الفصل الثاني

الفصل الثاني

تنهد حاتم، وهو يشعر بالحيرة مما يحدث لابن عمه، وظل يحاول تهدئته لعدة دقائق

وبعدين، مش معقول بنت صغيرة تعمل فيك كل ده اهدي شوية، في إيه؟ دي بنت، افهم بقى. وبعدين أنت كمان أهنتها، البنت ورجالتنا فعلًا غلطانين، كل واحد فيهم زي الطور

حازم بغضب وانفعال، وهو يتحرك ذهابًا وإيابًا، ثم يقف ينظر إلى الرجال بغيظ، فانحنت رؤوسهم في خجل شديد

حاول أن يهدأ قليلًا، لكنه لم يستطع

عارف إنهم غلطانين، وحسابهم معاهم بعدين؛ لأني أنا ماخدتش بالي كانوا قدامي لو شوفت الهانم أم لسان طويل، كنت منعت الحرس يقربوا منهم  لكن أنا مشغّل معايا بهايم فعلًا، كل واحد منهم زي الطور

جابولي الكلام من عيلة شبر ونص

ليحاول الهدوء

يا الله، دي مش بنت عادية زي البنات، دي قنبلة موقوتة من الغباء ومغرورة في نفسها أوي، فاكرة نفسها مين دي؟ ده أنا ما أستنطفش أشغّلها عندي خادمة

وهو يغتظ أكثر، يحدّق بها، وحاتم يحاول أن ينهي الموضوع بسرعة حتى لا يأخذ حيّزًا أكبر

طيب، اهدي بس، وبطّل تغلط فيها. وبعدين دي بنت صغيرة يا حازم، ورجليها شيلها. لسانها آه، طويل حبتين تلاتة، بس صغيرة برضه وإنت شايف بعينك، وبعدين إنت كان ردك عليها مستفز بصراحة

ليتقدم حازم نحوه، رافعًا سبابته في وجه حاتم، واحمرّت عيناه أكثر

أنا عارف إنها بنت، بس لسانها وردّها عصبوني وبعدين أنا حر يا سيدي، أرد الرد اللي يعجبني

ضغط على أسنانه بغيظ، والشرر يتطاير من عينيه

وأنا هعرّفها الشبر ونص دي إزاي تتكلم معايا بالطريقة دي تاني، سبني بقى أعلّمها الأدب وأربيها من أول وجديد، وأقص لسانها الطويل ده بطريقتي، عشان تعرف أنا مين، وتتعلّم تحترم نفسها بعد كده

وبمكر شديد، يفكر

وشفايفها الحلوة دي، هعرّفها تقول آسفة بطريقة حازم العدوي، وهي بتترجّاني إني أسيبها

أسيل، وهي تحاول إبعاد منّة عن الطريق بعد استماعها لكلام حازم، وهو يتحدث بصوت عال حتى تسمع

شفتي سكوتك؟ وعاميلك السودة عشاني تخليني اسكت، سامعة بيقول علينا إيه؟ أنا قليلة الأدب ومش متربية، وعاوز يربيني من أول وجديد، وعاوز يقص لساني شايفة وسامعة يا بنت كوثر؟ ومش عايزة تقفي جانبي يا جزمة! وشايفة البيه بيغلط فيا عشان بدافع عن نفسي؟

وهي تصرّ على أسنانها بغيظ

أسيل: أنا عايزة أخد حقي منه، ده متكبر أوي

منه وهي تتنهد بنفاذ صبر

عايزني أتحشر؟ آه يا أسيل، وماله؟ يا ختي أتحشر ونولّعها نار! اسكتي يا ستي، أنا راضية خلينا نخلص ونرجع بيتنا بخير، بلاش نولّع الدنيا، خدتي حقك وزيادة حبتين، إنتِ اديتي الراجل في جنابه، عاوزة إيه تاني؟

وهي ترمقها بعين حانقة وتزفر

اتهدي بقى يا مجنونة، عشان الموضوع يخلص اتلمي، أبوس إيدك!

وهي تنظر رجال حازم ببعض التوتر والخوف

يا بنت المجنونة، هنتعلّق النهارده بسبب لسان أمك الطويل ده! اتهدي يا بنت عفاف إنتِ، شايفة التيران دول؟ هيقرقشوا عضامنا! إحنا تلاتة، لمّي لسان أمك الطويل ده بقى، وعدي الموضوع على خير

أسيل بحنق وسخرية، وهي تنظر إليها بحنق، وقد احمر وجهها أكثر

منة ابعدي عن وشي، عشان أنا هنفجر في ابن الورمة ده! ده بيقول عليّا أنا مش متربية!

لتُخرج أسيل رأسها، وهي تشبّ وتحاول إزاحة منة عن طريقها، وبنبرة متعالية

إنت اللي هتربيني يا مغرور؟ كنت ربي نفسك الأول، واحترمت اللي قدامك، وبعد كده تعال كلّمني، ده أنا متربية سبع مرات!

منّة، بخوف وقلق، وهي ترى الاثنين حانقين، تفكر:

على إيدي وربنا، تربية ما يعلم بيها إلا ربنا،يا لهوووي! لو سبناهم على بعض، هيولّعوا في بعض وفي المستشفى!

وهي تعود من شرودها

اهدى يا جزمة! إنت مش شايفة التيران دي؟ هتاكلنا! بيبصوا علينا إزاي بإشارة واحدة من إيده؟ هنتسوح يا ماما! الله يخرب بيتك، لمّي لسانك وما تغلطيش فيه أكتر من كده، الراجل سمع بما فيه الكفاية، وخدتي حقك منه بلسانك الطويل ده، عايزة إيه تاني؟

اشتعلت عينا حازم بلهيب الغضب الجارف

ابعد يا حاتم، مش قادر! البت دي هتجنّني رسمي بكلامها، وأنا معنديش صبر لها

توجه نحوها، وهو يحدق بها بحنق أكبر، يكاد ينفجر غيظًا

أنا عايزك تغلطي، اغلطي! وخليني أخرج عن شعوري أكتر. أنا بجد عندي إحساس غريب النهارده، من ساعة ما شوفتك، إني عايز أموت حد!

هزّت أسيل رأسها وهي تتعمد استفزازه وتحديه، غير عابئة بغضبه، وقالت بسخرية

وريني يا مغرور هتعمل إيه! هات آخرك، أنا مش خايفة منك

انفعلت منة وهي تمسك بها بقوة حتى لا تفلت من يدها، وقالت بسخرية لاذعة

بتقوليله هات آخرك يا بنت كوثر؟! يالهوي! ده واحد يتقاله هات آخرك يا جزمة قديمة! بتتخنقي إنت وابن أختك على الناصية!

ازداد حقده وانفعاله، ولم يعد يدري ماذا يفعل من شدة الغضب، فصاح فيها

إنتِ بنت مجنونة وغبية! ما عندكيش عقل! وهتشوفي آخرى دلوقتي ما تقلقيش

احمر وجهه من شدة الغضب، وكاد يفقد السيطرة على نفسه، فصاح وهو يلوّح بيده يريد قتلها

أوعي من وشي يا أمي! يا حاتم، للصبر حدود، وأنا انتهى عندي! هقتلها وأخلص منها،إيه حرقة الدم دي؟! خلتني زي العيل واقف أتخانق مع بت شبر ونص ويتحرق دمي! هي حصلت لكده؟! أبقى أنا حازم العدوي اللي بيتهزلي شناب بجبهم تحت رجلي، وحتة بت قد عقله الصبح تقف قدامي وتغلط فيا؟! وديني لخليها تندم!

لوحت أسيل بيدها في وجهه بسخرية، بينما أمسكت بها منة ودنيا خوفا مما قد تفعله، وقالت أسيل بصوت ممتعض، وهي تتعمد استفزازه أكثر

أيوه، أنا مجنونة وهتشوف جناني على أصوله

ثم أشارت إليه بإصبعها من أعلى لأسفل، وقالت بتهكم

أنا عقلة صباع؟! طب بص لنفسك الأول وإنت زي الطور، إنت واللي معاك!

وقف حازم يحاول تهدئة نفسه، ويتحدث إلى نفسه، يكاد يجن

اهدى يا حازم، دي بنت! إيه اللي حصلك؟ سيبها تتكلم، دي مجنونة

ويزفر، يحاول كبت غضبه ليحاول الهدوء وإنهاء الأمر

يعني تهزقني قدام الناس وتقولي عيلة؟ صغيرة هتجنني إنتِ كمان بكلامك! حاتم، ابعد البنت دي عن طريقي حالًا.عشان هاقتلها صدقني، أعصابي مش عارف إيه حصل لي، ومش قادر أتحكم في نفسي، لو ما تحركتش من قدام عيني، مش عارف ممكن أعمل إيه فيها،هصور قتيل هنا  البنت دي أول ما شوفتها عصبتني

ليرمقه فادي باستغراب من رد فعل حازم، فهذه أول مرة يراه بهذا الشكل.

في تلك اللحظة، تقدم فادي  من حازم وأمسك بذراعه محاولًا إبعاده قليلًا عن أسيل

حازم كفاية، إنت مش كده، اهدا

سحب حازم ذراعه بعصبية، وقال من بين أسنانه

أنا هادي  بس البنت دي مستفزة بشكل مش طبيعي

ضحك فادي بسخرية خفيفة، محاولًا تخفيف حدة الموقف

واضح إنك هادي جدا، لدرجة إنك  على وشك تعمل جريمة قدام الناس

رمقه حازم بنظرة حادة جعلته يتراجع خطوة، ثم أخذ نفسًا عميقًا وأغمض عينيه للحظات

أنا مش فاهم أنا مالي النهارده

في ذاك الوقت

نظرت دنيا إلى أسيل بقلق

أسيل، اهدى بقى كده، عشان الموضوع ما يكبرش أكتر من كده، أرجوك. وبعدين كده هنتأخر أوي، الأستاذ مش هيعتذر  خلينا نمشي، الناس بتتفرج علينا

تداخل فادي بسرعة وهو يقترب من أسيل، بصوت هادئ محاولًا احتواء الموقف قبل أن يزداد سوءًا

يا آنسة، أرجوكِ بلاش نكبر الموضوع، وبلاش غلط

قالت بعناد

هو اللي بدأ، وأنا مش هسكت له لا غلطان وكمان شتمني

تنهد فادي وهو يحاول تهدئتها

عارف، بس مش وقته الناس كلها بتتفرج علينا، أنا بعتذر لكِ بالنيابة عنه حازم ورجالتنا هم الغلطانين فعلًا، لأنهم وقعوكم في الأرض، ومحدش حاول يساعدكم. يا ريت تقبلي اعتذاري، لأن اللي بيحصل دلوقتي من شد وجذب وصوت عالي مش هينفع. حازم وإنتِ في حالة غضب، وهتولعوا في المكان، والناس بتتفرج علينا، ومش هينفع كل ده علشان إحنا في مستشفى، وفي مرضى، وما ينفعش الأسلوب ده هنا

وصدقيني، حازم مش كده زي ما إنتِ فكره، وأول مرة يخرج عن شعوره بالطريقة دي، فأرجوكي إنك تهدي وإحنا هنحاول ننهي الموضوع، وأنا بعتذر لكِ مرة تانية

نظرت إليه أسيل بضيق، ثم عادت بنظرها إلى حازم، الذي كان يقف أمامها وملامحه مشدودة من شدة الغضب

ليبتعد حاتم ويأخذ حازم بعيدًا عن المكان. وقف يحدق بكل غضب وانفعال

اصبري علي، أنا جبان ومغرور وغبي؟ حسابك تقل أوي يا شبر ونص

أومأ برأسه، يتخيل ما سيفعله بها إن أمسك بها بين يديه، وفي نفسه

اصبري عليَّ يا شبر ونص، أنا هخليكي تصرخي وتبكي ندم عمرك.

يتبع