الفصل السادس: عروس بلا فرح… وقلب أسير 💔

رواية تضحية مريم

بقلم الكتياب نوها ابو كي

الفصل السادس

يا أحمد… إنت ناوي تعمل إيه؟! هتجوز بنتك؟ وهي ما شافتش عريسها؟!

أحمد ما كانش بيضحك المرة دي، نظراته كانت جامدة وصوته حاد:

— العريس هو يوسف، ابن أخويا… ومريم بنتي، وأنا اللي بقرر إيه الأنسب لها.

زينب قربت خطوة وقالت بعصبية:

— يعني عشان إنت أبوها، من حقك تمنعها تشوفه؟!

أحمد لف وشه وقال ببرود:

— مفيش داعي تشوفه… هي هتشوفه يوم الفرح وبس. لا نقاش ولا اعتراض.

لف حاله وهو بعيد عنها وقال بصوت قاطع:

— أنا رايح دلوقتي… جهزي البنت. عايزاها تبقى حلوة قدام الناس في عرسها.

وترك زينب واقفة عيونها متسمّرة، وقلبها مولع من الوجع…في الشقة — اللي ما دخلناهاش قبل كده — كان أحمد ممدد على السرير، وجنبُه زوجته سلمي قاعدة قريب منه.

صوته كان مشحون بالحنين وهو بيقول:

— اشتقتلك يا سلمي.

سلمي ابتسمت بلطف وردّت:

— وأنا كمان اشتقتلك، أحمد.

بس بعد شوية، نبرة صوتها اتغيرت فجأة، وبقت فيها شوية حدة وقلق:

— أحمد… عملت إيه ببنتك؟ ناوي تزوجها ليوسف؟

عينا أحمد لمعة بنظرة طموحة، وقال بثقة:

— لازم أزوجها ليوسف… كده هعمل اسم لنفسي. إنتِ عارفة إن اسم يوسف مشهور جدًا في البلد، ولما يبقى صهري، أكيد هكسب في الانتخابات.

سلمي اتشدّت شوية، وبصت لأحمد بعيون فيها قلق وغضب مختلط:

— أحمد… إنت فاكر إنك تقدر تلعب بمستقبل بنتك عشان مصالحك؟! ده مش حقك!

أحمد ضحك بسخرية بسيطة وقال:

— مصالح؟ لا يا سلمي… ده ذكاء! لما يبقى يوسف صهري، كل حاجة هتبقى في صالحي.

سلمي قامت من مكانها، وقفت قدامه وهي ماسكة إيديها بعصبية:

— أنا مش هسمحلك تعمل كده… مريم مش لعبة ولا ورقة انتخابية!

أحمد نظر لها بنظرة حادة وقال:

— هتتفهمي لما تشوفي النتيجة… كله محسوب! ومحدش يقدر يوقفني.

سلمي ضمت شفايفها، وحست بغصة كبيرة في قلبها… كانت عارفة إن المواجهة دي لسه أولها، وإن اللي جاي أصعب وأقسى.مر أسبوع، وجاء يوم الفرح…

القصر كان متزيّن من فوق لتحت، ورود، شموع، أضواء، موسيقى ناعمة، والناس داخلة وراجة، وكل حد مبسوط… بس العريس؟

يوسف كان قاعد لوحده في أوضته، البدلة عليه مرتّبة، بس وشه متجهم، ما فيش أي لمعة فرح. قدامه أوراق شغل، كأنه هربان من اللحظة… كأنه العرس مش بتاعه.

دق الباب…

دخلت أمه عليا، ابتسامتها كبيرة، بس قلبها شايف حاجة مش طبيعية في ولدها.

عليا (بحنية):

— مبروك يا حبيبي… عريسنا الحلو.

يوسف (بيرد من غير ما يبص لها):

— الله يبارك فيكي.

عليا:

— إمتى هتروح تجيب العروسة؟ الناس كلها ناطرتك…

يوسف (ببرود):

— مش هروح أجيبها… أبوه أحمد هو اللي هيجيبها.

عليا شهقت من المفاجأة:

— إيه ده يا يوسف؟ إنت عايز عمك أحمد يروح يجيب العروسة؟!

يوسف نزل عيونه على الأوراق:

— أيوه… أحمد باشا هو اللي هيجيب بنته.عليا (صوتها بيرتجف):

— بس يوسف… دي عروستك إنت! إزاي يعني كده؟! هتقولي للناس إيه؟! فين رجولتك؟!

يوسف (بهمس مليان قهر):

— أنا ما ليش أي قرار في الفرح ده… لا مين، ولا إزاي، ولا حتى ليه. كل حاجة كانت مجهزة قبلي… وأنا بس بلعب دور العريس.

عليا سكتت، وقفت قدام ابنها كأنه غريب عنها…

بصت فيه وقالت:

— الله يسامحك يا معتز… قتلت الفرح بعينين ابنك.

وطلعت من الأوضة، ودموعها نزلت وعيونها مليانة ألم وحزن…بالمزرعة، مريم كانت لابسة فستان العرس الأبيض،

وشها منور، والفستان مزين بأناقة، بس عيونها فيها قلق

وقفت والدتها زينب جمبها، بتبص للفستان بيديها، وعيونها بتلمع من الفرح والحنية،

حضنت مريم بقوة وبستها على جبينها وقالت:

— يا عيوني… يا بنتي… يا زينة البيت ده.

مريم بصت لأمها بنظرة كلها تحدي وقالت:

— يا ماما… بوعدك، مش هسلم نفسي لأي حد، ومش هبقى زي اللي كانوا قبلنا… زي اللي ربطتهم القيود وطاعوا الظروف.

زينب ابتسمت ومسكت إيدها:

— مريم، وعديني تفضلي قوية، ومش تسمحي لحد يحطك في مكان أقل منك

مريم ردّت بحزم:

— وعد مني يا ماما… أنا مش هبقى طايعة، أنا هكتب قصتي بنفسي… مهما حصل.زينب طلعت من الأوضة وقالت:

— أنا هطلع أشوف الضيوف وأطمن عليهم.

مريم ردّت بهدوء:

— طيب، يما.

مريم قعدت على السرير، وعيونها بتتراقص بين المرآة اللي قدامها، ونظراتها مليانة حيرة.

بدأت تسأل نفسها بصوت واطي:

— أنا ضحية ولا عروسة؟

مش عارفة مين أنا…

هل اليوم ده هو يوم فرحي اللي حلمت بيه،

ولا هو يوم موتي، بيسرق مني حياتي؟

هل الفرح ده عيد… ولا جنازة لروحي؟

الدموع بدأت تتجمع في عيونها، بس كمان كان في عزيمة جواها ما بتخليش قلبها يذبل…بره، قدام باب المزرعة،

كان أحمد واقف مع حارسه، ملامحه جامدة زي الحجر،

ما باين عليه لا فرح ولا حزن.

طلعت زينب من جوه، وشها فيه ابتسامة، وسألته:

— فين العريس؟ ليه ما جهش؟

أحمد رد ببرود:

— العريس مش هيجي. أنا اللي هاخد مريم معايا.

زينب شهقت، ودموعها غمرت خدودها:

— إنت بتقول إيه يا أحمد؟!

ما شافهاش، ما حكيتش معاه… حتى في يوم فرحه ما هيجي ياخد عروسته؟

زي المخطوفة… حتى حق تشوفه ما لهاش؟!

أحمد شد حواجبه، وصوته جامد من غير أي رحمة:

— ده اللي حصل… ما تزوديش كلام.

جيبي بنتك… خلينا نخلص.

زينب حست الأرض بتهتز تحت رجليها…

بس ما كانش بإيدها حيلة…مريم كانت لسه قعدة على السرير،

دخلت والدتها وقالت لها:

— يلا يا مريم… جه الوقت نروح.

مريم وقفت، وطلعوا مع بعض من الأوضة.

وصلوا للباب، وهناك مريم اتفاجئت إن أبوها هو اللي هيودّيها على الفرح.

بصّت لأمها مستغربة، بس دموعها غلبتها وما قدرتش تمسك نفسها.

ركبوا العربية وتوجهوا ناحية الفرح…بعد شوية وصلوا للفرح،

نزلت مريم وأبوها، وهو ماسك إيدها بإحكام.

زينب كانت وراهم، ماشية بسرعة تحاول تلاحقهم.

جوا القصريوسف وأبوه وكل العيلة كانوا مستنيين العروس.

يوسف كان مركز ومستني عروسته، ووشه متجهم

دخل أحمد القصر ومريم حاطّة طرحتها على وشها، كأنها بتحاول تحمي نفسها من كل العيون اللي حواليها…يوسف اتقدم ومسك إيد عروسته من أحمد.

بعدها تم عقد القران وكتابة الكتاب، والناس بدأت ترقص والجو كله فرح وبهجة.

بس يوسف ما بصش على مريم، ومريم كمان ما لفتتش له أي نظر،

رغم إن كل الناس حواليهم محافظين على أجواء الفرح والسرور…اقترب عمر من يوسف، اللي كان واقف ساكت جنب مريم اللي قاعدة بهدوء، كأنهم غريبين عن كل اللي حواليهم.

قال له عمر بنبرة حماسية:

— يلا يا عريس… خُد عروستك وارقص بيها!

لكن يوسف فضّل ساكت، ما اتحركش، وما نطقش بكلمة.

أما مريم، فكانت حاسة ببرودة غريبة، كأن هوء شباك مفتوح بيخترق قلبها.

حست كأنها محبوسة في زنزانة، في قفص مش عارفة هي دخلت فيه إزاي، ولا هتقدر تخرج منه إمتى…