمك الحقيقي وهويتك الحقيقه علشان الجواز يبقا شرعي 

ناهد .. وهي تحمل الصنيه .. اتفضلوا 

عامر .. انتي لسه فاكره ياناهد ده احنا خلصنا كلام 

غزال وعامر وهم يضحكون .. وناهد تتطلع لهم بغضب .. وتحدثت بقا كده ياعامر .. ابقا شوف مين هتعملك العصير بعد كده .. وتركتهم وذهبت .. وعامر مستمر ف ضحكه 

غزال .. عمي 

عامر .. نعم يابنتي 

غزال .. بتوتر حضرتك لسه بتحبها حتي بعد السنين دي كلها 

عامر .. ومش هبطل احبها لحد مااموت وربنا ياخد امانته .. دي مش مراتي ولا حبيبتي ولا ام عيالي وبس .. دي الوحيده الي بتسندني لما اقع .. والي بتستحملني مهما اعمل .. انا ببقا مطمن علشان عارف انها هتفضل موجوده جنبي سواء قراري غلط او صح 

غزال .. ربنا يخليكو لبعض .. وف نفسها تتسأل ايوجد حب يدوم برغم السنين والاخطاء والالم والحزن .. وتتمني ان تصبح ف يوم هي وسيف هكذا 

عامر .. جهزوا نفسكوا يلا علشان هنطلع علي القصر 

............................................................. 

وعند اسيل التي قضت ليلتها ف البكاء علي حالها بحضن كلا من ابيها وامها فهي اخره ليله لها ف منزلها وتتذكر ماحدث امبارح عند عودتها للمنزل

Flash back

ادم .. اسيل                                                     

اسيل .. لايوجد رد منها                                       

ادم .. اسيل وهو يهزها بعنف .. بقالي ساعه بنادي            عليكي 

اسيل .. ليه خير                                              

ادم .. وصلنا بيتك ولا انتي حابه تفضلي معايا اوي كده ونطلع علي بيتنا 

اسيل .. والتي تنظر له بحقد وكره .. وفتحت باب السياره وهرعت للخروح ولكن وجدت من يمسك يدها ويحذرها ان تخبر احد ماحدث .. وما ان نزلت وجدت ابيها وامها ف انتظارها ويباركون لها 

صالح .. اتفضل يااادم بيه 

هدي .. مبروك يابنتي .. الف مبروك ياادم بيه 

ادم .. مافيش داعي للالقاب .. احنا بقينا اهل يااستاذ صالح 

صالح .. طيب اتفضل جوا نقعد ونتكلم 

ادم .. للاسف انا عندي شغل ومش هينفع اتأخر اكتر من كده .. بس اكيد هنقعد ونتكلم المره الجايه .. وبعدين انا اتفقت مع اسيل علي كل حاجه ..هو ينظر لها .. مش كده يااسيل ولا ايه 

اسيل .. اه يابابا احنا اتفقنا علي كل حاجه ومافيش داعي للكلام 

صالح .. خلاص الي تشفوه ..المهم انكو متفقين 

ادم .. بعد اذنكم انا بقا 

صالح .. اتفضل يابني ..بس المره دي مش محسوبه 

Flash back

هدي  .. اسيل يابنتي مالك من ساعه ماجيتي امبارح وانتي سرحانه ودموعك بتنزل لوحدها ومش راضيه تتكلمي ولا تقولي حاجه 

اسيل .. انا كويسه ياماما بس مش مصدقه انه خلاص همشي من البيت واروح بيت تاني وهسيبكو 

صالح .. انا بس عاوز افهم ليه ادم بيه مستعجل علي الجواز كده في جواز بيتقرر ف يوم وليله .. ثم اكمل بنبره شك وحزن علي ابنته .. انتي عاوزه الجوازه دي بجد يااسيل .. لو مش عاوزه قوليلي ماحدش يقدر يجبرك علي حاجه 

اسيل .. ايه الكلام ده بس يابابا .. اكيد طبعا موافقه بس الموضوع حصل بسرعه اوي 

هدي .. طيب نكلمه يابنتي ونقوله ان ماينفعش يقرر حاجه شبه دي بسرعه ولازم تاخدي وقت قبل جوازك 

اسيل التي تتمني ان تخبرهم ماحدث ولكن كيف ذلك .. فحتي ان فعلت ستظل زوجته ولن يصدقها احد ان الجواز حدث بدون ارادتها 

ايسيل اختها .. ياجدعان مش كده بقا يخربيت الدراما .. ده فرح يعني رقص ودلع وشخلعه مش عياط ومناديل وقرف 

هدي .. بكره نشوفك وانتي ماشيه من هنا 

ايسيل .. امتي بقا .. مش هتجي يافارس احلامي قالتها بنبره هائمه 

صالح .. لاء هيجي ان شاءالله بالحصان الابيض ويدوسك بيه ويخلصنا 

ليضحك الجميع بما فيهم اسيل التي نسيت مايحدث للحظه .. ليرن جرس الهاتف حتي يعلن وصول السياره التي سوف تاخدها هي وعائلتها للقصر 

...................... ............. .....................

وف القصر .. الذي يبدوا عليه التجهيزات الواضحه ف حديقه القصر .. ويوجد الكثير والكثير من العمال وبعض الصحافين يقفون بالخارج .. لتفتح بوابه القصر ويدخل عمار وزوجته وغزال .. وبعد وقت ليس بالكثير تدخل سياره اسيل وعائلتها وتلتقط الصحافين بعض الصور 

وف الطابق الاخير من القصر وهو طابق ادهم المخصص له ولزوجته 

ادهم .. افتحي الباب ياملك وبطلي شغل العيال ده من وقت ماجينا امبارح انتي دخلتي الاوضه وقفلتي  الباب وسيبتك براحتك .. ومش معني كده انك تزوديها .. لان ابسط حاجه ممكن اعملها اني اكسر الباب فوق دماغك دلوقت 

ملك .. مش هفتح الباب ده والي عندك اعمله

ليسود الجو الصمت فتشعر هي بالخوف من القادم ولم يمر دقادئق حتي وجدت من يكسر الباب بقدمه ويدخل كالاعصار 

ادهم .. انتي مش ناويه تعقلي شكلك وانا صبري ليه حدود معاكي .. فبعد كده الي اقوله يتنفذ احسنلك انتي فاهمه 

ملك .. والتي بدءت بالتألم من ضغطه علي ذراعها 

فاهمه .. بس سيب دراعي 

ادهم .. الطابق ده هيبقا بتاعنا والجناح الي قاعده فيه ده هيبقا خاص لينا .. ودلوقت الفستان والي هيجهزوكي هيطلعوا .. فياريت تعقلي وتسمعي الكلام 

ملك .. جناح قالتها بصووت منخفض ثم اكملت .. ماكنش تنين مجنح يولع فيك واخلص منك 

ادهم .. الذي سمعها كالعاده .. قال اسمها بصوت ارعبها .. ملك 

ملك .. ايه .. هو انا قولت حاجه .. انا ماقولتش حاجع .. انت سمعت حاجه طيب .. اكيد ده خيالك بس مش حقيقي 

ادهم .. الذي يبتسم بداخله علي تلك الصبيه وافعالها ليسمع الخادمه تستأذن للدخول 

ادهم .. ادخلي 

الخادمه .. ادهم بيه .. الفستان وصل و بيستأذنوا حضرتك علشان يطلعوا يجهزوا الهانم .. وسيف بيه وادم بيه ف الطابق الي تحت مستنين حضرتك 

ادهم .. تمام .. اتفضلي دلوقت 

ادهم .. ليوجهه كلامه لملك .. انا هنزل وهبعتلك الي تحت ومش عاوز مشاكل وشغل جنان 

ملك .. اكيد طبعا ياادهم بيه 

ادهم .. لينظر لها نظره شك وتحذير ويتركها ويخرج 

.......... ............. ............ .......................

                                                             

وليمر الوقت ف تجهيز المكان وتحضير الابطال لانفسهم فلبس كلا من ادهم وادم وسيف البدله السوداء واصبحوا ف غايه الوسامه ولم يخلو الوقت من المزاح وغيره حتي انهم شعروا بالسعاده التي لم يشعروا بها من فتره طويله ونسوا ان كل هذا تمثيلا وليس حقيقيا .

اما عند الفتيات فملك لبست فستان ضيق وواسع قليلا من اسفل لتصبح مثل حوريه البحر 

اما غزال التي لبست فستان ضيق من عند الصدر لينسدل بعد ذلك بوسع مما جعلها تشبه الاميره ف حكايه سيندريلا 

اما اسيل التي لبست فستان ف غايه الرقه والبساطه ويليق بها حقا فكان ضيق من فوق وينزل لينساب علي جسدها برقه ويرسم عليه فرشات ليجعلها تشبه الملاك البرئ 

      

واخيرا انتهت التجهيزات وجاء وقت اللقاء لينتظر العرسان اسفل الدرج نزول كلا منهم عروس

ته ليري كيف اصبحت بذلك الفستان الذي اختاره كل واحدا منهم لعروسته