١٠

تدق الساعة السادسة مساءً.

يرن جرس الباب.

يتجه ريان لفتحه، وبمجرد أن يراه يبتسم.

"أهلًا أستاذ قاسم."

يبتسم الأستاذ قاسم ويدخل إلى المنزل، فيجد الجميع بانتظاره.

ينظر إليهم بهدوء.

"واضح إنكم مستعدين."

تجيبه لارا بثقة:

"أكيد."

لكن قبل أن يبدأوا...

تقاطعهم ماريا.

"لين كانت عاوزة تتكلم معاك."

يلتفت الأستاذ قاسم إلى لين.

"بخصوص اللي حصل امبارح؟"

تهز لين رأسها.

"لا... حاجة تانية."

يبتسم الأستاذ قاسم بهدوء.

"اتفضلي، أنا سامعك."

تتردد لين للحظات، ثم تبدأ في الحديث:

"من وقت ما أتممت ١٠ سنين... فيه حلم بيتكرر دايمًا معايا."

يصمت الجميع ويستمعون إليها.

"قاعه كبيرة... فيها أشخاص شكلهم مشوش، مش باين منهم أي حاجة غير لبسهم الأسود."

تتوقف قليلًا وكأنها تحاول تذكر التفاصيل.

"بيهمسوا بهمسات غريبة مش مفهومة... ملفوفين حوالين طاولة عليها شخص مقيد... وكان بيصرخ، تقريبًا بيتعذب."

ما إن أنهت لين كلامها...

اختفت الابتسامة الهادئة من وجه الأستاذ قاسم.

ظل صامتًا لثوانٍ.

انخفضت عيناه إلى الأرض، وكأنه استعاد ذكرى قديمة كان يتمنى ألا تعود أبدًا.

كانت لحظة صمته كافية لتجعل الجميع يدرك أن الأمر ليس مجرد حلم عادي.

ثم قال بصوت هادئ:

"مهما سمعتي... ومهما حصل... قاومي."

تنظر إليه لين بقلق.

"يعني ده مش مجرد حلم؟"

يصمت الأستاذ قاسم قليلًا قبل أن يجيب:

"لا."

ترتفع أنظار الجميع إليه.

يكمل:

"لكن حقيقته هتبان ليكي بالتدريج."

ثم ينظر إلى لين بجدية.

"بس لازم تقاوميهم. متخليهمش يسيطروا على عقلك... ده اللي هما عاوزينه."

تصمت لين.

كانت تحاول فهم معنى كلماته، لكن كل إجابة كانت تفتح بابًا لأسئلة أكثر.

تلتفت لارا إلى لين في صمت.

لأول مرة تعرف أن صديقتها عاشت ثماني سنوات وهي تستيقظ على نفس الكابوس...

ثماني سنوات تحمل هذا الخوف وحدها، ولم تخبر أحدًا.

بعد لحظات، يستعد الأستاذ قاسم للمغادرة.

تسأله ماريا باستغراب:

"مش هنبدأ التدريب؟"

يبتسم الأستاذ قاسم ابتسامة بسيطة.

"مش النهارده."

ثم يوضح:

"أنا كنت جاي أبلغكم إن الأستاذ يعقوب طلب مني نأجل التدريب شوية."

يصمت للحظة.

ثم ينظر إلى لين.

تبادله لين النظرة، وكأن كلًا منهما يحاول فهم ما يخفيه الآخر.

وبعدها يخرج الأستاذ قاسم، تاركًا خلفه صمتًا مليئًا بالأسئلة.

يظل الأصدقاء جالسين في أماكنهم.

لم يتحدث أحد للحظات.

كان الجميع ينظر إلى الآخر، ما زالوا تحت تأثير الصدمة مما سمعوه عن حلم لين.

كان من الصعب عليهم تصديق أن حلمًا تكرر معها لثماني سنوات لم يكن مجرد كابوس عادي.

يحاول ريان كسر الصمت:

"إحنا محتاجين نعرف عن الظلال أكتر... عشان نعرف إحنا بنواجه إيه."

تضحك ماريا محاولة تخفيف التوتر:

"بلاش تكرر اسمهم كتير عشان ميظهروش ليك في الحلم... أو يمكن في الحقيقة كمان."

يضحك كريم وآدم.

ينظر إليهما ريان بضيق.

"مش وقت هزار."

لكن لين، التي كانت تنظر إلى الأرض بصمت، تتحدث بهدوء:

"بس هي مش بتهزر."

يتوقف الجميع وينظرون إليها.

يسألها ريان:

"يعني إيه؟"

ترفع لين عينيها إليهم وتكمل:

"ظلال الليل عندهم قدرة على تتبع أي شخص يكرر اسمهم أو يتكلم عنهم باستمرار... خصوصًا لو كان هدفهم."

يصمت الجميع.

"ولما بيوصلوله... يا إما بيعذبوه... يا إما..."

تتوقف للحظة.

ينظر إليها آدم بقلق.

"يا إما إيه؟"

تضحك ماريا بسخرية.

"مفاضلش غير الموت."

ثم تضيف بنبرة ساخرة:

"وده تقريبًا الخيار المفضل عندهم."

تتسع عينا ريان.

"يا نهار أبيض."

تتابع لين:

"الظلال في زمن مش بعيد كانوا حكام الأرض."

يصمت الجميع ليستمعوا.

"لكن فسادهم وشرهم خلّى الإيلاريون والسحرة والعنقاء ومصاصي الدماء وحراس الطبيعة والمستذئبين والنوريون يعقدوا اتفاق... إنهم لازم ينهوا حكمهم مهما كان الثمن."

يرفع آدم رأسه عندما يسمع الاسم.

"الإيلاريون... مش الاسم ده بردو القائد قاله؟"

يجيبه ريان:

"أيوه فعلًا... بس مين دول؟"

تنظر ماريا إلى الجميع وتبدأ بالشرح:

"الإيلاريون... اسم سلالة قديمة جدًا."

تصمت قليلًا.

"الكتب والأساطير بتقول إنهم كانوا من أقوى السلالات السحرية، وفي ناس بتؤمن إن أغلب السلالات الحالية انحدرت منهم."

تضيف لارا:

"وكمان في أسطورة بتقول إن ليهم وريث."

تنظر إلى لين ثم تكمل:

"لكن مين هو... أو هيظهر إمتى... محدش عارف."

تقول لين بهدوء:

"دي كل المعلومات اللي عرفناها عن الإيلاريون وظلال الليل."

تفكر لارا للحظات ثم تقول:

"أنا شايفة إننا نستخدم اسم بينا كأنه شفرة لما نحب نتكلم عنهم."

ينظر كريم إليها.

"صح... أنتم من حيث معرفتكم القوية بيهم اقترحوا اسم."

يسود الصمت قليلًا.

يفكر الجميع.

ثم تقول لارا:

"الغربان."

ينظر إليها آدم باستغراب.

"اشمعنى؟"

تنظر لين إلى الفراغ للحظات، ثم تجيب:

"لأنهم دايمًا بيظهروا قبل الخراب."

يسود الصمت مرة أخرى.

لكن هذه المرة لم يكن صمت خوف فقط...

بل كان إدراكًا بأنهم أصبحوا يواجهون شيئًا أكبر بكثير مما تخيلوا.