الفصل الرابع

الفصل الرابع

ثم سحبتها من ذراعها بخفة، وهي تتجنب النظر ناحية فادي تمامًا، لكن قلبها كان قد بدأ يخفق بطريقة أربكتها أكثر مما تريد أن تعترف به

نظر فادي إلى دنيا، التي كانت تتجنب النظر إليه، ثم قال بهدوء

طيب، ممكن نوصلكم لأي مكان إنتوا عايزين تروحوه أو لو واحدة فيكم حاسة بوجع في أي جزء من جسمها بسبب الواقعة، نقدر نساعدكم المستشفى والدكاترة هنا تحت أمركم

هزت دنيا راسها بتوتر

لا احنا كويسين شكرا

ليقاطعهم حاتم، بلهفة وفضول شديد

إنتوا كنتوا رايحين فين؟!

ضحكت منة وهي تتذكر ما حدث

قبل الشقلبة والسحل على الأرض ده؟

لكزتها أسيل في ذراعها، بينما أجابته دنيا بهدوء

جايين نزور

غمزتها أسيل، فتوقفت دنيا عن الكلام، وشعرت بالتوتر، لتتدخل منة سريعًا وتكمل بنبرة هادئة

جايين نزور مريض هنا، واحد قريب لينا

أومأ حاتم برأسه، وأشار بيده قائلًا بأدب:

ألف سلامة، ربنا يشفيه ويعافيه. طيب، تفضلوا، وفرصة سعيدة جدا

اتجهت أسيل ومنة ودنيا نحو المصعد بهدوء، بينما وقف حازم وحاتم وفادي في الجانب الآخر، بانتظار المصعد أيضًا،وقفت أسيل فجأة بثبات وثقة، ورفعت رأسها بشموخ، ثم قالت بصوت مسموع وهي تنظر للهاتف في يدها، وكأنها تتعمد أن تصل كلماتها إلى من يقف خلفها

"لا تستحقر أحدًا وترى نفسك في القمم، فكلنا من طين، والتراب نهاية كل البشر"

صرّ حازم على أسنانه بحنق، وشعر بالدماء تغلي في عروقه. زفر بقوة، وكأن النيران تشتعل في صدره، ثم تحرك ليقف أمام حاتم وفادي كالحائط، وقال بنبرة ساخرة وممتلئة بالغيظ

رايح فين يا آخر صبري؟! مش سامعين بتقول إيه؟! وحياة أمي لا، لازم أوريها البت دي فعلا قليله الأدب

قاطعه حاتم وهو يرمقه باستغراب

وإنت مالك؟ هي بتتكلم، وهي حرة! وبعدين دي مقولة بتقرها على التليفون

زفر حازم بضيق، وأخرج كل ما في صدره بانفعال

بتغيظني، إنت مش سامع؟! يعني إيه؟ أنا بستحقر الناس؟! هي قصدها إني شايف نفسي أحسن من غيري؟!

هز فادي رأسه وهو لا يصدق ما يحدث أمامه، ثم نظر إليه

مالك في إيه؟ اهدي و سيطر على نفسك شوية! أول مرة في حياتي أشوف بنت بتعمل فيك كده!

زفر حازم بضيق، ومن بين أسنانه بغيظ

دي مش بنت دي حرْقة دم!

حاتم بسخرية، وهو يرمقه بطرف عينه، يراقب نظرات حازم لها وتصرفاته الغريبة، قال

آه، ومش أي بنت دي! دي بنت زي القمر! العيون والشعر والجسم،حاجة كده كيرفي، من اللي قلبك يضرب لها تعظيم سلام، ههههه بس مرمطت بكرامة واحد صاحبي الأرض، له حق الجميل يدلع برضه، ههههه

ظل حازم يحدق بها، يرمقها بعينيه دون أن يحيد بنظره عنها، لكنه لم يعجبه حديث حاتم عنها ولا تغزله بها شعر بشيء غريب يتملكه، وكأنه لا يريد لأحد أن ينظر إليها أو يلتفت لها

قال بامتعاض وغيظ، محاولًا إخفاء ما يشعر به

لا قمر ولا حاجة! دي لا شكل ولا جسم ولا لسان ولا تربيه ،إنت بس كل ما تشوف بنت تقول عليها حلوة! ودي لا حلوة ولا نيلة من قلة الحريم حوالينا تقول على دي قمر؟!"

رأى حاتم عيني حازم تراقبها باهتمام، فابتسم بسخرية

يا راجل بقى! دي مش قمر ولا حلوة؟ تسمحلي أقولك إنك غلطان؟! ولا صحبتها حتة قشطة ملفوف عليها كريمة، ههههه، ومسيرك يا ملوخية تيجي تحت المخرطة ومش هرحمها! اما البت عليها جوز عيون ولا جسمها ملبن، بنت اللذين!"

زفر فادي بانفعال، وقال بضيق

اتلم يا بني بقى! في إيه؟ ما إحنا عارفين اللي فيها وعد هانم

نظر إليه حاتم بانزعاج وقال:

حته  انت عارف ! يا خربيتك! هو أنا مفضوح أوي  كده؟

ابتسم فادي وهز رأسه باستهزاء

لا، إنت وجامد يا خويا، وبتعرف تخبي، بس مش علينا إحنا، وبعدين خد بالك من عينك، عشان حبيبة القلب لو عرفت ممكن تخزقهم!"

نظر حاتم إلى فادي بانفعال، وقد ظهر الضيق على ملامحه

متقلقش يا كازانوفا، أنا أقريك من الصبح، وعارف عينك راحت على مين البت الساكتة الهادية اللي فيهم، متقلقش يا خويا أنا عيني على اللي وقعت في حضني صحبتهم التالته انت وشوقك معاها

ارتاحت ملامح فادي بعض الشيء، وقال بامتعاض

لا تلات ولا رابعة! أنا أصلًا كاره صنف الحريم

رفع حاتم عينيه إليه بامتعاض وقال ساخرًا

أصلًا إنت فقري، ملكش في النعمة! اسكت أحسن

ثم نظر ناحية الفتيات، وأضاف بابتسامة

بس تعرف؟ البنات دول مختلفين عن أي بنات شوفناهم قبل كده

حاول حاتم أن يعرف ما يدور في رأس حازم، فقرر أن يشاكسه أكثر، وقال بابتسامة جانبية

بس إنت شكلك معجب بيها يا حازم! جنونك وغضبك وصراخك عليها غريب،شكلك وقعت يا بطل في غرام القطة الشرسة دي، ههههه

شعر حازم بالانفعال، فقد اجتاحت عقله وقلبه بعض المشاعر الغريبة التي لم يجد لها تفسيرًا، ولم يجد أمامه سوى الغضب ليخفي بها ارتباكه،قال بانفعال:

إنت بتقول إيه؟! إنت شكلك اتجننت على الآخر يا حاتم! أنا تعجبني بت زي دي؟! مجنونة، لسانها أطول منها، متكبرة، مغرورة، مسعورة، غبية، ما تعرفش حاجة عن الأدب والاحترام! وهي مين دي أصلًا عشان أهتم بيها وأنزل لمستواها؟! مش حازم العدوي اللي يبص لبنت زيها!"

احمر وجه من شدة الغيظ، بينما شعر حاتم بفضول أكبر تجاه رد فعله، لكنه قرر ألا يضغط عليه أكثر

قال بهدوء وهو يرفع يديه باستسلام

طيب، طيب اهدي خلاص يا كبير بلاش انفعال مش عاجباك؟ خلاص! أكيد هتلاقي اللي يقدّرها بنت زي القمر،أكيد، ألف واحد يتمنى يرتبط بيها

شعر حازم بشيء غريب بمجرد أن سمع جملة حاتم، خاصة عندما أكمل

هتلاقي اللي يقدّرها بنت جميلة زي دي، أكيد مرتبطة، مش سنجل يعني

شعر حازم بالحنق، وأخذ يفكر في كلمات حاتم، وكأنها استفزت شيئًا بداخله لم يفهمه وفي نفسوا

في إيه يا حازم؟ مالك متلخبط كده ليه بسببها؟ إيه اللي حصلك؟ دي مجرد بنت عادية

زفر بغيظ، ثم تمتم من بين أسنانه:

وحياة أمي لهتشوفي أيام سودة إنتِ تعملي فيا كل ده؟! تخليني اكلم نفسي يا جزمه

ثم قال بامتعاض، دون أن يدري حتى لماذا تفوّه بهذه الكلمات، بينما لاحظ حاتم أنه لا يزال ينظر نحوها:

ممكن عينك بقى، وخليك معايا هنا، وتبطل تبص عليها يا حاتم بيه

شعر حاتم بالفعل أن حازم يتصرف بشكل مختلف، فزفر بضيق وقال:

يا ابني مالك؟ خلاص،اهدا وبعدين ملكش دعوة أبص يا سيدي مكان ما أبص. ومتقلقش، يا سيدي، أنا ما ببصش على البنت اللي في دماغك أنا في غزالة تانية بصطادها

ابتسم حاتم بمكر، ثم أضاف:

بس غزالة من الآخر حتة كده تشبع العين والقلب لا بتاعتك ولا بتاعت فادي بيه، خلاص؟ نفهم بقى وبلاش غباء!

رمقه حازم بنظرة ممتعضة، ثم نظر إليها من بعيد، وقد ظهر بعض الانفعال والغيظ في عينيه، وقال:

ولا في دماغي ولا زفت! خلتها بتاعتي؟! وأنا يوم ما أبص، أبص لها هي ،إنت اتجننت؟! وبعدين عاوز تصطاد  و وعد البدري إيه؟ مش هي حبيبة القلب؟ ولا هو كلام وخلاص؟"

تنهد حاتم بحيرة،قائل

والله ما أنا عارف! خلينا نعدّي اليوم، هلقيها منك ولا من فادي بيه  بس البت تستاهل بصراحة خطفتني بعيونها. بس ده إعجاب، أو ممكن تكون أثارت رجولتي بجمالها وبراءتها.

يتبع