١١

بعد انتهاء حديث الأصدقاء، يخرج آدم لزيارة والده ووالدته.

يبقى الآخرون معًا في المنزل.

تنظر لين حولها ثم تقول:

"أنا هروح أقعد في الحديقة الخلفية... عندي حصص عاوزة أدونها."

تغادر لين المكان وتتجه إلى الحديقة.

لكن عيني كريم تظلان معلقتين بها حتى تختفي عن نظره.

يبتسم ريان بسخرية.

"قوم اقعد معاها بدل ما أنت بتبص من بعيد لبعيد كده."

يضرب كريم جبهته بإحراج.

"ريان..."

يرفع ريان يديه بسرعة.

"إيه ده، معلش... نسيت إنهم قاعدين."

تضحك ماريا.

"مفيش مشكلة... كلنا ملاحظين."

ينظر إليها كريم باستغراب.

"ملاحظين إيه؟"

ترد لارا بابتسامة هادئة:

"ده حتى لين مش بعيد تكون ملاحظة."

ينظر ريان إلى كريم ويضحك.

"للدرجة دي عينيك فضحاك؟"

يمسك كريم وسادة ويضربه بها.

"اسكت يا بني بقى."

يضحك ريان ثم يقول:

"طب تفتكروا لين رأيها إيه؟ عن نفسي مش هتلاقي أحسن من كريم."

تنظر ماريا إليه بسخرية.

"هتوبه."

ينظر كريم إليها.

"قصدك إيه؟"

تجيب لارا:

"لين شخصية كل تفكيرها في المذاكرة. هي شايفة إن الحب والارتباط مضيعة للوقت."

تصمت قليلًا ثم تضيف:

"أو يمكن لسه مقابلتش الشخص اللي يقدر يخليها تحبه."

تضحك ماريا.

"آخر واحد قالها إنه معجب بيها... مسابتهوش غير لما أقنعته إن الحب هيدمر مستقبله، وهيضيع وقته في الفاضي."

يضحك ريان، لكن كريم يصمت.

كان يشعر بشيء غريب عندما سمع أن هناك شخصًا آخر أعجب بها من قبل.

إحساس لم يفهمه تمامًا.

وفجأة...

يفتح الباب.

يدخل آدم بسرعة، ويبدو عليه القلق.

ينهض كريم فورًا.

"فيه إيه يا آدم؟"

يجلس آدم للحظة وكأنه يحاول ترتيب كلامه.

ثم يسأل:

"فين لين؟"

في تلك اللحظة تدخل لين من الحديقة وتنظر إليه باستغراب.

"فيه إيه؟"

ينظر آدم إليها بجدية.

"أنا قابلت الغربان وأنا جاي في الطريق."

تتغير ملامح الجميع.

تقول ماريا:

"طب وإيه المشكلة؟ كده كده فيه تعاويذ حماية علينا، مش هيقدروا يشوفونا."

يصمت آدم للحظات.

ثم يقول:

"التعويذة مفعولها راح... أو حد قدر يكشفها."

تتجمد ملامح لارا.

"إيه؟ إزاي؟ التعويذة دي مفعولها بيكون طويل."

ينظر آدم إليهم.

"لكن قالولي أبلغك رسالة."

يصمت قليلًا.

"قالوا إن الوقت بينفذ... ولو رفضتي، رفضك هيكون تمنه الموت والخراب."

يسود الصمت.

يقول ريان بثقة:

"مش هيقدروا يعملوا حاجة."

لكن ماريا تقاطعه بعصبية:

"لا، هما بردو قالولي نفس الكلام تقريبًا."

تنظر إلى لين.

"قالولي لو لين منفذتش طلبهم... هيقتلوها."

يصدم الجميع مما سمعوه.

لكن لين تظل هادئة.

لم يظهر عليها الخوف.

فقط تفكر.

تسأل بهدوء:

"مين ممكن يكون أبطل مفعول التعويذة؟"

يرد ريان:

"محدش يعرف حاجة عن التعويذة دي غير إحنا... والأستاذ قاسم."

يصمت الجميع.

ثم يقول آدم:

"ما يمكن الأستاذ قاسم هو اللي أبطل مفعولها."

تتغير نظراتهم.

لا أحد يريد تصديق هذا الاحتمال.

تقول لارا بصوت منخفض:

"تفتكروا...؟"

ولا يكمل أحد الجملة.

لكن الشك كان قد ظهر في عقول الجميع.

لأول مرة...

بدأوا يتساءلون إن كان الخطر الذي يواجهونه يأتي فقط من الغربان...

أم أن هناك شخصًا آخر أقرب إليهم مما يتخيلون.

نظر الأستاذ قاسم إليهم بجدية.

"أنا هوصلكم للبيت... عشان أطمن إنكم بخير."

يأخذهم الأستاذ قاسم معه، ويذهبون جميعًا إلى المنزل.

بعد وصولهم، يقول:

"الأستاذ يعقوب قالي إن التدريبات هتبدأ من بكرة."

ثم ينظر إلى الساعة.

"هاجي بكرة الساعة ٢."

وقبل أن يغادر، يلتفت فجأة نحو كريم.

تتلاقى نظراتهما للحظات.

كان هناك شيء غريب في تلك النظرة...

كأن بينهما حديثًا لا يسمعه أحد سواهما.

ثم يبتسم الاثنان بهدوء.

يخرج الأستاذ قاسم من المنزل.

لكن لين كانت تراقب ذلك المشهد.

تلك النظرات لم تمر عليها مرورًا عاديًا.

لماذا ينظران لبعضهما هكذا؟

هل يعرف كريم شيئًا ويخفيه؟

لكنها تقطع أفكارها سريعًا.

كريم مجرد طالب في مدرسة التكنولوجيا... لا يعرف شيئًا عن عالمهم إلا منذ أن قابلهم.

تحاول إقناع نفسها بذلك.

لكن عندما يلمح كريم نظرات الشك في عينيها، يظهر عليه بعض التوتر.

يقول بسرعة:

"أنا هروح أنام شوية."

يزداد شك لين.

لماذا غادر بهذه السرعة بعد أن لاحظ نظراتها؟

لكن قبل أن تفكر أكثر، يقول ريان:

"عندك حق... إحنا لازم نرتاح كلنا."

يصعد الأصدقاء إلى غرفهم.

تمشي لين في الممر وهي شاردة الذهن.

كانت تحاول ترتيب كل الأحداث في عقلها.

الظلال.

الكتاب.

كلام الأستاذ قاسم.

ونظرات كريم الغامضة.

لم تنتبه حتى إلى كريم وهو يمر بجانبها.

"لين."

تنتبه فجأة.

"أيوه؟"

ينظر إليها كريم بقلق.

"أنتِ كويسة؟"

تجيبه بهدوء:

"أيوه."

تستدير لتغادر، لكنها تتوقف فجأة.

تلتفت إليه.

"هو أنا ممكن أسألك عن حاجة؟"

ينظر إليها باستغراب.

تكمل:

"أنا مش قصدي أتدخل... لكن إيه سر النظرة اللي بينك وبين أستاذ قاسم؟"

يصمت كريم للحظة.

ثم يبتسم محاولًا إخفاء توتره.

"واضح إنك بعد الأحداث الأخيرة بقيتي بتفكري في كل حاجة حواليكي... حتى لو كانت بسيطة."

ينظر إليها مطمئنًا.

"ارتاحي. الأيام الجاية محتاجة كل تركيزك."

ثم يغادر.

تبقى لين واقفة مكانها، تنظر إلى ظهره وهو يبتعد.

لم تقتنع تمامًا.

يدخل كريم غرفته.

يغلق الباب خلفه، ثم يستند إليه للحظات.

يأخذ نفسًا عميقًا ويقول لنفسه بضيق:

"يا ربي... دي أخدت بالها فعلًا."