الفصل التاسع عشر.... الصلح خير

(أم محمد) صباح الخير ياحاج يلا خد علاجك وافطر عشان تروح البحر

(أبو محمد) بحر أيه أنت نسيتي هنروح القسم سوا عشان تتنازلي وتخرجي أخت سهير

(أم محمد) لا ياحاج أنا كلمت المحامي هيجي معايا أنت خليك في المصلحة

(أبو محمد) وماله المحامي يكون موجود بردة لكن أنا أسيبك وسط الناس دي ازاي

(أم محمد) ياحاج هو أنت مش عارف مراتك ولا أيه أنا أسد في أي حتة

(أبو محمد) يا حاجة أنا معاك د قسم الشرطة هو أنت رايحة تتفسحي عشان تكوني لوحدك لا إنتهى الكلام يلا حضري رضعة لآيات قبل ماننزل

(أم محمد) لا ليه أنا هنده على محمد يعطيها لأمها خلاص بقى كفاية لبن صناعي ترضع طبيعي أحسن

(أبو محمد) طيب يلا هاتي علاجي عشان مش ضامنين نروح من القسم أمتى وكمان صحي فاطمة تفطر قبل ما تنزل الكلية

(أم محمد) حاضر ياحاج خد العلاج أهو محضراه من بدري أتصل بس بمحمد ينزل يأخد بنته

تمسك التليفون وتطلب محمد

الفون يرن عند محمد

(محمد) يارب خير مين على الصبح يمسك الفون يشوف الاسم يصيح أمي ربنا يستر يفتح عليها خير يا أما

(أم محمد) خير يا حبيبي تعالى خد آيات لأمها ترضعها عشان أنا نازلة مع أبوك عشان نروح قسم الشرطة

(محمد) سبيها يا أما مع فاطمة أختي

(أم محمد) مكنش يتعز يا قلبي فاطمة رايحة الكلية هي كمان

(محمد) طيب هنزل أخدها بقولك أيه يا أمه أعملي ليا كده ساندوتش على السريع أكله وأطلع آيات لأمها عشان أجي معاك

(أم محمد) لا يا حبيبي خليك أبوك جاي معايا وكمان المحامي

(محمد) ازاي يا أما تروحي القسم وأنا مش معاك

(أم محمد) هو فيه أيه محسسني أنت وأبوك أكني رايحة أنفذ حكم إعدام أنا رايحة أخرج أخت مراتك ولا نسيت

(محمد) لا منسيتش بس دول عالم زبالة ولازم أكون موجود

(سهير) أمك وأهلك هم الزبالة مش أهلي

(محمد) اقفلي يا أما وحضري السندوتش وآيات ونازل لك بعد شوية

بتقولي أيه يا سهير

(سهير) زي ما سمعت ولا تحب أعيدلك ثاني

(محمد) لا سمعت كويس أنا مش اطرش بس واضح إن أنت اللي محتاجة تبقي طرشة عشان يبقى لا أسمع ولا أرى والرؤية دي هتيجي في ميعادها أما الطرش دلوقت حالا وعلى خوانة ضربها بالقلم على وشها لدرجة انها وقعت من على السرير والدم طرطش من بُقها وظلت تصرخ

(محمد) صرخي خلاص الناس في الحتة اتعودوا على كده براحتك أنا نازل أجيب بنتك ترضعيها و تفطري أكلك على الترابيزة عيش وجبنة وسريس

(سهير) وده فطار ده أكل بهايم

(محمد) عارف أنه أكل بهايم مهو أنا بعلف بهيمة مش عاوزة تعقل ومصممة تخرب بيتها وتقعد مع أهلها في الشارع تطلب حسنة من الرايح والجاي مصممة متنضفش ولا تطلع لفوق وتفضل عمرها كله عايشة في بير السلم

(سهير) والله هقول لأبويا

(محمد) مسمعش اسم أبوك ده هنا ثاني سامعة

(أم محمد) تصعد السلم وترن الجرس على شقة محمد و يفتح محمد تعالي يا أما اتفضلي

(أم محمد) عوقت عليا قلت أكسب وقت خد بنتك أهي وكمان خد كام ساندوتش أهو أفطر مع مراتك وبعدين حصلنا على القسم

(سهير) من أمتى الحنية دي يا حماتي

(أم محمد) طول عمري حنينة بس مع الأشكال النضيفة مش الأشكال شبهك

(سهير) تصرخ أمشي انزلي بيتك وبلاش تطلعي هنا ثاني عشان مقلش منك

(محمد) يضربها بالقلم ثاني ويشخط فيها أنت ايه يا شيخة لسانك متبري منك

(سهير) وهي جاية بيتي ليه

(محمد) ده بيت ابنها وبيتها قبلك يا زبالة

(أم محمد) خلاص يامحمد اللسان القذر عمره ما ينضف افطر وانزل

(محمد) لا يا أمه أنا مسئول عن نضافته وأقسم بالله لو حصلت اقصه بالمقص لهقصه

(سهير) ابن أمك

(محمد) يضربها ثاني

(أم محمد) خلاص دي جسمها نحس خلص وحصلنا

(سهير) تصرخ كالعادة وتتلفظ بأسوء الشتائم

(محمد) حظك أني مضطر أنزل ويأخد السندوتشات ويقول لها كلي العيش والسريس كفاية عليكي عيشي عيشة أهلك ده كان أكلهم عيش حاف من غير غاموس

( سهير)يابن الكل.....

(محمد) يزنقها في الحيط ويضع يده على رقبتها محاولا خنقها قائلا كملي كملي ابن ايه يابنت اللذينا

سهير تحاول الفلفصة من بين ايده وتكح في وجهه محاولة الإفلات

(محمد) هسيبك بمزاجي مهو أنا مش مغفل عشان ادخل السجن في كلبة جربانة مضطر بس أنزل مع أمي ولما ارجع نتحاسب

(سهير) هترجع مش هتلاقيني

(محمد) ياريت تبقي عملتي فيا خير ينوبك ثواب

محمد ينزل السلم ويرن الجرس على أمه وينادي يلا يا حاجة يلا يا حاج عشان منتأخرش

يفتح الباب

(أم محمد) خلاص جاهزين تعالى ياحاج محمد نزل أهو

(أبو محمد) يلا بسم الله

وينزلوا السلم ويفتحوا باب الشارع ويخرجوا

(أم محمد) استنوا فاطمة طلبت لنا تاكسي من التطبيق وقال قدامه دقيقتين

(محمد) تمام نطلع له على الشارع وننتظره

(أبو محمد) هو كل شوية مراتك تصرخ وتلم علينا الناس مش كفاية فضايح بقى

(محمد) أوعدك يا حاج معدش صراخ ولا حاجة

(أم محمد) ليه ياسبع البرمبة هتحط على بُقها لازقة

(محمد) يضحك بكرة تشوفي وتبطلي تريقة عليا يلا اظن ده التاكسي

يالا نركب

صوت السيارة وصوت فرملة ودوشة الشارع

(أبو محمد) حمد الله على السلامة يا حاجة

(محمد) والله ياحاج محسسني أكن الحاجة رايحة الحج ده قسم الشرطة يا حاج مش الحجاز

(أم محمد) دي غيرة بقى هو أنا هلاقيها منك ولا من أختك

(أبو محمد) سيبك منه يا حاجة يلا انزلي فات المحامي منتظر مش عاوزين نأخره

(أم محمد) وماله ياحاج ينتظر كله بثمنه هو فيه حاجة النهاردة ببلاش

(محمد) أبو سهير وأخوها هنا أهم

(أبو محمد) اتصل بالحاج سالم شوفه جه ولا لسه

(محمد) واقف هناك أهو جنب الصول

(أم محمد) وكمان حضرة الأمين محمود واقف أهو تعالى سلم عليه يا حاج ده كان حبيب أبويا الله يرحمه

(أبو محمد) تمام يا حاجة نسلم عليه معرفة الناس خير وبركة

(محمد) بناقص معرفة الناس هنا ياحاج

(أم محمد) اسكت ياوله

السلام عليكم ورحمه الله وبركاته حضرة الأمين محمود

(الأمين محمود) أهلا وسهلا بنت الغالي بس أنا زعلان منك

(أم محمد) ليه بس

(الأمين محمود) ليه جاية تتنازلي كنت عاوز أربيها لك عشان تتعلم الأدب

(أبو محمد) معلش احنا نسايب وقلنا نلم الدور

(أم محمد) ده أبو محمد ياحضرة الأمين

(الأمين محمود) أهلا وسهلا أبو محمد كنت أتمنى اشوفك في مكان أفضل من القسم وظروف أحسن

(أبو محمد) أشكرك كفاية ذوقك

(محمد) أما بصي بصي أخت سهير أهي جاية والعسكري رابط ايدها في ايده بالكلابش

(الأمين محمود) كان لازم المنظر ده أمك تشوفه عشان تبرد نارها والثانية تتكسر نفسها وتتهد ولا تكرر اللي عملته

(أم محمد) تنظر لها بشماتة وتقول لها ازيك ياخت سهير يارب تكوني بخير

(اخت الزوجة) تنظر لها بغل وحقد ولا تنطق

(الأمين محمود) ردي يابت ستك بتسلم عليك ردي السلام

(اخت سهير) ردت الميه في زورها

(الأمين محمود) خدها يا عسكري نزلها الحبس وخلي الناس اللي تحت يعلموها الأدب وازي تتكلم مع أسيادها