الفصل الخامس... قضية الطرد

باب يفتح

(محمد) يصرخ ماما الحقيني

(الأم) فيه ايه يابني مالك

(محمد) المحضر جاب ليا حكم طرد من الشقة

(الأم) وبعدين؟

(محمد) وبعدين ايه أنت هتطردي ابنك من شقته

(الأم) شقتك ليه معاك عقد ولا سجلتها لك ملك دي بيتي ميراث من أبويا يلا لم حاجتك وأخرج أنت وأهل مراتك من بيتي والا هجيب بلطجية يخرجوكم من هنا يلا يله ياللي معملتش لأمك وأبوك حساب وجبت شوية مقاطيع يعيشوا علي قفانا هو معاش أبوك أد ايه عشان أفضل أصرف عليك وعليهم كفاية كده اخرج برة بيتي روح أجر شقة وخد المقاطيع دول معاك يلا واقفل الباب وراك

(محمد) هستأنف ومش ماشي

(الأم) وماله لحد ماتكسب الاستئناف ملكش عيش هنا يلا السكان الجداد تحت بعفشهم وهيطلعوا يرموا عفشك برة ويدخلوا الشقة أنا أصلا عملت لهم عقد إيجار من يوم صدور الحكم واستنيت لما ميعاد الاستئناف يخلص وبعثت لهم يجوا يستلموا

(محمد) يعني ايه أنا هقدم بلاغ للنيابة فيك وفي المحامي بتاعك أنا مستلمتش اي اعلان عن القضية خالص

(الأم) هي بطاقتك فيها عنوانك ايه ياحبيب أبوك

(محمد) عنواني هو بيت جدي اللي في الشهابية البيت اللي كنا عايشين فيه قبل جدي ما يكتب البيت ده باسمك

(الأم) طيب روح ياحبيب بيت جدك هتلاقي كل الإعلانات متعلقة في باب البيت خدها واستأنف ياحبيبي

(محمد) أنت بتقولي ايه ده ميعاد الاستئناف فات ايه يأمه هترمي ابنك في الشارع وحفيدتك

(الأم) امشي من قدامي وكفاية لحد كده يلا غور أنت وأهل مراتك ونزل عافشك بالذوق بدل مأصحاب الشقة الجداد يطلعوا ينزلوك بالعافية وبص كده من البلكونة شوف مين اللي أجر الشقة

(محمد) مين يعني يالهوي يأمه أنت أجرت الشقة لبلطجي الحارة

(الأم) آه ياقلب أمك يلا اخرج أنت وأهل مراتك بالذوق بدل ما البلطجي يخرجك بالعافية ويقل منك قدام مراتك وأهلها يلا ياحبيب والديك

(محمد) كده يأمه

(الأم) أيوة كده أنت اللي بديت جبت جربوعة هي وأهلها ومكنتها من الشقة

(محمد) بس مراتي حاضنة يعني الشقة بتاعتها قانونا

(الأم) وماله ياحبيبي طلقها وخلي أبوها اللي عايش على قفاك يرفع دعوة تمكين وبعدين يبقي يجي يأخد الشقة من بلطجي الحارة يلا ياحبيب والديك انزل بكرامتك من الشقة بدل مالبلطجي يقل منك

(محمد) وأهون عليك يأما

(الأم) زي مأنا هونت عليك وسبت أخت مراتك تطردني من بيتك وتشتمني وتقل مني وتهني ولما اشتكيت لك زعقت عليا وقلت دي شقتي وأنا حر فيها خلاص ياحبيبي نزل عفشك اللي أنا اشتريته لك بفلوسي وعلى فكرة العفش فواتيره باسمي يعني ممكن اخرجك من هنا بالهدوم اللي عليك بس مش هعمل كده برده أنت ابني صحيح ابن ضال باع أهله عشان واحدة ست عرفت تضحك عليه باسم الحب وشوية انطاع ملهمش سكن ولا دخل وعايشين عيلة عليا وعليك لكن يلا زي بعضه يلا لم نفسك ومراتك وشوية الانطاع دول وأخرج من بيتي والا هخلي البلطجي يطلع يرمي حاجتك من البلكونة ويحط عفشه وحاجته وعلى فكرة أنا اللي شارية للبلطجي العفش عشان يطلعه فوق ويرميك ف الشارع

(أخت الزوجة) ياسلام طيب ورينا شطارتك مش طالعين وابقي ورينا هتعملي ايه

(الأم) وماله يا إسلام اطلع يابني ارمي عفش العاق ده من البلكونة ودخل عفشك

(بلطجي الحارة إسلام) كده بس ياحاجة أنت تؤمري أمر ومش كده وبس شاوري على أي حد مضايقك والله اعلقه لك من رجليه على باب البيت

(أخت الزوجة) تصوت هجيب لك البوليس هو البلد سايبة ولا سايبة فيه قانون ف البلد

(الأم) وماله ياحبيبتي روحي للقانون واثبتي حقك وتعالي وابقي قابليني

يا إسلام يله ارمي عفشهم في الشارع وخرج البلاوي دي من هنا

(إسلام) عيوني ياحاجة يلا من سكات كله برة ولا حد له شوق في حاجة أنا جاهز هات السنجة يايلا

(محمد) يأما أبوس ايدك بلاش

(أخت الزوجة) تبوس ايد مين يامحمد دي أم دي

(محمد) اخرسي اياك تتكلمي عن أمي كده يلا خدي عيالك وأمك والنطع جوزك وأبوك عديم الفايدة وأخرجي من بيتي

(أخت الزوجة) أنت اتهبلت يامحمد بتطردنا عشان دي

(محمد) دي أمي وأنا غلطان ف حقها لما سمعت كلامك وكلام مراتي وهنتها وبديتكم عليها يلا خربتي بيتي ياحرباية عشان بيتك اتخرب بتخربي بيتي عشان أختك تبقي زيك يلا اخرجوا من بيتي أنا اللي هنده على البلطجي يخرجكم من بيتي قصدي بيت أمي واوعدك يأمي هدور علي شقة ايجار وأخد مراتي وبنتي ونمشي من هنا ويصرخ مناديا يا إسلام تعالى خرج الناس دي من هنا

(أخت الزوجة) هنأخد أختي معنا إذا مشينا من هنا سامع

(محمد) خدوها هتروحوا فين هو فيه حد طايقكم تروحوا عنده هتقعدوا في الشارع يلا غوروا من هنا

(أخت الزوجة) طيب احنا هنمشي بس ابقى لاحق على القضايا اللي أبويا هيعملها لك

(الأم) هو أبوك لاقي يأكل عشان يوكل محامي ده عايش على قفانا بقاله سنة

يلا اخرجي من بيتي ابت أنت والانطاع اللي معك

(محمد) عنك يأما خلي الطلعة دي ليا يا إسلام تعالى طلع الناس دي من بيتي وإذا مراتي عاوزة تمشي تروح مع أهلها بالسلامة

(أخت الزوجة) خليها لك باعت أهلها عشانك وبتقول مش ماشية

(محمد) خلاص يبقى بالسلامة اخرجوا من بيت أمي يلا

(أخت الزوجة) ارتاحتي ياخرابة البيوت

(محمد) اخرسي أمي هي اللي خرابة البيوت ولا أنت ياحرباية يلا غوري من هنا اخرجي من بيت أمي دانا عايش في خير أمي وجزمتها على دماغي

(الام) لا يامحمد أنت حبيبي بس كنت عوزاك تفوق من العما اللي حطوه على عنيك الحمد لله يابني أخيرا فوقت

(محمد) الحمد لله يأمي أنا أسف والله يأمي أسف

(الأم) كفاية يابني كفاية المهم رجعت لحضن أمك وخرجت الانطاع دول برة بيتك

يلا ياشاطرة خدي ولادك وأمك وأبوك وبرة بيتي

(أخت الزوجة) يعني هنخرج من الجنة يأختي

(محمد) لا هتخرجي للشارع يافالحة شوفي مين هيقبل يأخدك أنت وأمك وأبوك وعيالك والنطع جوزك تعيشوا عنده يلا روحي لخالتي سامية رأس البر جايز تقبل تأخدكم عندها

(الأم) لا ياحبيبي سامية أختي باعت الشقة وراحت تعيش في دار مسنين وحطت الفلوس في خزينة الدار تأكل وتعيش منها اللي اتبقي من عمرها يعني الانطاع دول مكانهم الشارع الشارع وبس

(محمد) حقك عليا يأما سامحيني

(الأم) خلاص يامحمد استني لما أقول لإسلام خلاص متشكرين يروح بيته بقى

(محمد) لا استني خليه يطلع شقتي يمشي الناس دول الأول

نزول سلم

(محمد) ياحماتي عاوزة تشوفي بنتك ابقي ابعثي لها عنوانك وأنا هوصلها لحد باب بيتك وكمان هروح السجل المدني اغير اسم بنتي لفاطمة مش آيات

(الأم) لا ياحبيبي خلاص واحد المرة الجاية إن شاء الله وياخوفي لو جه ولد ترجع مراتك تحكم عليك تسميه عباس علي اسم أبوها

(محمد) لا ياما خلاص انا فوقت من الغيبوبة اللي كنت عايش فيها خلاص واتعلمت الدرس كويس قوي حقك عليا يأمي

(الأم) ياقلب أمك تعالى في حضني